ගර්භණී කාලය තුල මවට ලබාදෙන විටමින් වල ඔබ නොසිතන පැතිකඩ

පුංචි කිරිකැටියෙක් දෝතට එනකල් පුදුම ආසාවකින් තමයි ඕනෑම විවාහපත් යුවලක් කාලය ගත කරන්නේ. ඔවුන්ගේ කිරි සිහිනය සැබෑවන බවට ලක්ෂණ පහල උන ගමන්ම ඔවුන් මුලින්ම කරන්නේ පවුල් සෞඛ්‍ය සේවා නිලදරිනියව හමුවෙලා ගර්භණි භාවය පරික්ෂා කර ගැනීම. ඔවුන්ගේ කිරි සිහිනය සැබෑවක් වන බව තහවුරු කරගත් පසු පවුල් සෞඛ්‍ය සේවා නිලදරිනියගේ මගපෙන්වීම මත මව ගර්බණි සායනයකට යොමු වෙනවා. එහිදී මවට අවශ්‍ය කරන විටමින් වර්ග ලබාදීමක් සයනය මගින් සිදු කරනවා. බොහෝ මවු වරුන් මෙම විටමින් වර්ග ඖෂද කියා වැරදි වැටහීමක් ඇති කර ගන්නවා.

මෙහිදී වටහාගත යුතු කරණය වන්නේ සෑම ගර්භනී මවකටම ඖෂද ලබා දීමක් සයන මගින් සිදු කරන්නේ නැහැ මව පරික්ෂා කිරීමෙන් අනතුරුව ඇයට යම් රෝග තත්වයක් ඇත්නම් එය මර්දනය කර මවත් දරු ගැබත් ආරක්ෂා කර ගැනීමට පමණක් ඖෂද ලබාදීමක් සිදු කරනු ලබනවා. කිසිදු විටක නිරෝගී මවකට ඖෂද ලබාදීමක් සයන මගින් සිදු කරන්නේ නැහැ. මවට හා දරුවාගේ වර්ධනයට අවශ්‍ය විටමින් වර්ග මෙම සායන මගින් ලබාදෙන අතර එමගින් මවට හෝ දරුවට කිසිදු හානියක් සිදුවන්නේ නැහැ. මෙලෙස ප්‍රධාන ලෙස ගර්භනී මවකට ලබාදෙන විටමින් වර්ග තුනක් තිබෙනවා.

1.ෆෝලික් ඇසිඩ්
2.යකඩ පෙති
3.කැල්සියම් පෙති

මෙම විටමින් වර්ග අතරින් ෆෝලික් ඇසිඩ් සදහා හිමි වන්නේ විශේෂ ස්ථානයක්. මෙය ගර්භනී වීමට පෙර සිටම ලබාගන්නා ලෙස කාන්තාවන්ට උපදෙස් ලැබෙනවා. මෙමගින් දරුවාගේ කොදු ඇට පෙළ ආශ්‍රිතව ඇති විය හැකි මෙනින්ගෝමයිරසි (දරුවාගේ සුසුම්නාව හා ඒ ආශ්‍රිත පටක එලියට පැමිණීම) නමැති ඉතා භයානක තත්වයත්, හිස් කබලේ කොටසක් අඩුව දරුවන් ඉපදීමේ තත්වයත් (මෙවැනි දරුවන් ජිවත් කල නොහැකියි) මර්ධනය කරනු ලබනවා.

යකඩ පෙති ගර්භනී මවකට දෙනු ලබන්නේ යකඩ ඌනතාවය නිසා මවට ඇති විය හැකි නීරක්තිය වලක්වා ගැනීම සදහා එසේම යකඩ පෙති ගර්භනී කාලයේදී මවකට ඇති විය හැකි විවිද සන්කුලතාවයන්ගෙන් මවත් දරුවාත් ආරක්ෂා කරනු ලබනවා.එසේම කැල්සියම් පෙති දරුවාගේ දත් , කාටිලේජ, මාංශපේෂී වර්ධනයට වැදගත් දායකත්වයක් දක්වනු ලබනවා.

එම නිසා ගර්භනී අවදියේදී ලබාදෙන මෙම විටමින් වර්ග වලින් මවට හා දරුවාට ලැබෙන ආරක්ෂාව ඉතා ඉහල මට්ටමක පවති. නියමිත ආකාරයට නියමිත වෙලාවට මෙම විටමින් වර්ග ලබා ගැනීම ගර්භනී කාලයේ මවකට ඉතා වැදගත් වුවක් බවට පත් වන බව මතකයේ තබා ගැනීම වැදගත් .