හදිසියේම දරුවා තුලින් මේ කියන ලක්ෂණ දකින්න ලැබුනොත් මොකද කරන්නේ?

February 20, 2018
3,567
What would you do if your child shows sudden changes like these
පොඩි පැංචන් කර ගන්න අනතුරු, දඟ වැඩ ගැන නම් ඉතින් අමුතුවෙන්න් කතා කරන්න අවශ්‍ය නැහැ. හැම කෙනෙක්ටම ඒ ගැන අත්දැකීම් තියෙනවනේ. පොඩ්ඩක් හරි ඇහැ වෙන කොහෙට හරි ගත්තොත් මොකක්ම හරි විනාශයක් තමයි. ඒ ඉතින් දරුවන්ගේ හැටි. බිම පය තියල ඇවිදින්නත් කලින් ඉදලම පස්සෙන්ම ඉන්න ඕන කියන්නේ ඒකයි. අපි දරුවට මොන තරම් ආදරය කරත් වැඩක් නැහැ දරුවා ගැන හොඳ අවධානෙකින් නැත්තන්. මේ කියන්නේ දරුවා ගැන ඔයාගේ අවධානය දෙන්න ඕන එක තැනක් ගැන.

පොඩි දරුවෝ ඉතින් අතට අහු වුණ දේ කටට දාගන්නවා. ඒත් ඒක හරිම භයානකයි. ඒ මොනවා හරි දෙයක් දරුවාගේ උගුරේ හිර වුනොත් ඒක දරුවගේ ජිවිතයට පවා තර්ජන ඇති වෙන්න පුළුවන්. ඒ වගේ වේලාවකදී ඔයා මුලින්ම කරන්න ඕන දේ තමයි කලබල නොවී ඉන්න එක. ඔයා කලබල කරන්න ගත්තම දරුවාත් බියට, කලබලයට පත් වෙනවා. ඒ වගේම අපි කලබල වෙලා, හදිස්සි වෙලා ගන්න වැරදි තීරණ නිසා තත්ත්වය බරපතල වෙන්න පුළුවන්. ඒ වෙලාවට ඔයා මොනවද කරන්න ඕන කියලා දැන ගෙන ඉන්න එක ගොඩාක් වැදගත්.

හදිසියේම දරුවා තුලින් මේ කියන ලක්ෂණ දකින්න ලැබුනොත් දරුවාගේ උගුරේ මොනවා හරි හිර වෙලා කියලා අනුමාන කරන්න පුළුවන්.

දරුවාට කතා කර ගැනීමට නොහැකි වීම

ශබ්ධ පිට කිරීමට නොහැකි වීම

අපහසුවෙන් හුස්ම ගැනීම

හැඩීම පිට කර ගැනීම නොහැකි වීම

කලබල ස්වභාවයක් පෙන්වීම

දරුණුම තත්වයකදී දරුවාව සිහිසුන් වීම

මේ වගේ වෙලාවක ඔයා මොනවද කරන්න ඕන සහ ඒ කොහොමද?

මේ වගේ වෙලාවක කරන්න ඕන හොඳම දේ තමයි හැකි ඉක්මනින් වෛද්‍ය වරයෙක් වෙත ගෙනයාම හෝ ප්‍රථමාධාර පුහුණු කරුවෙක් වෙත ගෙන යාම. නමුත් ඔයාට ඒකට කාලයක් නැත්තම්ද හෝ වෛද්‍යවරයෙක් වෙත ගෙන යන අතරතුර හරි දරුවා මුනින් අතට ගෙන හිස පහළට හිටින සේ හරවා පිටට තට්ටු කරන්න. මෙහිදී තට්ටු කරන්න ඕන දරුවාගේ පිටේ උරපතු දෙක අතර ප්‍රදේශයටය. මේක කරන්න පුළුවන් අවුරුදු 1 හෝ ඊට අඩු දරුවන්ට.

දරුවාගේ වයස ඊට වඩා වැඩි නම් දරුවාගේ පිටුපසින් සිටගෙන දරුවා මදක් ඉදිරියට නැවීමට සලස්වා දරුවාගේ ඉණ වටා දෑත් යවා දරුවාගේ නාභියට මදක් ඉහලින් තබාගන්න. ඉන්පසු දරුවාගේ උදරය ඉක්මනින් සහ වැරෙන් උඩු අතට තෙරපන්න. ඒ වගේම පිටට වරෙන් තට්ටු කරන්න. උදරය තෙරපීම සහ පිටට තට්ටු කිරීම මාරුවෙන් මාරුවට සිදු කරන්න.

යමක් හිර වීම නිසා දරුවාට හුස්ම ගැනීමේ අපහසුතා ඇති වුනු අවස්ථාවක හෝ සිහිසුන් වූ අවස්ථාවක කෘතීම ස්වසනය ලබා දෙන්න.එත් ගොඩක් දෙනෙක්ට ඒ ගැන නිවැරදි අවබෝධයක් නැහැ. ඒ නිසා ඒ වගේ වෙලාවක හැකි ඉක්මනින් දරුවා වෛද්‍ය වරයෙක් වෙත ගෙන යන්න. සිර වූ දේවල් පිටතට ගන්න කියලා දරුවාගේ මුව තුලට අත ,ඇඟිලි දැමීම හෝ වෙනත් උපකරණ ඇතුළු කිරීම නොකළ යුතුයි.

සිර වූ දෙය පිටතට ගත්තත් දරුවාව වෛද්‍යවරයෙක් වෙත ගෙන යන එක වැදගත්. මොකද ඒ වගේ වෙලාවක දරුවාගේ උගුර තුවාල වෙන්න පුළුවන්. ඒ සඳහා වෛද්‍ය ප්‍රතිකාර ලබා දිය යුතුයි.

දරුවාගේ ආරක්ෂාව ගැන නිතරම සොයා බලන ඔයාට මේ දේවල් ගොඩක් වැදගත් වෙයි.

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,670
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,615
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,365
   53

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,391
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed