විවාහ සම්බන්දතාවයක් අතරමග බිද වැටෙන්න දෙදෙනා අතර ඇති අඩුපාඩු

July 22, 2019
4,856
defects to break a marriage
ආදරේ කරන කාලේදී හිතේ තියෙන සැහැල්ලුව, නිදහස විවාහ ජිවිතයක් ගත කරන්න ගත්තහම නැහැ. විවාහය කියන්නේ සරල බැදීමක් නම් නෙමෙයි. සැම යුවතියක්ම විවාහ දිවියට එළඹෙන්නේ සිහින ගොඩක් පොදි බැදගෙන වගේම ආදරණිය සහ සතුටින් පිරුණු  පවුල් ජිවිතයක් ගත කරන්න සිහින දකිමිනුයි. සමහර අවස්ථා වලදී පිරිමි පාර්ශවය අතින් සිදු වන යම් යම් අඩුපාඩු නිසා කාන්තාවකට විවාහ ජීවිතය එපා වී යන්න පුළුවන්. අද හැඩකාරී අපි ඔයාට විවාහ සම්බන්දතාවයක් අතරමග බිද වැටෙන්න දෙදෙනා අතර ඇති අඩුපාඩු නිසා විවාහ ජීවිතයට බලපෑම් ඇති කරන්නේ කොහොමද කියලා කතා කරන්න හිතුවා.

ආදරයක් නොමැති ලිංගිකත්වයට වැඩි ඉඩ

ගොඩක් පවුල් වල විවාහ ජීවිතයේදී ප්‍රශ්න පැන නඟින්නට මුලික හේතුව තමයි ලිංගිකත්වය කියන්නේ. සැබෑවටම ආදරය කරනවා නම් ආදරය තුලදී ලිංගිකත්වය කියන්නේ එක වචනයක් විතරක් නෙමෙයි. ජිවිතයේ හුගාක් දේවල් තීරණය වෙන්නේ ලිංගිකත්වය මතයි. ගැහැණියකට අවශ්‍ය තම සැමියාගේ තුරුලේ සිට ආදරය විඳ ගැනීමටයි. නමුත් සැමියා ඇයව සොයන්නේ ඔහුගේ කායික අවශ්‍යතා සඳහා පමණක් නම් විවාහ ජීවිතයට බරපතල ගැටළුවක් එල්ල වෙනවා. සැමියා තමාට පෙර මෙන් ආදරය නොකරන බවත් සැමියා තමා වෙත එන්නේ ඔහුගේ කායික අවශ්‍යතා තෘප්තිමත් කර ගැනීමට පමණක් බව වැටහීම ඇත්තටම වේදනාවකාරී හැගීමක් බිරිඳට ගෙන දෙනවා.

රහස් තබා ගැනීම

මේ කියන කාරණාව නම් ඉතිං අනිවාර්යෙන් පවුල් ජිවිතේ ප්‍රශ්න ඇති වෙන අද සාමාන්‍ය දෙයක් වෙලා. සැමියා තමාගේ පෞද්ගලික දේවල් බිරිඳට හංගනකොට ඇයට එය ඉවෙන් මෙන් දැනෙනවා. ෆෝන් එක ලොක් කර ගෙන ඉන්න කොට, කම්පියුටරය අල්ලන්නවත් ඉඩ නොදෙන කොට බිරිඳට සැමියා ගැන සැකයක් ඇති වෙන එක සාධාරණයි. මෙපමණ කාලයක් තමාට පෙන්වූ සෙනෙහස වෙන කෙනෙකුට හිමි වෙනවා ඇති යැයි උපකල්පනය කරමින් බිරිඳ සිතින් දුක් විඳින්නට පටන් ගන්නවා. අපහසුතා හිතේ තියාගෙන ඉන්නේ නැතුව අනිත් කෙනා එක්ක ඒවා ගැන කතා කරන්න. එමගින් දෙන්න අතරේ තියෙන බැඳීම් තවත් ශක්තිමත් වෙනවා.

අවතක්සේරු කිරීම 

පිරිමින්ට වඩා කාන්තාවක් කාය ශක්තියෙන් අඩුයි. නමුත් එමගින් අර්ථවත් වෙන්නේ කාන්තාවන් දුර්වලයි කියන එක නෙවේ. සමහර පිරිමි පාර්ශවයන් තමන්ගේ බිරිඳට නීති දාලා හිර කරන්න හදනවා. බිරිඳට මිතුරන් ඇසුරු කරන්න, තනියම ගමනක් යන්න තහනම් කරන ස්වාමි පුරුෂයෙක් ඉන්න එක බිරිඳට ලොකු හිසරදයක්. ඒ වගේම තමයි ඔවුන් නිතරම බිරිඳව අවතක්සේරු කරනවා. අපෝ ඔයාට ඕවා කරන්න බැහැ. ගෙදරට වෙලා දරුවෝ බලාගෙන ඉන්න කියන පිරිමි ඉන්නවා. මේක නෙමෙයි ඇත්තටම වෙන්න ඕනා සැමියා බිරිදට ශක්තියක් වෙන්න ඕනා. හැම දෙයක් ගැනම ධනාත්මක සිතුවිලි වලින් බිරිදව දිරි ගන්වන්න. 

විශේෂ අවස්ථා අමතක කිරීම

ජිවිතයේ වැදගත්ම දිනය වන්නේ තමාගේ උපන්දිනය නෙවෙයි, විවාහ දිනයයි. විවාහ සංවස්තර දිනය සැමියා සමඟ ආදරයෙන් වෙළෙන්නට ඇය සිහින දකිනවා. දෙදෙනා ආදරය කරන්න පටන් ගත්තට පස්සේ හමු වුන මුල්ම දවසේ අතින් අල්ලු විට දැනුන හැගීම් සහ ප්‍රථම හාදුවේදී දැනුන හැගීම් වගේ දේවල් ගැන නැවත සිහි කරන්න ඇය කැමති. නමුත් සැමියාට මේ දවස් මතක හිටින්නේවත් නැහැ. ආදරණිය සුබ පැතීමක් බලාපොරොත්තුවෙන් ඉන්න බිරිදට වේදනාවක් ගෙන දෙනවා. අමතක වීම් නිසා පවුලට දුකක් එකතු කරන්න එපා.

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,563
   341

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,738
   246

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,263
   119

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,788
   108

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   75
   62

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed