උයන රහස් : පොඩි පොඩි දේවල් වලින් ලොකු වෙනසක් (02)

October 8, 2019
2,664
small-cooking-tips-for-a-big-change-02
උයන පිහින විටත් පුංචි පුංචි ටිප්ස් දැන ගෙන හිටියොත් අපේ වැඩ කටයුතු පහසු වේවි. අන්න ඒ වගේ පුංචි ඉගි කීපයක් මේ…

කේක් හදන විට

- අපේ හැඩකාරියෝ කේක් අයිසිං කරද්දී පිලියෙල කර ගන්නා බටර් අයිසිං වලට කිරි හැන්දක් එකතු කරන්න. සාමාන්‍ය බටර් කේක් මිශ්‍රණයටත් කිරි හැන්දක් එකතු වුනොත් රසය ඉස්තරම්.
- කේක් බීට් කරන විටත් එකම පැත්තකට ගසන්න. කේක් බීට් කරන නිවරැදිම ක්‍රමය එයයි.
- ඒ වගේම කේක් විශාල ප්‍රමාණයෙන් සාදා ගන්නවා නම් කොටස් කොටස් සකස් කර ගන්න. එහෙම නැති වුනොත් අවසාන කේක් කොටස බේක් කර ගන්නා තෙක් පිටත තියන්න සිදු වෙන කාලවේලාව වැඩියි. එවිට කේක් මිශ්‍රණයේ නිසි පදම ලබා ගැනීමට නොහැකි වෙනවා.

- උණු උණු කේක් කපන විට පිහියට වඩා නූලක් භාවිතා කරන්න. නොකැඩී කපා ගන්න පුලුවනි.
- ඒ වගේම කේක් ප්ලාස්ටික් භාජනවල තබන්න එපා. ටික දිනකින් දුගඳක් දැනේවි.
- පෘට් කේක් කිසිම දිනක ඊයම් කඩදාසිවල ඔතා තබන්න එපා. ඒවායේ ඊයම් කේක් සමග ප්‍රතික්‍රියා කිරීමට පුලුවන්.
- කේක් අසුරන භාජනයට පාන් පෙත්තක් දැම්මොත් කේක්වල වියලි ගතිය නැති වේවි.

පොලොස් ඇඹුල

- පොළොස් ඇඹුල ටික දවසක් තබා ගැනීමට අවශ්‍ය නම් අමුමිරිස්, කරපිංචා ආදිය ගලේ අඹරා ගන්න. රතුළූණු, රම්පෙ ආදියත් තෙලෙන් තෙම්පරාදු කර ගන්න. මුලින් අඹරා ගත් මිශ්‍රණයත් තෙලෙන් තෙම්පරාදු කර ගන්න. නැත්නම් ඉක්මනින්ම ආහාරයට නුසුදුසු තත්වයට පත් වේවි.
- පොළොස් ඇඹුලට කෝපි කුඩු ස්වල්පයක් එක් කිරීමෙන් රසය වැඩි කර ගන්න පුලුවනි.
- ඒ වගේම නිවසේ මිටිකිරි ඉවත් කර ගත් පොල් කුඩු තිබෙනවා නම් ඉවත දමන්න එපා. මේවා කරපිංචා සමග කබලේ බැදලා කුඩු කර ගෙන තබා ගන්න. පොලොස් වගේම මස් ආදිය පිසින විට මේ පොල් ටිකක් අඹරා දමන්න පුලුවන්. හැබැයි පොල් ඉක්මනින් මුඩු වෙන නිසා සුලං නොවදින සේ අසුරා තබා ගන්න.

සුප්

- සුප් පිළියෙල කරන විට මාමයිට් හැන්දක් එකතු කර ගැනීමෙන් රසය වැඩි වේවි.
- ඒ වගේම රාත්‍රියට සකස් කර ගන්නවා නම් නූඩ්ල්ස් ස්වල්පයකුත් සුප් එකටම එකතු කරන්න.
- ඒ වගේම සලාද කොළයක් එක් කර ගත් විට තෙල් ගතිය අඩු වේවි. හැබැයි සුප් එක පිළියෙල කිරීමෙන් පසුව සලාද කොළය ඉවත් කරන්න.
- පැණි දොඩම් යුෂ එක් කිරීමෙන් ප්‍රණීත රසයක් ලැබේවි.
- මස් යොදා ගෙන සුප් පිළියෙල කරනවා නම් මුලින් මස් තැම්බෙන්න තබන්න. මස් තැම්බුනාට පසුව එළවලු එකතු කරන්න.
- සමහර උදවිය සුප් දියාරුවට අකමැතියි. ඒ නිසා අර්තාපල් ගෙඩියක් එකතු කරන්න. දියාරු ගතිය නැති වේවි.
- දියවැඩියා රෝගීන් නම් කුරහන් පිටි ටිකක් එකතු කර ගන්න පුලුවනි.

පුඩිං

- පුඩිමක් පිළියෙල කරන විට ඊට පෙරාතුව අවන් එක රත් කර ගන්න.
- පුඩිම වාෂ්පෙන් තම්බා ගන්නා විට භාජනය තෙල් කඩදාසියකින් වසන්න.
- ඒ වගේම භාජනයේ තුන්කාලක ප්‍රමාණය ඉක්මවන්න එපා.
- වාෂ්පයෙන් තම්බා ගත් පුඩිම ඒ භාජනයේම නිවෙන්න තබන්න.
- නිවසේ දොඩම් ලෙලි ඉවත දමනන් එපා. මේවා වියලාගෙන කුඩු කර සුළං නොවදින සේ අසුරා තබා ගෙන පුඩිං සකස් කරන විට ටිකක් එකතු කරන්න.
- පුඩිම උඩින් දියර ග්ලුකෝස් තවරා ගත් විට දිලිසෙන ගතියක් ලැබේවි.

බණ්ඩක්කා සාදන විට…

- බණ්ඩක්කා බැද ගත්තාම සෙවෙල ගතිය නැහැ.
- බණ්ඩක්කා පිසින්න පෙර දෙහි යුෂ එකතු කරන්න.
- ඒ වගේම මුදවපු කිරි තේ හැන්දක් එකතු කිරීමෙනුත් සෙවෙල ගතිය නැති වේවි.
- කරවිල වගේ ගැඹුරු තෙලෙන් බණ්ඩක්කා බැද ගෙන සලාද පිළියෙල කර ගන්න පුලුවනි.
- බණ්ඩක්කා සහ දෙහි එකට තැබූ විට බණ්ඩක්කා ඉක්මනින් මෝරන්න පුලුවන්.

එන්.ඒ.පි.සි.

Related Articles

Featured Articles

Trending Articles

අපේ ජනප්‍රියම ලිපි

Do you want to if your boyfriend really loves you?
   12,857
   131

ඔයාගේ පෙම්වතා සැමියා ඔයාට ඇත්තටම ආදරෙයිද කියලා දැනගන්න කැමතිද?

ඔයා පෙම්වතියක් නම් චුට්ටක් හිතලා බලන්නකෝ ඔයාගේ පෙම්වතාගෙන් අනන්තවත් අහලා ඇති එයා ඔයාට ඇත්තටම ආදරෙයිද කියලා. ඉතිං ඔයාගේ පෙම්වතා, සහකරුවා ඔයාට ඇත්ටම ඔයාට ආදරෙයිද කියලා හරියටම දැන ගන්න පුළුවන් tips කිහිපයක් ගැන කතා කරමු
What kind of love a boy looking from a girl
   14,404
   96

කොල්ලෙක් කෙල්ලෙක්ගෙන් බලාපොරොත්තු වෙන්නේ මෙන්න මේ වගේ ආදරයක්

අද හැඩකාරී අපි ඔයාට කියලා දෙන්න තීරණය කළා විශේෂයෙන්ම කොල්ලෙක් කෙල්ලෙක්ට ආදරය කරනකොට බලාපොරොත්තු වෙන්නේ කුමන ආකාරයේ ආදරයක්ද කියලා
Scrubs for body
   16,939
   69

scrub කරන්න ඕන මුහුණ නෙවෙයි. සුන්දරත්වය රැක ගන්න පහසුම body scrub

සම නිරෝගී කර ගන්න වගේම පැහැපත් කර ගන්නටත් ආරක්ෂා කර ගන්නත්  body scrub එකක් කරන එක වැදගත්. හැබැයි ඒක ස්වභාවික ගෙදර ලේසියෙන් හොයාගන්න පුලුවන් දේවල් යොදා ගෙන කරනවා නම් තමයි ගොඩක් හොඳ
Do you know what happens when you eat spicy food?
   2,328
   45

දැවිල්ල කෑම කෑවම ඔයාගෙ ශරීරයට මොනවද වෙන්නෙ කියලා දන්නවද?

සැර ආහාර මුළු ශරීරයටම ධනාත්මක හා ඍණාත්මක බලපෑම් ඇති කරන නිසා ප්‍රතික්ෂේප කරලත් බැහැ. අද හැඩකාරී අපි දැවිල්ල කෑම කෑවම ඔයාගෙ ශරීරයට මොනවද වෙන්නෙ කියලා කියන්න හිතුවා
Food to regulate your menstrual circle
   22,202
   39

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න

Latest Articles

Most Viwed