උසින් අඩු පොඩ්ඩාගේ උස වැඩි කරන ටිප්ස් ටිකක්

June 1, 2020
4,568
How increase your kids hight
දරුවා උසින් සහ ශක්තිමත් බවින් යුතුව සිටිනවා දකින්න ඕනෑම දෙමවුපියෙක් කැමතියි. මෙම සාධක දෙකම නිරෝගී බවේ ලක්ෂණයි. මේ අනුව දරුවන් නිරෝගීව හා උසින් වැඩෙන බවට වග බලා ගන්න වෙනවා. ළමා කාලයේදී ඔබේ දරුවා සම වයසේ මිතුරන් තරම් උස නැති වීම ඔයාට ප්‍රශ්නයක් වෙන්න ඇති. ඉතින් අද හැඩකාරී අපි හිතුවා ඔයාගේ දරුවාගේ උස වැඩි කරන ටිප්ස් කිහිපයක් දෙන්​න.

දරුවාගේ උස තීරණය කිරීමේදී ජානවලට වැදගත් තැනක් හිමි වෙනවා. කොහොම වුණත්, උස කෙරෙහි බලපාන එකම සාධකය එය නම් නෙමෙයි. දරුවාගේ උස තීරණය කිරීමේදී ඔවුන් ජීවත් වන තත්ත්වයන්, ඔවුන් ගන්නා ආහාර සහ ව්‍යායාම වැනි බාහිර සාධක ද වැදගත් කාර්යභාරයක් ඉටු කරනවා.

සමස්ත වර්ධනය සඳහා සමබර ආහාර වේලක් ගන්න

දරුවා උපරිම උසකට ළඟා වන බව සහතික කිරීමට හොඳම ක්‍රමය නම් ඔහුට නිසි පෝෂණය ලැබෙන බව සහතික කිරීමයි. සමබර ආහාර වේලක​ට නිවැරදි අනුපාතයට ප්‍රෝටීන, කාබෝහයිඩ්‍රේට්, මේද හා විටමින් මිශ්‍ර වෙන්න ඕනේ. ඒවගේම දරුවන් අහිතකර ක්ෂණික ආහාර සහ පානයන් වලින් ඇත් කර තබන්න. ඉ​ඳහිට මෙවැනි ආහාර දුන්නාට කමක් නැහැ. නමුත් ඔහුට/ඇයට දිනපතා මේවා ආහාරයට ගැනීමට දෙන්න එපා.

සින්ක් දරුවාගේ වර්ධනයට විශාල බලපෑමක් කරන බව පරීක්ෂණ වලින් සොයාගෙන තියෙනවා. මේ අනුව, මස්, කඩල, රට කජු, කජු, බිත්තර වැනි සින්ක් බහුල ආහාර දරුවන්ගේ ආහාරයට ඇතුළත් කිරීම වැදගත්. සමබර ආහාර වේලක් මඟින් දරුවාගේ උස වැඩි කිරීමට අවශ්‍ය පෝෂ්‍ය පදාර්ථ ලබා දෙනවා පමණක් නොව, ඔහු ඇතුළතින්ම ශක්තිමත් කරනවා.

ව්‍යායාම

සරල ව්‍යායාම පවා දරුවාගේ උස කෙරෙහි විශාල බලපෑමක් ඇති කරනවා. කුඩා කල සිටම දරුවාට සරල ව්‍යායාම කිහිපයක් ඉගැන්වීමෙන් උස වැඩීමේ ක්‍රියාවලියට පහසුකම් සපයනවා. කොඳු ඇට පෙළ දිගු කිරීමට සහ දරුවාගේ ඉරියව් වැඩි දියුණු කිරීමට ව්‍යායාම උපකාරී වෙනවා. මෙන්න පහසු ව්‍යායාම අභ්‍යාස දෙකක්.

- දරුවා බිත්තියට හේත්තු වී ඇඟිලි තුඩු වලින් සිටගෙන සිටීමෙන් ඔහුගේ/ ඇයගේ කකුලේ මාංශ පේශි ශක්තිමත් කරනවා. 
- බිම වාඩිවී කකුල් පළල් කර, කකුල් වල මහපටැඟිලි අත් වලින් ස්පර්ෂ කිරී​මේ ව්‍යායාමයක්.

එල්ලීම

උස වැඩි කිරීම සඳහා එල්ලීම දැන් දශක ගණනාවක් තිස්සේ නිර්දේශ කර තියෙනවා. බාර් වල එල්ලීම මගින් කොඳු ඇට පෙළ දිගු කිරීමට උපකාරී වනවා. අත් ශක්තිමත් වීමට මෙම බාර් වල එල්ලී කරන Pull up, Chin up වැනි ව්‍යායාම කරවන්නටත් පුළුවන්.

යෝගා කරන්න

යෝගා පුහුණුව බොහෝ දුරට උස යාම​ට හා ශරීරය සමබර කිරීමට උදවු කර​නවා. ඔයාගේ දරුවාට සූර්ය නමස්කාර​ය, චක්‍ර ආසන වැනි යෝග කිහිපයක් පුහුණු කරන්න. දරුවා සමඟ ඔයත් යෝගා  කිරීමට උත්සාහ කරන්න එවිට ඔහුට මෙන්ම ඔයාටත් යම් ආශ්වාදයක් ලබා ගන්න පුළුවන්.

ස්කිපින් (Skipping)

Skipping කියන්නේ විනෝදජනක ව්‍යායාමයක් වන අතර එය ළමයින්ට ක්‍රීඩාවක් ලෙස හඟවන්න. එය හදවත ඇතුළු මුළු ශරීරයම ක්‍රියාත්මක වන අතර උස වැඩි කරනවා. මෙමගින් මුළු සිරුරම දිගු වන අතර එය දරුවාගේ වර්ධනයට අනුබල දෙනවා. එය විශ්මිත ප්‍රතිඵල ගෙනෙ​න හෘද ව්‍යායාමයක් වන අතර එමගින් දරුවා ක්‍රියාශීලීව හා සෞඛ්‍ය සම්පන්නව තබා ගැනීමට උපකාරී වෙනවා.

පිහිනීම

පිහිනීම කියන්නේ දරුවාගේ සමස්ත වර්ධනයට උපකාරී වන තවත් සෞඛ්‍ය සම්පන්න හා විනෝදජනක ව්‍යායාමයක්. එය ශරීරයේ සියලුම මාංශ පේශි මත ක්‍රියා කරන පූර්ණ ශරීර ව්‍යායාමයක්. පිහිනීම මගින්ද කොඳු ඇට පෙළ ශක්තිමත් කරන අතර උස වැඩි කරනවා.

හොඳ නින්දක්

හොඳ නින්දේ වැදගත්කම කිසි විටෙකත් කියා නිම කරන්න බැහැ. හොඳ රාත්‍රී නින්දක් වැඩිහිටියන්ට පමණක් නොව ළමයින්ටද වැදගත් වෙනවා. නිරෝගීව සිටීමට සහ ශක්තිමත්ව සිටීමට දරුවාට සෑම රාත්‍රියකම පැය 8 ක නින්දක් ලැබෙන බවට වග බලා ගන්න. නින්දේදී HGH නමින් වර්ධන හෝමෝනයක් නිකුත් කරන අතර එය උස වැඩි කිරීමට සෘජු කාර්යභාරයක් ඉටු කරනවා. එබැවින් නින්ද මඟ හැරීම හොඳ අදහසක් නෙමෙයි.

Related Articles

Featured Articles

Trending Articles

අපේ ජනප්‍රියම ලිපි

Do not do these after sexual intercourse
   682
   552

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
These food makes you look more older
   438
   325

ඔබව වේගයෙන් වයස්ගත කරන මේ ආහාර දැන ගෙන ඉන්න

වයසට කලින් වයසට යාම වැළැක්වීම සඳහා ඔබ ඔබේ ආහාර වේලෙන් ඉවත් කළ යුතු ආහාර කිහිපයක් තියෙනවා
Hit fashion trends in 2021
   299
   211

2021 වසරේ හිට් වුණු ෆැෂන් ට්‍රෙන්ඩ්ස්

මේක විලාසිතා ලෝකයට නිහඬ වසරක් වුණත් ආකර්ෂණීය මෝස්තර කිහිපයක් එළිදක්වා තියෙනවා. 2021 වසරේ ට්‍රෙන්ඩ් වුණු ෆැෂන් ටිකක් තමයි මේ
Why should you wear the mask even though you are fully vaccinated?
   507
   147

කොවිඩ් මර්ධන එන්නත් මාත්‍රා සම්පූර්ණයෙන් ලබාගත් ඔබ තවදුරටත් මුහුණු ආවරණ පැලදිය යුතුද??

එන්නත ලබා ගැනීමෙන් රෝගය වැළඳීම සම්බන්ධයෙන් පරිපූර්ණ ආරක්ෂාවක් සැලසෙන්නේ නැද්ද යන ගැටළු සමාජයේ බොහෝ කතාබහට ලක්වනවා.. එන්නත් ලබාගත් ඔබ මුහුණු ආවරණයක් පැලඳිය යුත්තේ කවර අවස්ථාවකද..
Why we get fat although we eat less?
   3,707
   96

කොච්චර චුට්ටක් කෑවත් මහත් වෙනවා. මොනවාද අපිට අතපසු වුනේ?

එච්චර කන්නෙත් නැහැ. ඒත් මහතයි. ඇයි මේ වෙනස..? ඔබ ආහාර ගැනීමේදී ප්‍රමාණය ගැන විතරක් සලකා බැහැ. එහිදී වැදගත් වෙන හේතු මොනවාද....?

Latest Articles

Most Viwed