කටු අනෝදා කෑවොත් ගොඩම තමයි

July 21, 2020
3,397
Soursop a solution for so many diseases
වත්තේ පිටියේ වැඩි සාත්තු සප්පායමක් නැතුව හැදෙන කටු අනෝදා ගැන අපේ හැඩකාරියෝ දන්නේ මොනවාද..?

පිලිකා නාශක ගුණයක් මේ පළතුරේ තිබෙන බව ඇහුනොත් ඔබත් කට පුරාම අනේ වාසනාවන් කියාවි.. ඉතින් ඒ ඇත්ත.කටු අනෝදා නිතරම ආහාරයට ගත්තොත් පිලිකා සෛල වර්ධනය වීමේ හැකියාව අඩු කිරීමට පුලුවන් බැව් දැන් අනාවරනය වී තිබෙනවා. මෙක්සිකෝවේ කටු අනෝදා හැදෙන ප්‍රදේශවල ජනතාවට පිලිකා රෝගය පැතිරීම වගේම වැළදීමත් අඩු බැව් දැන් බටහිර පර්යේෂණ මගින් හඳුනා ගෙන තිබෙනවා. ඔවුන් මේ බව කියන්නේ නිකමම් නොවෙයි. acetogenins, quinolones වැනි ස්වභාවික පිලිකා සෛල නාශක හැකියාවක් කටු අනෝදා පළතුරට තිබෙනවා. ඒ නිසාම පිලිකාව වැළඳෙන මුල් කාලයේදී වුනත් කටු අනෝදා ආහාරයට ගත්තොත් ගොඩම තමයි.

අද බටහිර ජාතිකයන් කටු අනෝදා ආශ්‍රිතව පර්යේෂන ගණනාවක් සිදු කර තිබෙනවා. මේ කොළ වියලා ගෙන පාප්යක් වගේ සකස් කර ගෙන පාවිච්චි කිරීමට තරම්ම ඔවුන් මෙහි ගුණ හදුනා ගෙන අවසානයි. එක්සිමා (ECZEMA ) වැනි ආසාත්මිකතාවයන්හිදී කටු අනෝදා පත්‍ර ඇල්දියෙන් අඹරා ගෙන ආලේප කරනවා.

කටුඅනෝදා විටමින් C බහුල පළතුරක් නිසා සිරුරේ විෂ හරණයට, ප්‍රතිශක්තිකරණය වර්ධනය කිරීමේ හැකියාවෙන් යුක්තයි. ලවණ ගතියෙන් යුක්ත නිසා වමනය, පාචනය වැනි අවස්ථාවලදී ඇති වෙන විජලනයට ගුණයි. එවැනි අවස්ථාවන්හිදී සිරුරේ (Electrolyte Balance) සමතුලිතාවය ඇති කරනවා.

අද හැම තැනම ඇහෙන ගැස්ට්රයිටිස් රෝගයට බොහොම ගුණයි. ඒ වගේම බඩවැල් පිරිසිදු කිරීමේ ගුනයෙන් යුක්තයි. ඒ නිසාම මලබද්ධය වලක්වනවා.

වකුගඩු ගල් ඇති වීම වගේම මුත්‍රා ගල් ඉවත් කිරීමේ හැකියාව කටු අනෝදාවලට තිබෙන බැව් බොහෝ රෝගීන් ඔවුන්ගේ අත්දැකීම්වලින් කියනවා. මුත්‍රා ගල් කුඩු කිරීමට දින නියම වුන බොහෝ රෝගීන් කටු අනෝදා ආහාරයට ගැනීමෙන් පසුව ඔවුන්ගේ මුත්‍රා ගල් පිටවූ බැව් චිකිත්සාගාරයේදී පවසා සිටිනවා.

ඒ විතරක් නොවෙයි, රුධිරගත සීනි සහ අධිරුධිර පීඩන තත්වයත් පාලනය කර ගැනීමට පුලුවනි.

කටු අනෝදා බීමක් විදිහටත් පිළියෙල කර ගන්න පුලුවනි. මේ වෙනුවෙන් ඉතින් “ජූස් බාර්” වෙතට යන්න කලබල වෙන්න එපා. ඔබට නිවසේදීම මේ පානය ඉතා පහසුවෙන් සකස් කර ගන්න පුලුවනි.

ඇට ඉවත් කර ගත් කටු අනෝදා ගෙඩියකින් කොටසක් සීනි සමග මිශ්‍ර කරලා වතුර කෝප්ප කාලක් පමණ එකතු කරලා බ්ලෙන්ඩර් කරන්න. සීනි නැතුවත්
පුලුවනි.

කටු අනෝදා ගෙඩිය ඉදෙන්න පෙරාතුව පොතු ඉවත් කරලා ලුනු, මිරිස් ආදිය පදමට දාලා වයංජනයක් විදිහට හදා ගන්නත් පුලුවනි.

එන්.ඒ.පි.සි

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,563
   341

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,738
   246

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,263
   119

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,788
   108

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   75
   62

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed