හිරු එළියට කළු වුන සම පැහැපත් කරගන්නේ මෙහෙමයි

October 24, 2020
17,209
How to get rid of sun tan
හිරු එළියට නිරාවරණය වුණාම ඔයාගේ සම අඳුරු වෙන්න පටන් ගන්නවා. ඒ, ඔයාගේ සමේ වර්ණක සඳහා වගකිව යුතු මෙලනින් අධික ලෙස නිපදවීම නිසායි. ටෑන් කියන්නේ ඔයාගේ ශරීරය සූර්යාගේ හානිකර කිරණවලින් ආරක්ෂා කිරීමට සම විසින් ගන්නා උත්සාහයක්.

දැඩි හිරු එළියට නිරාවරණය වුණාම ඔයාගේ ශරීරය විසින් සම මතුපිටට මෙලනින් නිකුත් කරනවා. ඒ මඟින් සම මතට එන පාරජම්බුල කිරණ අවශෝෂණය කර ගැනීමට උපකාරී වෙනවා. ඉතින් ඔයාගේ සම පාරජම්බුල කිරණවලට නිරාවරණය වන තරමට සමේ වර්ණක ද වැඩි වන අතර එමඟින් සම අඳුරු වෙනවා.

ඒ නිසා ඔයාගේ සම හිරු එළියට අනවශ්‍ය හා දීර්ඝ කාලයක් නිරාවරණය කරන්න එපා. අව් රශ්මිය මඟ හරවා ගැනීම සඳහා හොඳම ක්‍රමය වන්නේ ස්කාෆ් එකක් හෝ තොප්පියක් භාවිතා කිරීමයි. ඒ වගේම ගෙදරින් එළියට බහින්න කලින් අනිවාර්යයෙන්ම සන්ස්ක්‍රීන් ආලේප කරන්න. අධික අව්ව දවස් වලට සිරුර වැසෙන සේ ඇඳුම් අඳින්න.

ඔයා මේ ලිපිය කියවලම බලන්නකෝ. අද අපි ඔබේ හිරු එළිය නිසා ඇති වුණු ටෑන් වර්ණය ඉවත් කිරීමට උපකාරී වන සත්කාර කිහිපයක් කියලා දෙන්නම්. දිගටම කියවන්න!

1. තක්කාලි
තක්කාලි සූර්යයාගේ හානිකර පාරජම්බුල කිරණ මගින් ඇති වන හානියට එරෙහිව සටන් කරන phytochemicals (carotenoids ද ඇතුළුව) වලින් පොහොසත්. මෙම සංයෝග මගින් අඳුරු වුණු සම යථා තත්වයට පත් කිරීමට උපකාරී වෙනවා.
ඔයාට අවශ්‍ය වෙන්නේ ;
තක්කාලි 1-2 ක්
ලෙමන් යුෂ තේ හැඳි 1 ක්

ඔයා කළ යුතු දේ-
තක්කාලි පේස්ට් එකක් සදා ගන්න. එම පේස්ට් එකට ලෙමන් යුෂ එක කරමින් මිශ්‍ර කර ගන්න.
අඳුරු ප්‍රදේශ වලට විශේෂ අවධානයක් යොමු කරමින් මිශ්‍රණය සමේ අලේප කරන්න. ආලේපනය සීතල වතුරෙන් සේදීමට පෙර මිනිත්තු 15-20 අතර කාලයක් තබන්න.
මෙය සතියකට 1-2 වතාවක් සිදු කිරීමෙන් සාර්ථක ප්‍රතිඵලයක් ලබා ගන්න පුළුවන්.

2. ලෙමන් යුෂ
ලෙමන් කියන්නේ විටමින් C වලින් පොහොසත් ප්‍රභවයක්. ඒ වගේම අඳුරු වර්ණකවල බලපෑම අඩු කරනවා. එමනිසා අඳුරු වර්ණය අඩු කරමින් සමේ පැහැය යථා තත්වයට පත් කිරීමට ඒ උපකාරී වෙනවා.
ඔයාට අවශ්‍ය වන්නේ ;
ලෙමන් 1 ක්
කපු පුළුන් බෝල
ඔයා කළ යුතු දේ -
ලෙමන් ගෙඩියක යුෂ සම්පූර්ණයෙන් ම බඳුනකට මිරිකා ගෙන පිරිසිදු කපු පුළුන් බෝලයක් ආධාරයෙන් සමේ අඳුරු වුණ ප්‍රදේශ වල අලේප කරන්න.
සෝදා හරින්න කලින් මිනිත්තු 15-20 අතර කාලයක් ආලේපනය සමේ තබන්න.

ඔයාට මෙම පිළියම සතියකට 2 වතාවක් කරන්න පුලුවන්.

** ලෙමන් යුෂ සමට තද සංවේදීතාවයක් ඇති කරනවා. ඒ නිසා මෙම පිළියම උත්සාහ කරන්න කලින් ඔයාගේ සමේ පැච් හෝ තුවාල තියෙනවා ද කියලා පරීක්ෂා කරන්න. ලෙමන් යුෂ අලේප කිරීමෙන් පස්සේ පිටතට යන්න කලින් හිරු ආවරණ ආලේපනයක් ආලේප කිරීමට මතක තබා ගන්න.

3. කෝමාරිකා
මෙය ඔබේ සමේ අඳුරු වර්ණක අඩු කරන අතර සමට නිරෝගී දිලිසීමක් ලබා දෙනවා.

ඔයාට අවශ්‍ය වෙන්නේ ;
කෝමාරිකා ජෙල් මේස හැඳි 1 ක්
පිපිඤ්ඤා 1 ක්
මී පැණි මේස හැඳි 1 ක්
ඔයා කළ යුතු දේ ;
පේස්ට් එකක් සදා ගැනීම සඳහා පිපිඤ්ඤා, කෝමාරිකා ජෙල් සහ මී පැණි එකතු කරමින් හොඳින් මිශ්‍ර කරන්න. සමේ අඳුරු පැහැ ගැන්වී ඇති ප්‍රදේශවලට අලේප කරලා විනාඩි 20 ක් තබන්න.
පසුව හොඳින් සෝදන්න.
මෙම පේස්ට් එක සතියකට දෙවතාවක් අඳුරු පැහැ ගැන්වී ඇති ප්‍රදේශවල ආලේප කරන්න.

4. පැපොල්
පැපොල් සාරය සම මතුපිටින් මිය ගිය සෛල ඉවත් කිරීමට උපකාරී වෙනවා. ඒ හරහා නැවත ඔයාගේ සමේ ස්වාභාවික වර්ණය යථා තත්වයට පත් කර ගන්න පුළුවන්.

ඔයාට අවශ්‍ය වෙන්නේ ;
ඉදුණු පැපොල් 1
ලෙමන් 1
ඔයා කළ යුතු දේ -
පැපොල් ගෙඩිය කැබලි වලට කපලා බ්ලෙන්ඩරයට දාන්න.
පස්සේ ඒ යුෂ ටිකට ලෙමන් ගෙඩියක යුෂ මිරිකලා එක් කරන්න.
මෙම පේස්ට් එක ඔබේ සමේ අඳුරු පැහැ ගැන්වූ තැන් වල ආලේප කරලා විනාඩි 10 ක් තබලා හොඳින් සෝදා හරින්න.

5. මී පැණි
මී පැණි කියන්නේ ඔයාගේ සම මොයිස්චරයිසින් කරමින් සමේ ස්වාභාවික වර්ණය වැඩි දියුණු කරන අමු ද්‍රව්‍යයක්.

ඔයාට අවශ්‍ය වන්නේ ;
ලෙමන් තේ හැඳි 1
මී පැණි මේස හැඳි 1

ඔයා කළ යුතු දේ ;
ලෙමන් යුෂ සමඟ මී පැණි මිශ්‍ර කරන්න.
මෙම පේස්ට් එක ඔයාගේ සමේ අඳුරු පැහැ ප්‍රදේශවල ආලේප කරලා විනාඩි 15-20 අතර කාලයක් තබා සෝදා හරින්න.

Related Articles

Featured Articles

Trending Articles

අපේ ජනප්‍රියම ලිපි

How to pick cloths for your skin tone
   4,791
   150

සමේ වර්ණයන්ට ගැළපෙන විදිහට ඇඳුම් තෝරා ගන්නේ මෙහෙමයි

සමේ පැහැය මත පදනම්ව ඔයාට වඩාත්ම ගැලපෙන වර්ණ මොනවාදැයි හඳුනා ගැනීමට ස​හ ඇඳුමක් ඔන්ලයින් ඕඩර් කරන්න කලින්, සාප්පු සවාරි සැරිසැරීමට කලින් මතක තබා ගැනීම​ට මාර්ගෝපදේශ කිහිපයක් මෙන්න
Chilli prawns recipe
   189
   125

රසවත් චිලී ප්‍රෝන්ස්

හැමදාම ඉස්සෝ එකම විධියටම කාලා එපා වෙලා නේද....මෙන්න ඔබට රසවත් චිලී ප්‍රෝන්ස් රෙසිපි එකක්.. පොඩි වෙනසක් කරලා බලමුද එහෙනම්..
Parents should keep these in mind about their children
   4,882
   98

දරුවන් ඉදිරියේ මේ දේවල් නොකරන්න හැම මවක්, පියෙක්ම වගබලා ගත යුතුයි

අපි දුර දිග නොබලා කරන සමහර වැරදි දරුවන්ට හානි කරන්න හේතු වෙනවා. ඒ මොනවද කියලා හරියටම දැන ගත්තොත්
Do not do these after sexual intercourse
   2,264
   91

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
Oils that helps to have a uplift your beauty
   9,626
   63

සුන්දර රූපයක් උරුම කර දෙන තෙල් සත්කාර

ඔයාගේ හිසේ සිට දෙපතුල දක්වා ඇති වන සුන්දරත්වයේ ගැටලු වලටත් මේ ඖෂධීය තෙල් වර්ග කදිම සත්කාරයක්

Latest Articles

Most Viwed