තෙල් අධික ආහාර වේලක් කෑවට පස්සේ ඔබ කල යුතු දේවල් 4 ක්

December 7, 2020
2,105
4 things to do after a heavy fat meal
උත්සව සමය ටික ටික ළං වෙද්දී ප්‍රියතම ආහාර පිළියෙළ කිරීමට ගොඩක් අය පටන් ගන්නවා. ප්‍රණීත ආහාර වේලක් භුක්ති විඳීම නරක අදහසක් නෙමෙයි. නමුත් ඔබ සෑම අවස්ථාවකම අධික ලෙස තෙල් සහිත ආහාර ගන්නා අයෙක් නම්, ඒකෙන් ඔබේ සෞඛ්‍යට සිද්ධ වෙන හානිකර බලපෑම් අවම කිරීම සඳහා ඔබ මතක තබා ගත යුතු කරුණු කිහිපයක් තියෙනවා.

ඒ සියල්ල දැනගැනීමට සූදානම්ද? ඔබේ සෞඛ්‍යයට යම් අපහසුතාවයක් හෝ හානියක් සිද්ධ වෙන එක අවම කරගැනීම සඳහා අධික තෙල් සහිත ආහාර වේලකින් පස්සේ ඔබ කරන්න ඕනේ දේවල් 4 ක් මෙන්න:

1. ජලය පානය කරන්න
ඔයා තෙල් සහිත ආහාර ලබාගන්නවා නම් කෑවට පස්සේ මදරස්නෙ වතුර වීදුරුවක් බොන්න. මෙමගින් ඔබේ ආහාර ජීර්ණ පද්ධතියට පහසුවක් එකතු වෙනවා සහ ඒකෙ ක්‍රියාකාරිත්වය සක්‍රීය කිරීමට උපකාරී වෙනවා. ජලය පෝෂ්‍ය පදාර්ථ හා අපද්‍රව්‍ය සඳහා වාහකයක් ලෙස ද ක්‍රියා කරයි. කුඩා අන්ත්‍රය ඔයා පරිභෝජනය කළ ආහාර වල ඇති ජලය උරා ගන්නවා. ඔබ ආහාර ගැනීමෙන් පස්සේ උණුසුම් වතුර ටිකක් නොබිව්වොත් බොහෝ විට ඒ හරහා ඔබට විජලනයට හා මල බද්ධයට මඟ පාදනවා.

2. ඇවිදින්න
ඔයා තෙල් අධික ආහාර වේලක් අනුභව කළාට පස්සේ ඒකෙන් විවිධ අපහසුතාවයන්ට පත් වෙන්න පුලුවන්. අධික තෙල් සහිත ආහාර වේලකින් පස්සේ මිනිත්තු 20 ක කෙටි ඇවිදීමක්වත් කරන්න. ඒකෙන් ඔබේ ආහාර ජීර්ණය සුමටව හා බාධාවකින් තොරව ක්‍රියා කරන්න පුලුවන් වෙනවා. ඒ විතරක් නෙමෙයි, බර අඩු කර ගැනීමටද එය උපකාරී වෙනවා. ඉතින් තෙල් සහිත ආහාර වේලකින් පස්සේ ඔයා පිටතට ගිහින් හෝ ගෘහස්ථ පරිසරයක වත් ඇවිදින්න වග බලා ගන්න.

3. සීතල ආහාර වලින් ඇත් වෙලා සිටින්න
තෘප්තිමත් ආහාර වේලක් රස විඳීමෙන් පස්සේ අයිස්ක්‍රීම් වගේ සීතල දෙයක් ආහාරයට ගන්න කවුරුත් කැමතියි. ඇත්තටම ඒක ලොකු වැරැද්දක්. තෙල් සහිත ආහාරයක් ගත්තාට පස්සේ ඔබේ අක්මාව, ආමාශය සහ බඩවැල් වලට අහිතකර ලෙස ඒක බලපානවා. ඒකෙන් ඔයා අනුභව කළ ආහාර ජීර්ණය කිරීමට අපහසු වන අතර, ඔයා සිසිල් ආහාර අනුභව කරනකොට ආහාර දිරවීමේ ක්‍රියාවලිය අධික ආතතියකට ලක් කරනවා. මෙයින් අජීර්ණය, බඩ පිපුම වගේ දේ සිදු වෙනවා.

4. ඔයගේ ඊළඟ ආහාරය සැලසුම් කරන්න
ඔබ එක් ආහාර වේලක් සඳහා අධික ලෙස තෙල් ආහාරයට ගෙන තිබෙනවා නම්, ඊළඟ ආහාර වේල සඳහා සැහැල්ලු දෙයක් සැලසුම් කරන්න. ප්‍රෝටීන් මාත්‍රාවක් එකතු කිරීමත් සමඟ වැඩි පලතුරු හා එළවළු පරිභෝජනය කිරීමට උත්සාහ කරන්න. සිහියෙන් යුතුව ආහාර ගැනීමට පුහුණු වන්න. ආහාර කැබලි කර හපන්නට අවධානය යොමු කරන්න. එය ඔබට වැඩි තෘප්තියක් දැනීමට උපකාරී වෙයි.

අපහසුතාවයන්ට පත්වීම වළක්වා ගැනීම සඳහා අධික තෙල් සහිත ආහාර වේලකින් පස්සේ මෙම උපදෙස් අනුගමනය කිරීමට වග බලා ගන්න!

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,564
   342

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,739
   247

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,264
   120

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,789
   109

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   76
   63

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed