අපේ යහපත් සෞඛ්‍යයට උරදෙන "ප්‍රානයාම ව්‍යායාමය"

April 14, 2021
414
How pranayama help to improve our health
යෝග ක්‍රම එහෙමත් නැත්නම් යෝගී ව්‍යායාම (YOGA) කියන්නේ අද බොහෝ දුරට කලාවක් විදියට හැමෝම කරන දෙයක්.. සමහරු මේක පැෂන් එකක් විදියටත් කරනවා.. ඉතින් අද හැඩකාරි කියලා දෙන්නේ යෝග ක්‍රමයක් වන ප්‍රානයාම ( Pranayama ) ක්‍රමය ගැන..

මොකක්ද මේ ප්‍රානයාම ක්‍රමය කියන්නේ..
What exactly is pranayama?
ඇත්තටම ‍ ප්‍රාණයාම කියන්නේ ඔබගේ හුස්ම ගැනීමේ රටාව පාලනය කිරීමටයි. ඔබගේ හුස්ම ගැනීමත් හුස්ම ගැනීමේ වාර ගණනත්, එහි පරතරයත් පාලනය කරනවා. යෝග අභ්‍යාස වලදී ප්‍රානයාම මගින් ඔබගේ ශරීරය සහ මනස පාලනය කරයි. එය ඔබේ ශරීරයට අවශ්‍ය කරන ඔක්සිජන් ලබා දෙන අතර විෂ පිටකරනවා. ඇත්තටම මෙය ක්‍රමය සුවකිරීමේ ක්‍රමයක්. ප්‍රානයාම ක්‍රමය හුස්ම ගැනීමේ ක්‍රම කීපයකට ඒවා සිදු කරනවා. යෝග ව්‍යායාම කරන විට, භාවනා කරන විට මෙම ක්‍රම අපට පුරුදු වන්න පුළුවන්.

ප්‍රාණයාම ක්‍රමයෙන් විද්‍යාත්මකව ලැබෙන ප්‍රයෝජන හැඩකාරි අපි ඔබට ඉදිරිපත් කරන්නම්.

මානසික ආතතිය දුරු කිරීම - Decreases stress
ප්‍රානයාම ක්‍රමය ප්‍රගුණ කිරීමෙන් අපගේ ස්නායු පද්ධතිය සන්සුන් කරන අතර මොළය සහ ස්නායු ක්‍රියා ක්‍රියාකාරීත්වයට අවශ්‍ය කරන ඔක්සිජන් සැපයුම් අඛණ්ඩව සිදු කරන්න උදව් වෙනවා.

2. සුව නින්දක් ලබා දෙනවා - Improves sleep quality
බොහෝවිට අපගේ මනස කලබලකාරී හා ආතතියට පත්ව ඇති විට අපට නින්ද යෑම බොහොම අසීරුයි. නමුත් ප්‍රානයාම ක්‍රමය කිරීම මගින් හෘද ස්පන්දන වේගය සහ හුස්ම ගැනීමේ වේගය පාලනය කරමින් නින්ද සඳහා ශරීරය සූදානම් කරනවා.
3. මානසික ඒකාග්‍රතාව වැඩි දියුණු කිරීම - Increases mindfulness
අපි සියලු දෙනා බොහෝ විට හුස්ම ගැනීම ස්වයංක්‍රීයවම සිදුකරනවා. ඒ පිළිබඳ කිසිදු ආකාරයකට අප සිතන්නේ නැහැ. නමුත් ප්‍රාණයාම ක්‍රමයේ දී අපි හුස්ම ගැනීම පිට කිරීම පිළිබඳව වැඩි අවධානයක් යොමු කරනවා. පරීක්ෂකයින් පවසන්නේ ප්‍රානයාම ක්‍රමය සිදු කරන අයගේ මානසික ඒකාග්‍රතාවය ‍එය සිදු නොකරන අයට වඩා වැඩි බවයි. ඔවුන් පවසන්නේ ප්‍රානයාම ක්‍රමය මඟින් ශරීරයෙන් කාබන්ඩයොක්සයිඩ් පිට කිරීමත් මොලයේ ක්‍රියාකාරිත්වයට අවශ්‍ය ඉන්ධන වන ඔක්සිජන් ලබා දීම වේගවත් කිරීම මගින් අවධානය (focus) සහ එක් අරමුණකට සිත යොමු කිරීමේ (concentration) වේගය වැඩි කරන බවයි.

4. අධික රුධිර පීඩනය අඩු කරයි - Reduces high blood pressure
අධික රුධිර පීඩනය කියලා කියන්නේ ඔබගේ රුධිරයේ සංසරණ වේගය වැඩිවීමයි. එසේ වැඩිවීම ශරීරයට ඉතා අහිතකර තත්ත්වයක් වන අතර හෘද්‍යාබාධ, ආඝාත ඇතිවීම කෙරෙහි බලපානවා. අධික රුධිර පීඩන තත්ත්වයට ප්‍රධානම හේතුව වන්නේ මානසික ආතතියයි. ප්‍රානයාම ක්‍රමය මගින් මනස ලිහිල් වීම සිදුකරන අතර මනස සන්සුන් කිරීමට උපකාරී වෙනවා.

5. පෙනහලු ක්‍රියාකාරිත්වය වැඩි දියුණු කිරිම - Improves lung function
හුස්ම් ගැනීමේ ක්‍රමවේදයක් වන ප්‍රාණයාම ක්‍රමයෙන් ඔබගේ දුර්වල හුස්ම ගැනීමේ රටාව ශක්තිමත් කරන අතර පෙනහළු ශක්තිමත් වෙනවා. පර්යේෂණයන් ට අනුව ඇදුම (asthma), බ්‍රොන්කයිටීස් (allergic bronchitis), නිව්මෝනියාව( pneumonia ) සහ ක්ෂය රෝගය (tuberculosis) වැනි රෝගයන්ගෙන් සුවය ලැබීම සඳහාත් ප්‍රානයාම ක්‍රමය උපකාරී කර ගන්න පුළුවන්.

6. සංජනනාත්මක කුසලතා වැඩි දියුණු කිරීම (Enhances cognitive performance)
ප්‍රාණයාම ක්‍රමයෙන් ප්‍රධාන වශයෙන් හුස්ම ගැනීමත් පිට කිරීමත් ක්‍රමවත් කරන අතර එමගින් මොළයේ ක්‍රියාකාරීත්වය වැඩි දියුණු කිරීම සිදු කරයි. පර්යේෂකයන්ට අනුව ප්‍රානයාම ක්‍රමය මඟින් මානසික ආතතිය දුරු කිරීම සහ ශරීරයට අවශ්‍ය ඔක්සිජන් ලබාගැනීමේ ක්‍රමවේදය ශක්තිමත් කිරීම මෙයට හේතුවන බවයි .

7. දුම්වැටි පානය කිරීම සඳහා ඇති කැමැත්ත අඩු කිරීම (Reduces cigarette cravings)
දුම්වැටි පානය නතර කි‍රීමට උතසාහ ද‍රණ පුද්ගලයින් මෙම ප්‍රාණයාම යෝග අභ්‍යාසය ප්‍රගුණ කිරීමෙන් ඔවුන්ට දුම්වැටි පානය සඳහා ඇති කැමැත්ත අඩු කරන බව පර්යේෂණයකින් හෙළිවී තිබෙනවා.

බොහෝවිට යෝග අභ්‍යාස මගින් සිදු කරන්නේ ඔබගේ මනස සහ ශරීරය සැහැල්ලු කිරීමයි . ප්‍රාණයාම ක්‍රමයෙහි අරමුණ වන්නේ ශරීරය සහ මනස අතර ශක්තිමත් සබඳතාවයක් ඇති කිරීමයි. අප සියලු දෙනාගේම අරමුණ වන්නේ සිත සැහැල්ලුවෙන් ජීවත්වීමයි. ඉතින් ඔබත් තවමත් යෝග අභ්‍යාස පිළිබඳ දන්නේ නැතිනම් ඒ පිළිබඳව ඉගෙන ගන්න කැමති නම් අත්දැකීම් බහුල පුහුණුකරුවකු වෙත යොමුවීමයි කරන්න පුළුවන් හොඳම දේ.. ඉදිරියේදිත් හැඩකාරී අපි යෝග ව්‍යායාම සම්බන්ධ ලිපි කිහිපයකින් හම්බු වෙමු.

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,570
   347

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,740
   248

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,264
   120

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,789
   109

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   76
   63

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed