කකුල් හරහාට දමාගෙන වාඩිවීමෙන් ශරීරයට සිදුවන බලපෑම

June 24, 2021
1,152
What can happen when you sit with crossed legs often
අපි හැමෝටම පුටුවක හිඳ ගැනීමේදී පහසු ඉරියව්වක් තිබෙනවා.. එය කුඩා කල සිටම පුරුදු වූ අපි විශේෂයෙන් කැමති ඉරියව්වක්.. අපි ප්‍රිය කරන ඒ ඉරියව්ව අපිව සැප පහසුවෙන් තබනවා.. හිඳ ගැනීමේ ක්‍රම එකිනෙකාගෙන් වෙනස් වෙනවා.. බොහෝ දෙනෙක් වාඩි වීමට ප්‍රිය කරන්නේ කකුලක් පිට කකුලක් දමාගෙන නැතහොත් කකුල් හරහට දමාගෙනයි.. ඇත්ත වශයෙන්ම අපට සුවපහසුවක් දැනෙන පමණින් ඒ ඉරියව්ව ශරීරයට හිතකර වනවා ද.. කකුල් හරස් කරගෙන වාඩිවීම පහසු වුවත් එමගින් බොහෝ සෘණාත්මක බලපෑම් ඔබට එල්ල කරනවා.. කකුල් හරස් කර තබා වාඩි වනවාට වඩා ශරීරය සෘජුව තබාගෙන වාඩි වීමට ඉගෙන ගැනීම් වැදගත් වනවා.. එය ශරීර සෞඛ්‍යයට හිතකර අතර ඔබගේ පෞරුෂත්වය වැඩිදියුණු කිරීමටද උපකාරී වනවා.

ඔබ කකුල් හරස් කරගෙන වාඩි වීමෙන් වැලකිය යුතු හේතු පහක්..

1. ස්නායු දුර්වල කිරීම
ඡායාරූපයේ පෙනෙන ආකාරයට ඔබ කකුල් හරස් කරගෙන දිගුකාලයක් පුරා වාඩි වී සිටීමෙන් ඔබගේ කකුලේ ස්නායු දුර්වල වනවා.. දීර්ඝ කාලයක් පුරා මෙම ඉරියව්ව තුළ සිටීමෙන් කකුලේ මාංශපේශි හිරිවැටෙන අතර කකුල එසවීමට නොහැකි වනවා..




2. රුධිර පීඩනය වැඩි කිරීම

මේ සම්බන්ධයෙන් කල අධ්‍යයනයට අනුව ඔබේ කකුල් දණහිස් මට්ටමින් හරස් කර වාඩිවීම මගින් ඔබගේ සිරැරේ රු ධිර පීඩනය සැලකිය යුතු ලෙස ඉහළ නැංවීමට බලපානු ලබනවා.. වාසනාවකට වළලූකර හරස් කිරීමෙන් මෙම තත්ත්වය ඇති නොවන නමුත් ඔබ රුධිර පීඩන රෝගී තත්වයෙන් පීඩා විඳින පුද්ගලයෙකු නම් කකුල් හරස්කර වාඩි වීමෙන් වැළකිය යුතුයි.

3. වැරදි ඉරියව්වකට හේතු විය හැකියි
පර්යේෂකයන්ට අනුව පැය තතුනකට වඩා වැඩි කාලයක් කකුල් හරහාට දමා වාඩි වී සිටීමෙන් ඔබගේ සිරැරේ උරහිස් හා ශ්‍රෝණි පාර්ශ්වීය ඇලවීමට හේතු විය හැකි අතර දිග කාලයක් මෙසේ සිටීමෙන් හිස ඉදිරියට නැවීමට සහ කොඳු ඇටපෙළ ඇද වීමට ද (misalignment of your spine) හේතු විය හැකියි. මාංශ පේශි වේදනාව හා තද වීම ඇති කරනු ලබනවා..

4. සන්ධිවල වේදනාවක් ඇති වීම
කකුල් දණහිස මතින් හරහට දමා වාඩිවීම ඔබගේ ඉරියව්ව සඳහා පමණක් නොව පාදයේ සන්ධි (joints) තුල වේදනාවක් ඇති කිරීමටද හේතු වනවා.. දිගු කාලයක් මෙසේ වාඩිවීම නිසා ඔබගේ බෙල්ල, උකුල් ප්‍රදේශය, කකුල් පිටුපස සහ දණහසේ වේදනා ඇති කිරිමට හේතුවක් වනවා..

5. ගර්භණි සමයේ වළලුකර ඉදිමීමට හේතුවේ
ගර්භණි කාන්තාවක් නම් ඔබ මෙම කාල සීමාව තුළදී කකුලක් හරහට දමා වාඩි වීමෙන් වැළකී සිටිය යුතු වනවා.. මන්ද එමගින් ඔබගේ දරුවාට යම් බලමෑමක් නොවුනත් එසේ වාඩිවීමෙන් ඔබට වළලුකර ඉදිමීම සහ කකුලේ කැක්කුම ඇති කරවනවා.. ඒ වගේම ඔබ දැනටමත් වළලුකර ඉදිමීමෙන් සහ කකුලේ කැක්කුමෙන් පීඩා විඳිනවා නම් ඔබ පුටුවක හිඳ ගන්නා විට ඔබගෙ පාද දෙකම බිම තබා හිඳ ගත යුතුයි හෝ ඔබ හිඳ ගත් පසු කකුල් දෙක ඔසවා යමක් මත තබා ගැනීමෙන් මෙම වේදනාව අඩු කර ගැනීමට ඔබට පුලුවන් වනවා..

ඇතැම් විට ඔබ දීර්ඝ කාලයක් තිස්සේ මෙම ඉරියව්ව පුරුදු වී දැන් ඉබේම වාඩි වූ පසු කකුල් හරස් කර ගන්නවා වෙන්න පුළුවන්.. ඉතින් අද ඉඳන් හෝ මෙම වැරදි ඉරියව්ව මග හැරීමට උත්සාහ කළ යුතුයි නේද..

Related Articles

Featured Articles

Trending Articles

අපේ ජනප්‍රියම ලිපි

Food to regulate your menstrual circle
   27,505
   44

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න
Reasons and symptoms of arshas (Hemorrhoids)
   16,768
   29

බොහෝ අය පිඬා විඳින අර්ශස් රෝගය ඇති වීමට හේතු සහ එහි රෝග ලක්ෂණ අදම හඳුනා ගන්න

මේ රෝග තත්වය ඇති වීම එදිනෙදා  ජිවිතයට බාධා කරනවා වගේම දීර්ඝ කාලීනව රෝගී තත්ත්වය පැවතීම පසුකාලීනව පිළිකා තත්ත්වයන් පවා
Weralu benefits
   9,131
   23

වෙරළු වල ගුණ

වෙරළු කොලස්ටරෝල් සඳහා ඉතාම ගුණදායකයි. දිනකට වෙරළු ගෙඩි පහක් අවම වශයෙන් ආහාරයට ගන්නවා නම් හිතකර…
Changes in your body if you consume cod-liver oil daily
   77,320
   23

ඔබ දිනපතා මෝර තෙල් ගැනීමෙන් ඔයාගේ ශරීරයට සිදුවන වෙනස්කම් කිහිපයක්

ස්වභාවික මෝර තෙල් ඔයාගේ සමට, අස්ථිවලට, හදවතට වගේම ඔයාගේ වයසටත් පුදුම හිතෙන තරම් හොඳ ප්‍රතිඵල ලබාදෙන බව අමතක කරන්න බැහැ. අද හැඩකාරී මේ සටහන මෝර තෙල් භාවිතයට ගැනීමෙන් සෞඛ්‍යයට ලැබෙන හිතකර ප්‍රතිඑල රාශියක් ගැනයි
Dress patterns for flower prints
   43,971
   19

මල් ගවුම් අඳින්න කැමති රුවැත්තියන්ට ගවුම් පැට්න්

විශේෂයෙන් මේ කාලෙට මල් ප්‍රින්ට් එක තියෙන රෙද්දෙන් නිමැවුනු ගවුම් අඳින්න ගැහැනු අපි ලොකු කැමැත්තක් දක්වනවා. ඉතින් මේ ගවුම් මෝස්තර ටික බලන්න ඔයා කැමති පැට්න් තියෙනවද කියලා

Latest Articles

Most Viwed