දරුවකුගේ ජීවිතය තුළ ශ්‍රේෂ්ඨ පියෙකු වීමට ඔබ අනුගමනය කලයුතු පියවර

July 12, 2021
5,918
Steps to be a great father
පියෙකු වීම ඔබට දැනෙන්නේ කෙසේද..? එය සෑමවිටම ආශ්චර්යමත් හැගීමක්; පියෙකු වීම පිරිමියෙකුගේ ජීවිතයේ හැරවුම් ලක්ෂ‍යක් වන අතර නව පරිච්චේදයක ආරම්භයක් ලෙස හැදින්විය හැකියි. දරුවා මවු කුස තුල සිටිද්දී පොඩි පොඩි අත්පා පහර විදීම, දරුවා පළමුවරට අතටගත් මොහොත, රෑ පුරා අවධියෙන් දරුවාගේ නැපි මාරු කරමින්, අමාරුවෙන් දරු නැළවිලි ගී කියමින් ගතකරන කාලය ආදි සියල්ල ඔබගේ ජීවිතයෙ නොමැකෙන මතක සටහන් වේවි.. නමුත් එසේ කිරීමෙන් ඔබ ශ්‍රේෂ්ඨ පියෙකු වනවාද.. දරුවා ලොකු වනතෙක් නිදිමැරීමෙන්, ඔහු හෝ ඇය රැකබලාගත් පමණින් ඔබට ශ්‍රේෂ්ඨ පියෙකු වීමට හැකිද.. එසේ නම් දරුවකුගේ ජීවිතය තුළ ශ්‍රේෂ්ඨ පියෙකු වීමට ඔබ කුමක් කල යුතුයිද..

පළමු පියවර
කාලය ලබාදෙන්න.. ඇතැම් විට ඔබ ලබාදෙන සියලු භෞතික දෙයට වඩා දරුවන්ට වැදගත් වන්නේ ඔබ ඔවුන් සමග ගතකරනු ලබන කාලයයි.. දරුවන්ට කාලය ලබාදීම තුළින් ඔබත් දරුවාත් අතර බැඳීම් ශක්තිමත් වනවා.. සෑම දිනකම අවම වශයෙන් මිනිත්තු 30ක කාලයක්වත් දරුවන් සමග ගතකිරීම මගින් ඔවුන් තුල සංජානන කුසලතා සහ ශාරිරික සංවරධනය (cognitive and physical development) සිදුවනු ලබනවා.. එමෙන්ම දරුවන් සමග දිනකට යම් කාලසීමාවක් ගත කිරීම පියෙකු ලෙස ඔබටත් ඉතා ප්‍රයෝජනවත් වනවා.. එමගින් දවස පුරා වැඩ කිරීමෙන් ඇතිවන වෙහෙස සහ ආතතිය දුරුවනවා.

දෙවන පියවර
දරුවන්ට ඔබතුල ඇති ආදරය පෙන්වීමට විවිධ ක්‍රම සොයා ගන්න. දරුවන් ස්වභාවයෙන්ම ඇතැම් විට මුරණ්ඩු ගති ස්වභාවයන් පෙන්නුම් කරනවා.. ඉතින් පියවරුන් බොහෝ විට දරුවන් හික්මවා ගැනීම සඳහා දැඩි ගති ස්වභාවයක් පෙන්නුම් කරනවා.. එය පියවරුන්ගේ පෞර්ශත්වයට පොදු ගුණාංගයකි. දරුවන්ට තමා තුල ඇති ආදරය පෙන්වීමට ඔබට විවිධ ක්‍රම අත් හදා බැලීමට පුලුවන්.. දරුවා නින්දට යන්තෙක් ඔහු ප්‍රිය කරන කතා පොතක් කියවීම, ගීතයක් ගායනා කිරීම, දරුවා කැමති ආහාර පිළියෙල කරදීම, ඔවුන්ගෙ අධ්‍යාපන කටයුතු සඳහා සහය වීම, ඔවුන් කැමති ක්‍රීඩාවක යෙදී, දරුවා පාසල් ගෙනයාම/ නැවත පාසලින් ගැනීම ආදී විවිධ දෑ සිදුකල හැකියි. ඔබ සිදුකරන ක්‍රියාව කුඩා වුවත් ඔබ ඔවුන්ට ලබාදෙන ආදරය දරුවාට ඔබ කෙරෙහි මිත්‍රශීලි හැඟීම් ගොඩනැගීමට උපකාරි වනවා.

තුන්වන පියවර
දරුවාගෙ ගුරුවරයා වන්න. දරුවාට ජීවිත කාලය පුරා කෙතරම් ගුරුවරුන් සිටියත් දරුවාගේ ජීවිතයේ පළමු ගුරුවරයා තම පියායි. ඔවුන් බොහෝ විට තම පියා අනුගමනය කිරීමට වැඩි කැමැත්තක් දක්වනවා. විශේෂ‍යෙන් ජීවිතය පිළිබද බොහෝ පාඩම් ඔවුන් ඔබගෙන් ඉගෙන ගන්නා අතර ශ්‍රේෂ්ඨ පියවරුන් සෑම විටම තම දරුවාට අනුගමනය කිරීමට සහ ඉගෙන ගැනීමට හැකි පරිදි ධනාත්මක ආදර්ශයන් සපයනවා. ජීවිතය තුලදී හරි දේ වැරදි දේ තෝරා ගැනීමට, අවංක වීමෙ වටිනාකම, නිවැරදි දේ තෝරාගන්නා ආකාරය සහ වැටුණු විට නැවතත් නැගී සිටින ආකාරය පිළිබද පාඩම් දරුවාට කියාදෙනු ලබනවා. පියා සෑමවිටම දරුවාගේ සහජ කුසලතා බල ගැන්වීමටත්, හැකියාවන් තුළින් නිවැරදි ගමන් මාර්ගයේ ගමන් කරවීමටත් වග බලා ගන්නවා.

හතරවන පියවර
පවුල එකට එකතු කරන්න. ශ්‍රේෂ්ඨ පියවරුන් සෑම විටම තම පවුල සමග එක්ව කටයුතු කරන අතර පවුලේ වේලාවක් වෙන්කර පවුලේ සිටින සියලුම සාමාජික සාමාජිකාවන් එකට එකතු කර එම වේලාව තුල පවුලේ සියලු දෙනාට එය අමතක නොවන අත්දැකීම් ලබාදෙන වේලාවක් බවට පත්කිරීමට කුඩා හෝ දෙයක් සැලසුම් කරනවා. ඊට අදාලව ඔහු ඔහුගේ කාර්‍යබහුල ජීවන රටාව තුල කාලසටහනක් සාදා ගන්නවා.. දරුවන් ප්‍රිය කරන චිත්‍රපටියක් බැලීමට යාම, මුහුදු වෙරළට, ක්‍රීඩා පිටියට, උද්‍යානයට යාම නැතිනම් විනෝද චාරිකාවක් යාම වැනි සුළු හෝ ක්‍රියාවක් කර පවුලේ සියල්ල එකට එක් කරනවා. එතුලින් පියා තම පවුල කොතරම් වැදගත්ද , කොතරම් ආදරේද යන්න පෙන්වීමට සියල්ල සැලසුම් කරනවා.

පස්වන පියවර
දරුවන්ගේ මවට නිසි ගෞරවය ලබාදෙන්න.. හොඳ පියෙක් සෑමවිටම දරුවන්ට හොඳ පියෙක් වනවා පමණක් නොව තම බිරිඳට හොඳ ස්වාමි පුරුෂයකු වනවා.. දරුවන්ගේ මවට විශේෂ සැලකිල්ලක් ලබාදෙමින් ඇයට රැජිනකට සේ සලකනු ලබනවා. තම පියා තම මවට දක්වන ආදරය, ගෞරවය, සැලකිල්ල මත දරුවන් අනෙකුත් කාන්තාවන්ට ගරු කිරීමට සෑමවිටම ඉගෙන ගන්නවා. මවුපියන් එකිනෙකා හා ආදරයෙන් සාමකාමිව සිටීම මගින් සෑමවිටම දරුවන් තුල ආරක්ශාකාරි ගැඟීම් වර්ධනය කරන අතරම ඔවුන්ගේ පෞර්ශත්ව වර්ධනයටද උපකාරි වනවා. එමෙන්ම සම්බන්ධතාවයක ඇති වැදගතමත් එකිනෙකාට ගෞරව කරනා ආකාරයත් ඔවුන් එවිට ඉගෙන ගනු ලබනවා.

ඉතින් ඉහත කරුණු අධ්‍යනය මගින් ඔබටත් ඔබ පිළිබඳව ස්වයං විනිශ්චයක් සිදු කර ගැනීමට හැකි වුනාද.. නැතිනම් ඔබ දැනටමත් ශ්‍රේෂ්ඨ පියෙකුගේ භූමිකාවට අවතීර්ණ වෙලාද යන්න පිලිබඳ වැටහීමක් ඔබට ලැබෙන්නට ඇති.. පියෙකු වීම මෙලොව ඇති සුන්දරම හැඟීමක් වන අතර දරුවාගේ ජීවිතය තුල ශ්‍රේෂ්ඨ පියෙකු වීමම කොතරම් වටින්නේද..

Related Articles

Featured Articles

Trending Articles

අපේ ජනප්‍රියම ලිපි

Best food for constipation
   311
   250

ඔබත් මලබද්ධය නිසා පීඩා විදිනවාද? එසේනම් මෙම ආහාර ඔබගේ ආහාර වේලට එක්කරගන්න

පහසුවෙන්ම මෙම තත්ත්වයෙන් මිදීමට ඔබගේ දෛනික ආහාර වේලට මේ දේවල් එකතු කරගන්න..
Signs that shows he cares about you than you think
   961
   96

ඔහු ඔබ සිතනවාට වඩා ඔබ ගැන උමුතුවෙන් සිටින බව පෙන්වන ලකුණු

ඔහු ඔබට කැමතිද, නැත්නම් ඔබ කෙරෙහි හැඟීම් ඇත්දැයි ඔබට සැකයක් ඇති උනාද... සෑම කාන්තාවක්ම මේ හැඟීමට ජීවිතයේ එක වතාවක් වත් මුහුණ දෙනවා... ඔබ එවැනි අවුල් ජාලයක සිටී නම්, මේ ලිපිය ඔබට වැදගත් වේවි
Tips on how to pick the best leggings
   2,468
   80

ඔබට ගැලපෙන ලෙගින් විලාසිතාව තෝරා ගන්නේ කෙසේද?

විවිධ විලාසිතා සමග එක්කිරීමටත්, සුවපහසුව සහ හුරුබුහුටි පෙනුමක් ලබාදෙන විලාසිතාවක් වීම බොහෝ දෙනා ලෙගින්ස් ප්‍රිය කිරීමට හේතුවක්.. ඒත් ඔබ සතුව තිබෙන ලෙගින්ස් විලාසිතාව ඔබගේ සිරැරේ හැඩයට ගැලපෙනවාද..? එසේ නැතිනම් ඔබට ගැලපෙන ලෙගින්ස් විලාසිතාව තෝරාගේන තිබෙනවාද..?
Lipstick can put you in harm
   16,833
   64

ඔබේ ලිප්ස්ටික් එකත් මේ විදිහට ඔබව ටිකින් ටික අනතුරට දානවා වෙන්න පුලුවන්

සමහර ලිප්ස්ටික් වර්ග වල හානිකර විෂ සහිත ලෝහ සමඟ ඊයම් වර්ග අන්තර්ගතයි. ඒත් එහෙමයි කියලා ඔබ ඔබේ ලිප්ස්ටික් ආලේපනය කිරීමේ පුරුද්ද ඉවත දමන්න ඕනේ නෑ. ඒ සඳහා අනුගමනය කරන්න පුලුවන් මැද මාවතක් තියනවා
Food to regulate your menstrual circle
   20,055
   61

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න

Latest Articles

Most Viwed