ගොඩක් සතුටින් ඉන්න යුවලවල් FB පාවිච්චි කරන්නේ නෑලු

April 27, 2017
12,201
Why Happy Couples Don't Talk About Their Relationships On Social Media
අපි ජිවත් වෙන්නේ අමුතුම ලෝකෙක. ගොඩක් දෙනා පුරුදු වෙලා ඉන්නේ තමන්ගේ පෞද්ගලිකත්වය හැමෝටම පොදු දෙයක් කරගෙන ජිවත් වෙන්න. ඉස්සර කාලේ අපි ගොඩාක් වෙලාවට දිනපොතක් භාවිතා කළා. අපි අපේ හැඟීම්, එදිනෙදා ජීවිතයේදී වුනු දේවල් ඒවායේ සටහන් කළා. බැරි වෙලාවත් ඒක කව්රුහරි දකියි කියන බය, අකමැත්ත අපි හැමෝගෙම හිත් වල තිබුනා. දැන් වෙනකොට සමාජ මාධ්‍ය භාවිතයට හුරුවෙලා ඉන්න සමාජයෙන් දිනපොත් භාවිතය නැති වෙලාම ගිහින්.

දිනපොතක සටහන් තියනවා වෙනුවට, ජීවිතයේ අත්දැකීම්, හැඟීම් ගැන සටහන් තියන්නේ සමාජ ජාල වෙබ් අඩවි වල. ෆේස් බුක්, ට්විටර් වගේ දේවල් තමයි ඒ වෙනුවෙන් භාවිතා කරන්නේ. ඉස්සර තමන්ගේ දේවල් කවුරුත් දකියි කියලා බිය වුනු, අකමැති වුනු අය, මේ වෙද්දී තමන් ප්‍රසිද්ධියේ තබන සටහන් කව්රුත් දැකලා නෑ, ඒ වෙනුවෙන් ඔවුන්ගේ අදහස් කියලා නෑ කියලා දුක් වෙනවා.

සමාජය හරිම පුදුමයි. ඒ වුනාට අපේ පෞද්ගලිකත්වය, හැමදාම පෞද්ගලිකවම තියෙන එක තමයි හොඳ. අපේ හැඟීම් දැනීම් අනිත් අය දැනගන්නවා කියන්නේ අපිට කරදරයක් වෙන්න තියෙන ඉඩකඩ වැඩි වෙන එක මිසක්, ඒවා අඩු වෙන්න එක නෙමෙයි.

නමුත් ගොඩ දෙනෙක් මේ කාරණාව තේරුම් අරගෙන නෙමෙයි ජිවත් වෙන්නේ. ඒ කාරණාවේ බරපතලකම තේරුම් අරගෙන සතුටින් ජිවත් වෙන අයත් නැතුවම නොවෙයි.

සතුටින් ඉන්න යුවලවල් තම තමන්ගේ හැඟීම් දැනීම් ප්‍රසිද්ධියේ සටහන් තබන්නේ නැත්තේ ඇයි කියලා අපි හොයලා බැලුවා. එයින් ඔබටත් ඉගෙන ගන්න දෙයක් තියෙනවා කියල හිතුන නිසා, ඒ කාරනා අපි ඔබත් එක්ක මේ විදිහට බෙදා ගන්නවා.

1. හරිම සතුටින් ජිවත් වෙන යුවලක් ඔවුන් එකට ගත කරන කාලය හැකි සෑම අයුරකින්ම රැක ගන්න උත්සහ කරනවා. හොඳින් අවබෝධයකින් ආදරයෙන් ඉන්න දෙන්නෙක් තමන්ගේ සම්බන්ධතාවය ගැන එක එක දේවල් ෆේස්බුක්, ට්විටර් ඔස්සේ සමාජ ගත කරන්න යන්නේ නෑ. මොකද ඔවුන් දෙදෙනාට ඒ වැඩේන් ඇති වැඩක් නැති නිසා. ඔවුන්ගේ ඇතුලාන්තය හරිම රසබරයි වගේම අර්ථවත්. ඉතින් මොකටද ජිවිතයේ සතුට ගැන එක එක්කෙනාට දැනෙන්න අරින්නේ?

2. තමන්ගේ පෞද්ගලික ප්‍රශ්න පිට අයට පෙන්න ඇරියට එකෙන් ප්‍රශ්න විසදෙන්නේ නැති නිසා. තමන්ගේ දේවල් අනිත් අයට දැනගන්න ඇරියහම වෙන්නේ, නිකන් ප්‍රශ්න වැඩි වෙන එක විතරයි. ඒවා විසදෙන්නේ නෑ. ඉතින් මොකටද ප්‍රශ්න වැඩි කර ගන්නේ?

3. ඇත්තටම සතුට රැදෙන්නේ අපි ආදරය කරන කෙනා එක්ක සතුටින් ගත කරන කාලයදී මිසක්, අපේ දේවල් හැමෝටම පේන්න ප්‍රසිද්ධ කරන එකේ නෙමෙයි. අපි ආදරය කරන කෙනා එක්ක ගත්තු ෆොටෝස් ෆේස්බුක් දාලා නෙමෙයි සතුට එන්නේ. ඔහුත් එක්ක එකට ඉන්න එකෙන්. ඉතින් හැමදේම තේරුමක් නැති විදිහට ප්‍රසිද්ධ කරන්න දගලන්නේ ඇයි ?

4. ඔවුන්ට වෙන කාටවත් ඔප්පු කිරීමට දෙයක් නැහැ. ඇත්තටම ආදරයෙන් ඉන්න දෙන්නෙක් ඒ දෙන්නගේ ආදරය ගැන, අනිත් අයට ඔප්පු කරලා පෙන්නවන්න දෙයක් තියෙනවා කියල හිතන්නේ නෑ. ඒ දෙන්නට දෙන්නා සතුටින් ආදරයෙන් හිටියම හොඳටම ඇති. එහෙම අය සම්බන්ධතාවයක් පටන් ගත්ත හැටියේ තමන්ගේ ෆේස් බුක් ගිණුම් වල IN A RELATIONSHIP කියලා දාන්න දඟලන්නේ නෑ .

5. මේ ඔක්කොටම වැඩියෙන් ප්‍රධානම දේ තමයි අපි හැමෝම අමතක කරන කාරණය. අපේ ජීවිතය අපිට අයිති එකක්. මේ ජීවිතය වෙන අය ගත කරන විදිහට ගත කරන්න අපිට බැහැ. මොකද අපේ ජීවිතය අපිට පෞද්ගලිකයි. ඉතින් ගොඩක් සතුටින් ඇත්තටම ආදරයෙන් ඉන්න ගොඩක් දෙනා සමාජ ජාල වෙබ් අඩවි භාවිතා කරන්නේ නැති තරම්ලු. මොකද එතකොට ඔවුන්ගේ ජීවිතය අනික් අයගේ ජිවිත එක්ක සංසදනය කරන එක ඉබේම වැළකෙන නිසා. ඇත්තටම හිතලා බැලුවොත්, අපිට වැඩිපුරම දුක හිතෙන්නේ, අනික් අයගේ ජිවිත එක්ක අපේ දේවල් සංසන්දනය කෙරුවහමනේ.

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,571
   347

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,743
   251

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,274
   128

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,790
   110

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   78
   65

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed