ගර්භනී සමයේ ලිංගික සම්බන්ධතා පැවැත්වීම මවටත්, දරුවාටත් බලපෑම් කරන්නේ මෙහෙමයි

June 2, 2018
15,645
How intercourse during pregnancy effects to the baby and mother
ගර්භනී සමයේ ලිංගික ක්‍රියාකාරකම් පැවැත්වීම ගැන ගොඩාක් ගර්භනී මව්වරුන් තුළ විවිධාකාර වූ ප්‍රශ්න රාශියක් තියෙනවා. මොකද මේ කාලේදී හැම මවක්ම තමන්ට වඩා තමන්ගේ දරුවා ගැන හිතනවා ඒ නිසා හැම දේකින්ම ආරක්ෂා වෙන්න හිතනවා. ඒ අතර ලිංගික සම්බන්ධතාවන් පවා අතෑරලා දානවා. නමුත් ගර්භනී සමය කියන්නේ කාන්තාවන්ට වැඩි වශයෙන් ලිංගික හැඟීම් ඇති වෙන කාලසීමාවක්.

හෝමෝන වල සිදුවන වෙනස් වීම් නිසා තමයි මේ විදියට කාන්තාවන්ට වැඩිපුර ලිංගික හැඟීම් ඇති වෙන්නේ. ඒත් මේ කාලේදී ලිංගික සම්බන්ධතා පැවැත්වීම අනාරක්ෂිතයි  හිතන ගොඩාක් දෙනෙක් එයින් ඈත් වෙනවා. මොකද එයින් කුසේ ඉන්න දරුවට හානියක් වෙයි කියලා හිතලා. ඇත්තටම එහි සත්‍යතාවක් තියේද ?නැද්ද ? අවදානම් තත්ත්වයන් මොනවද කියන එක ගැනත් මේක කියෙවොත් හරියටම දැන ගන්න පුළුවන්. 

ගැබ් ගත් පළමු මාසයේදී හා අවසාන මාසයේදී හැර අනෙක් කාලය තුල ලිංගිකව එක් වීම අනවශ්‍ය ලෙස ගැටළු ඇතිකර ගත යුතු දෙයක් නෙවෙයි. ඒ වගේම ගැබ් ගත් මුල් මාසය හෝ දෙක තුල තුල මවට දැනෙන ශාරීරික අපහසුතා පසුව ටික ටික අඩු වෙලා යනවා. 

කුස තුල වැඩෙන දරුවා ජලය හා පටක වලින් සැදුනු ආරක්ෂක ආවරණයකින් සුරක්ෂිත වෙලයි ඉන්නේ. අපි කියන්නේ water bag එක කියලා. ඒ නිසා ඔයාගේ ගර්භණී භාවය අවදානම් තත්වයන්ගෙන් තොර නම් ලිංගිකව එක්වීම අනතුරු දායක වෙන්නේ නැහැ.

හෝමෝන වල ක්‍රියාකාරිත්වය නිසා ලිංගික අවයව වලට රැධිර ගලා ඒම වැඩි වී ලිංගික උත්තේජනය පෙරට වඩා වැඩි වෙනවා. නමුත් කුස තුල වැඩෙන දරුවාට එය හානි දායක යයි සිතා ලිංගික ක්‍රියා වලින් ඈත් වී සිටීම ඔයා තුල ඇති කර ගන්නා අනවශ්‍ය බියක්.

නමුත් යම් යම් තත්වයන් තුලදී ගර්භණී සමයේ ලිංගිකව එක් වීම අනතුරුදායක බව මතක තබා ගත යුතුයි. 

ගබ්සාවීම්

ගැබ් ගෙලේ දුර්වලතාවයන්

යෝනි මාර්ගයෙන් ලේ වහනය වීම්
 
යෝනි මාර්ගය සම්බන්ධ ආසාදන

වැදෑමහ පහතින් පිහිටා තිබීම 

යන තත්වයන් වලදී ලිංගික සම්බන්ධතා පැවැත්වීම අනතුරුදායක විය හැකියි. 

scan පරීක්ෂණයක් මඟින් මේ තත්ත්වයන් ගැන ඔයාට වඩා හොඳින් දැන ගන්න පුළුවන්. විශේෂයෙන් ගැබ් ගෙලේ දුර්වලතාවයන් ඇති විට ලිංගික සම්බන්ධතා පැවැත්වීම අනතුරුදායකයි. ඒ වගේම වැදෑමහ පහතින් පිහිටා ඇති නම් ලිංගිකව එක්වීමේදී අධිකව රුධිර වහනය විය හැකියි. 

මෙහිදී ඔබ අනිවාර්යෙන් අවදානය යොමුකළ යුතු තවත් කරුණක් තියෙනවා. ඒ තමයි විවිධ ආසාදන තත්ත්වයන්. විවිධ ආසාදනයන් ඇති වීමට ඇති අවස්ථා හඳුනා ගෙන එයින් වැළකීමට කටයුතු කිරීම අනිවාර්යයි. එහෙම නොවුනොත් මවට, දරුවට වගේම සැමියාටත් විවිධ ආසාදන තත්ත්වයන් ඇති වෙන්න පුළුවන්. 

ඒ වගේම ලිංගික ඉරියව් වලදී වැඩි අවධානයක් යොමු කල යුතුයි. ආරක්ෂාකාරී ඉරියව් අනුගමනය කරන්න කිසිසේත්ම අමතක කරන්න එපා. මේ සියලු සම්බන්ධයෙන් වැඩි තොරතුරු වෛද්‍යවරයාගෙන් හා පවුල් සෞඛ්‍ය මහත්මියගෙන් ලබා ගන්න. 

Related Articles

Featured Articles

Trending Articles

අපේ ජනප්‍රියම ලිපි

Do you suffer from bloating?
   1,571
   347

ඔබත් නිතර නිතර ඇතිවන බඩ පූරවා දැමීමෙන් පීඩා විඳිනවාද?

බඩ පුරවා දැමීම බොහොම අසහනකාරී අත්දැකීමක්.. ඔබ මෙතෙක් කල් මෙයට පිළියම් කළ හැටි වැරදි බව අද අපි කියන දේ වලින් වැටහේවි..
The Surprising Health Benefits of Sex
   42,742
   250

ලිංගිකව එක්වීමෙන් ඇත්තටම ඔබට මොකද වෙන්නේ?

ඇත්තටම මොකද වෙන්නේ ලිංගිකව එකතු වුනහම? ඔබ දෙදෙනා තෘප්තිමත් වෙන එක විතරද? උත්තරය එහෙම නෙමෙයි කියන එක
Repair your discoloured lips
   10,274
   128

අවපැහැ ගැන්වුණු දෙතොල් පැහැපත් කරගන්න කැමතිද?

අද හැඩකාරි තුළින් නිවසේ සිටම දෙතොල් පැහැපත් කරගන්න පුළුවන් ක්‍රම කිහිපයක් ගැන කතා කරන්න අපි හිතුවා. මුලින්ම දෙතොල් අවපැහැ ගන්නේ ඇයිද කියලා පොඩ්ඩක් හොයලා බලමුද?
Nutrition that every mom should consider
   7,790
   110

හැම ගර්භනී මවක්ම මග නොහැරිය යුතු පෝෂණය

වැදගත්ම දේ තමයි මෙය දෙපාර්ශවයේම සරු භාවය ඇති කරන්න පුළුවන් පෝෂ්‍යදායි ආහාරයක්. ඒ වගේම ඔබ නොදන්නා තවත් පෝෂණ ප්‍රතිලාභ
How to have good air quality in your surrounding
   78
   65

නිවසේ හෝ වටපිටාවේ වාතයේ ගුණාත්මකභාවය රැක ගන්න නම් මේ විදිහට වැඩ කරන්න

නිවසේ වාතයේ ගුණාත්මක භාවය දුර්වල නම් හෝ වෛරස් වලින් පිරී තිබේ නම් ශ්වසන රෝගී තත්ත්වයන්ට ගොදුරු වීමේ අවදානමක් පවතිනවා.ස්වාභාවිකවම ඔබගේ නිවෙස්වල වාතයේ ගුණාත්මකභාවය වැඩි දියුණු කිරීම සඳහා ඔබට අනුගමනය කළ හැකි ටිප්ස් කිහිපයක් කියා දෙන්න හිතුවා..

Latest Articles

Most Viwed