ආතරයිටීස් දැන් පොඩි දරුවන්ටත් වැළඳෙනවා. දැනුවත් වී ඔබේ දරුවා දැන්ම ඒ අවදානමෙන් මුදවා ගන්න

December 2, 2017
1,802
Did you know that arthritis can get to children too
බෝ නොවන රෝග වලින් අද පිඩා විදින්නේ වැඩිහිටියන් විතරක් නෙවෙයි. දියවැඩියාව, හතිය, ආතරයිටීස් වගේ බොහොමයක් ලෙඩ රෝග වලට කුඩා වයසේදීම දරුවන් ගොදුරු වෙනවා. ඒ නිසා ඔයාගේ දරු පැටියාගේ සෞඛ්‍ය ගැන ඔබ වෙනදාටත් වඩා සැලකිලිමත් විය යුතුමයි. ආතරයිටිස් කියන්නේ ඔයාගේ දරු පැටියට ඇති වෙන්න පුළුවන් එක් රෝගී තත්වයක් විතරයි ඒ ගැන දැනුවත් උනොත් ඔයාගේ දරු පැටියව මේ අවදානමෙන් මුදවා ගන්න පුළුවන්.

මේ රෝගය වැළඳෙන වයස්‌ සීමාව විදිහට වයස අවුරුදු 16ට අඩු කාල සීමාව දක්වන්න පුලුවන්. විශේෂයෙන් අවුරුදු 7-12 අතර දරුවන්ට මේ රෝගය හට ගැනීමේ වැඩි ප්‍රවනතාවයක් තියෙනවා. ඒ වාගේම වයස 15-16 අතර දරුවන් යම් ප්‍රමාණයකටත් මේ රෝගය වැළඳීමේ අවදානම පවතිනවා. මෙම රෝගී තත්වය ඇති වීමට බලපාන හේතුව නිශ්චිත කිව නොහැකි නමුත් ආරමය සාධක සහ වැරදි ආහාර රටා නිසා මේ තත්ත්වය ඇති වෙන්න පුළුවන්. ඒ වගේම ශරීරයේ ප්‍රතිශක්තිකරණය අඩු වීම නිසා ඇති වෙන තත්ත්වයක් විදිහටත් ආතරයිටීස් හඳුන්වන්න පුළුවන්.

වර්තමානයේ බොහෝ මව්වරුන් පහසුව නිසා දරුවන්ට ක්ෂණික ආහාර ලබා දීම හුරුවක් කර ගෙන. ඒත් එවැනි දරුවන්ගේ දෛනික ආහාර වට්‌ටෝරුව නිරෝගී සෞඛ්‍ය සම්පන්න ජීවිතයකට කිසිසේත්ම සුදුසු වෙන්නේ නැහැ. කෙටි ආහාර වලින් දරුවන්ගේ පෝෂණ අවශ්‍යතා සම්පුර්ණ වෙන්නේ නැහැ. ඒ වගේම අධික පිටි, මේදය වගේම උෂ්ණාධික අහාර දරුවන්ගේ සෞඛ්‍යට දැඩි ලෙස අහිතකර බලපෑම් ඇති කරනවා.

මෙහි මූලික ලක්ෂණ ලෙස,

1. අලසකම

2. කායික ක්‍රියාකාරකම් අඩු වීම

3. ආහාර අරුචිය

4. කොර ගසමින් ගමන් කිරීම

5.දරුවා නිතර නිතර රෝගී වීමට පටන් ගැනීම

6. උණ වැනි රෝග ලක්‍ෂණ

7. සන්ධි වල ඇති වන වේදනාව

8. සන්ධි ආශ්‍රිතව ඇති වන රතු පැහැති බව

9. සන්ධි වල ඇති වන තද ගතිය හා හැසිරවීමේ අපහසුතා

10. පෙනීමේ දුර්වලතා

ඒ වගේම වැඩිහිටියන්ගේ ආතරයිටිස් තත්ත්වයන් වලදී වගේම දණහිස, වළලුකර, මැණික්‌ කටුව සහ ඇඟිලිවල සන්ධි යනාදිය ඉදිමෙන්නට පටන් ගන්නවා. ඔය කියන තැන් වගේම කොඳුඇට පේළියේ, උරහිස, ඉඟටිය සහ හකු වැනි තැන්වල ඉදිමීම සිදු වුණත් ඒවා පෙනෙන්නේ නැහැ. ඒ බව සැක හැර දැන ගැනීමට නම් ස්කෑන් පරීක්ෂණයක් සිදු කරන්න වෙනවා.

ඒ වගේම සන්ධි වල වේදනාවක් ඇති වීම ස්‌ථිර රෝග ලක්‍ෂණයක්‌ ව්දියට දකින්න පුළුවන්. උදේට නැගිටගන්න අමාරුයි. අතපය දිගහරින්න අමාරුයි. මේ වේදනාව දවස පුරාම පවතිනවා වගේම ක්‍රම ක්‍රමයෙන් වර්ධනය වෙනවා. ඊළඟට ක්‍රමයෙන් අස්‌ථි විකෘතිතා හටගැනීම සන්ධිවලට හානි වීම් වගේ තත්ත්වයන් ඇති වෙන්න පුළුවන්. මේ කියන හැම රෝග ලක්ෂණයක්ම දරුවා තුල නොතිබුනත් කිහිපයක් පෙන්නුම් කල හැකියි. ඒ නිසා දරුවා ගැන හොඳ අවධානයෙන් හිටියොත් ඔයාට මේ ලක්ෂණ නිවැරදිව හා ඉක්මනින් හඳුනා ගන්න පුළුවන්.

මේ කරුණු වලට අමතරව දරුවාගේ අක්‍ෂි ගෝලයේ ඉදිරිපස කොටසේ ආසාදන තත්වයන්ද ඇති වෙන්න පුළුවන්. වැඩි වශයෙන්ම ගැහැනු දරුවන් තුල මේ රෝග ලක්‍ෂණය දකින්න පුළුවන්. පළපුරුදු අක්‍ෂි වෛද්‍යවරයකු ලවා පරික්ෂා කර ගැනීමෙන් මේ තත්ත්වය ඉතා පහසුවෙන් හඳුනා ගන්න පුළුවන්. ඇස ආසාදනය වීමට ප්‍රතිකාර නොකළොත් ග්ලූකොමා සහ ඇසේ සුද හටගෙන පූර්ණ අන්ධභාවය පවා ඇති වීමට ඉඩ තිබෙනවා.

ඒ නිසා දරුවාට එවැනි බරපතල තත්ත්වයක් ඇති වෙන්න කලින් මුල් අවස්ථාවේදීම මේ තත්ත්වය හඳුනා ගැනීමෙන් දරුවාට වැඩි අවදානමක් ඇති වෙන්න නොදී එයින් ගලවා ගන්න පුළුවන්.

Related Articles

Featured Articles

Trending Articles

අපේ ජනප්‍රියම ලිපි

Are you dieting the correct way?
   1,168
   1,001

diet කරන්නේ හරියටම දැනගෙනද?

බොහෝ දෙනෙක් ඩයට් කරන්නේ වැරදි විදියට. ඒ ගැන ගොඩක් අයට තියෙන්නෙ අඩු අවබෝධයක්. නොකා නොබී ඉඳලා අන්තිමේ ලෙඩ හදාගන්නෙ නැතුව ඩයට් කරන්න ඕන හරිම විදිය දැනගෙන ඒ දේවල් වලට යොමු වෙනව නම් තමයි වැඩේ සාර්ථක
Stay away from these to avoid stomach gas
   906
   767

පාලනය කරගන්න බැරුව නිතරම වාතය පිටවෙනවා නම් මේ දේවල් වලින් පරිස්සම් වෙන්න

සාමාන්‍ය පුද්ගලයෙක් දවසකට 20 වතාවක් විතර වාතය පිට කිරීම සිදු කරනවා. මීට වඩා දිනකට වාතය පිටවීමක් සිදු වෙනවා නම් ඒකට හේතුව මේ කියන ආහාර වෙන්න පුළුවන් මොකද අනෙක් ආහාර වර්ග වලට වඩා මේ ආහාර නිසා ශරීරයේ වාතය එකතු වීම වැඩියි
Do not let them do these mistakes when you do your eyebrows
   3,066
   625

ඇහිබැම සකස් කරද්දී කවදාවත් මේ වැරදි වෙන්න දෙන්න එපා

අපි වටිනා කියන දේවල් පරිස්සම් කරන්නේ හරියට අපේ ඇස් වගේ. එකෙන්ම තේරෙනවනේ අපේ ඇස් දෙක මොනතරම් වටිනවද කියල. ඒ තරම් වටින ඇස්දෙකට තවදුරටත් මේ කියන හානි වෙන්න දෙන්න එපා. එහෙම වෙන්න තියෙන තත්ත්වයන් පුළුවන් තරම් අවම කරගන්න උත්සාහ කරන්න
Thing that women cannot control
   672
   609

කාන්තාවන්ට පාලනය කර ගන්නම බැරි දේ. ඔයාටත් මෙහෙමද බලන්න

ඔන්න ඔහොම තමයි කාන්තාවන් පාරට බැස්සම පාලනයක් නැතිව වියදම් කරන්නේ.  කොහොම හරි කමක් නෑ මේ කියන්නේ මුදල් පරිහරණය කරද්දී ඔයා කොහොමද ඒක බුද්ධිමත් විදියට කරන්න ඕන කියලා
Are you a victim of anaemia
   992
   592

කාන්තාවන්ට බහුලව වැළඳෙන නීරක්තියට ඔබත් ගොදුරු වී දැයි බලන්න

නීරක්තිය කියන්නේ කාන්තාවන් අතර බහුල රෝගී තත්ත්වයවයක්. විශේෂයෙන්ම පෝෂණ ඌනතා සමඟ මෙවැනි තත්වයන් ඇතිවෙන්න පුළුවන්. ඒ වගේම තමයි වැඩිවියට පත්වීමත් සමඟ මසකට වරක් කාන්තාවකගේ ශරීරයෙන් රුධිරය අධික ලෙස පිටවන නිසා මෙම අවදානම වඩා වැඩි වෙන්නේ කාන්තාවන් තුළ

Latest Articles

Most Viwed