තුනී ඇහිබැමි තියෙන හොඳම විසඳුම වැස්ලින් හා පොල්තෙල් වලින්

April 17, 2018
5,483
Have a thick eye brows with vaseline and coconut oil
ඇස් කියන්නේ කාන්තාවකගේ සුන්දරත්වය වැඩි කරන තවත් අංගයක්. වචන වලින් කියන්න බැරි ගොඩක් දේවල් ඇස් වලින් කියන්න පුළුවන් කියනවනේ. තවත් කෙනෙක් අපි දිහා බලද්දී මුලින්ම බලන්නේ අපේ ඇස් දිහා. අන්න ඒ නිසා තමයි ඇස් දෙක ලස්සනට තියා ගන්න ඕන. ඒ වගේම ඇස් වල ආරක්ෂාව ගැනත් ඔබ අනිවාර්යෙන් සැලකිලිමත් විය යුතුයි.

ඇස් වල ආරක්ෂාව සඳහා තමයි ඇහිබැමි දෙකක් අපිට පිහිටලා තියෙන්නේ. ඇස් වලට සිදුවෙන්න පුළුවන් විවිධ හානිදායක තත්වයන් වලින් එය ආරක්ෂා කරනවා. ඇතැම් අයගේ ඇහිබැමි ප්‍රමාණවත් තරම් ඝණව පිහිටා තිබුනත් තවත් සමහර අයගේ එය ගොඩාක් තුනීව පිහිටනවා. තුනී ඇහිබැමි දෙකක් පිහිටලා තියෙන අයට පොල්තෙල් වලින් දැන් විසඳුම් ලබා ගන්න පුළුවන්. මේ සඳහා ඔබට පොල්තෙල් විවිධ ආකාරයට භාවිතා කරන්න පුළුවන්. කියවලා බලලා පහසු ක්‍රමයක් භාවිතයෙන් තුනී ඇහිබැමි වලට සත්කාර කරන්න.

1. පොල් තෙල් සහ එඬරු තෙල්

එඬරු තෙල් කියන්නේ තුනී ඇහිබැමි වලට හොඳ සත්කාරයක්. මේද අම්ල, මිනරල් හා පෝෂණ ගුණයන් රැසක් එහි අඩංගුයි. කුඩා භාජනයක් අරගෙන පොල් තෙල් තේ හැන්දක් හා එඬරු තෙල් තේ හැඳි භාගයක් මිශ්‍ර කරන්න. ඊට පස්සේ කොට්න් බඩ් එකකින් ඇහිබැමි වල ආලේප කරන්න. මිනිත්තු 2 ක් පමණ සියුම්ව ඇඟිලි වලින් පිරිමදින්න. රාත්‍රී නින්දට පෙර මේ සත්කාරය සිදු කර උදෑසනට සෝදා ඉවත් කරන්න. අවම වශයෙන් සතියකට 3 වතාවක් පමණ සිදු කරන්න.

2. ඔලිව් තෙල් සහ පොල්තෙල්

ඔලිව් තෙල් විටමින් E වලින් පොහොසත් වන අතර ඇහිබැමි වේගවත් ලෙස වර්ධනය කරන්නත් ඝන ඇහිබැමි සඳහාත් එහි ගුණයන් උපකාරී වනවා. පොල් තෙල් තේ හැන්දකට ඔලිව් තෙල් තේ හැඳි භාගයක් මිශ්‍ර කර රාත්‍රී නින්දට පෙර ආලේප කරන්න. විනාඩි කිහිපයක් සම්භාහනය කර උදෑසන සෝදා ඉවත් කරන්න.

3. වැස්ලින් සහ පොල්තෙල්

වැස්ලින් දිගු, ඝණ මෙන්ම ශක්තිමත් ඇහිබැමි වර්ධනය කිරීමට උපකාරී වෙනවා. පොල් තෙල් තේ හැන්දකට වැස්ලින් තේ හැඳි 1/2 ක් මිශ්‍ර කර තුනී ඇහිබැමි මත ආලේප කරන්න. විනාඩි කිහිපයක් සම්භාහනය කර විනාඩි 20කින් පමණ සෝදා ඉවත් කරන්න. මෙය රාත්‍රියේ ආලේප කරත් ගැටළුවක් නෑ.

4. ලෙමන් යුෂ සහ පොල්තෙල්

ලෙමන් යුෂ අනවශ්‍ය ලෙස මතු වී එන තෙල් පාලනය කරනවා. ඒ වගේම කුණු දූවිලි ඉවත් කරනවා. ලෙමන් ගෙඩි භාගයක යුෂ වලට පොල්තෙල් මේස හැඳි භාගයක් මිශ්‍ර කර ඇහිබැමි මත ආලේප කරන්න.

මේ සත්කාර වලින් එකක් හෝ කිහිපයක් අවම සතියකට තුන් වරක් වත් try කරන්න. හොඳ ප්‍රතිඵල ලබා ගන්න ඔබට අමාරු වෙන එකක් නැහැ.

Related Articles

Featured Articles

Trending Articles

අපේ ජනප්‍රියම ලිපි

Things to keep in mind when you wear white dresses
   37,128
   2,885

සුදු ගවුමක් මිලදී ගන්නා විට සහ අඳින විට සිතේ තබා ගත යුතු කරුණු

සුදු පාට ගවුමක් අඳිනවා නම් ලස්සනට පේන්න ඔයා උපක්‍රමශීලී වෙන්නේ ඕනේ. මෙන්න මේ ටිප්ස් ටික දැනගෙන හිටියොත් ඔයාට කැපිලා පේන් විදිහට සුදු ඩ්‍රෙස් එකක් අඳින්න පුලුවන්
Mistakes that make you look older
   12,155
   2,300

වයස වැඩි කර පෙන්වන ඔබ නොදැනුවත්කමින් කරන වැරදි

ගොඩක් දෙනෙක් හිතන්නේ නැති මේ පොඩි පොඩි වැරදි නිසා අනිවාර්යයෙන් ඔයාගේ මුහුණට වයස්ගත බවක් එක් වෙන්න පුළුවන්
How to have a beautiful skin with green gram
   23,035
   293

මුං ඇට වලින් පද්මාවතී වගේ දිස්නේ ගහන රූප ස්වභාවක් ලබා ගන්න

හැමදාම වගේ ඔයාගෙ රූපය ගැන සැළකිලිමත් වෙන අපි, ඔයාට පද්මාවතී වගේ දිස්නේ ගහන රූප ස්වභාවක් මුංඇට වලින් ලබාගන්නේ කොහොමද කියලා කියන්නයි යන්නේ
Heal your feet while making them pretty
   10,039
   251

යටි පතුල්  වේදනා වලට සත්කාර කරන ගමන් ලස්සන දෙපා වල හිමිකාරිණියක් වෙන්න

මේ සත්කාර මගින් දෙපතුල් පැලීම නතර කරනවා වගේම, ඔයාගේ දෙපතුලට පැහැපත් දීප්තිමත් බවක් ලබා දෙනවා
How to keep pregnancy glow like kareena and anushka?
   1,600
   187

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!

Latest Articles

Most Viwed