බිරිදකට රැජිනක් වගේ ඉන්න මේ වගේ සැමියෙක් ලැබෙන්නම ඕනේ

March 6, 2017
66,000
7 things every wife desires from her husband
කාන්තාවකට ඇත්තටම ආදරේ කරන සැමියෙක් ලැබෙනවා කියන්නේ ඇයගේ ජීවිතය බොහොම ලස්සන එකක් වෙනවා කියන එක. ආදරය සැබෑවටම පිරිලා ඉතිරිලා යන පවුල් ජිවිතයක් හිමිකර ගන්න හැමෝටම පුළුවන් නම් මේ ලෝකේ හරිම ලස්සන වගේම වෙනස්ම තැනක් වෙනවා. පිරිමියෙක් ඇත්තටම තමන්ගේ සහකාරියට ආදරය කරනවද කියලා හරියටම දැන ගන්නේ කොහොමද. මේක එච්චර අමාරු වැඩක් නෙවෙයි, මොකද බිරිදට ඇත්තටම ආදරය කරන සැමියෙක් කවදාවත් නොකරන දේවල් ටිකක් තියනවා. ඔබේ සැමියාත් මේ දේවල් නොකරන අයෙක් නම් ඔහු ඇත්තටම ඔබට අසීමිතව ආදරය කරන කෙනෙක්.

1. ඔහු කවදාවත් ඔබේ පෙනුම හෑල්ලුවට ලක් කරන්නේ නැහැ

සමහර පිරිමි අය ඉන්නවා තමන්ගේ සහකාරියගේ පැනුම හෑල්ලුවට ලක්කරන. මේ වගේ පිරිමින් ඔබේ පෙනුමේ මොන විදිහක හරි වැරද්දක් හොයනවා. සමහර විට ඔවුන්ට ඔබේ කොණ්ඩය ලස්සන නොවෙන්න පුළුවන්. ඔබේ ශරීරයේ මහත ඔවුන්ට ප්‍රශ්නයක් වෙන්න පුළුවන්. මේ වගේ මොන දෙයක් ගැන හරි ඔවුන් අඩුපාඩු හොයනවා. නමුත් බිරිදට සැබෑවටම ආදරය කරන සැමියෙක් කවදාවත් මේ විදිහට බිරිදගේ පෙනුමේ අඩුපාඩු කියන්නේ නැහැ. ඔවුන් නිතරම තමන්ගේ බිරිදව සතුටු කරනවා ඇගේ පෙනුම ගැන වර්ණනා කරමින්.

2. ඔහු ඔබේ පෞද්ගලික නිදහස සිමා කරන්නේ නැහැ

හොද සබදතාවයක් තුළ සැමියා බිරිදගෙන් සගවන දෙයක් හෝ බිරිද සැමියාගෙන් සගවන දෙයක් නැහැ. මේ නිසා ඔවුන් දෙදෙනාම අතර තියෙන්නේ හොද අවබෝධයක්. නමුත් සමහර පිරිමින් ඉන්නවා ඔබ ඔවුන්ට කොච්චර අවංක උනත් ඔබව විස්වාස නොකරන. මේ වගේ පිරිමින් කරන්නේ නිතරම බිරිදගේ පුද්ගලික නිදහසට බාධා කරන එක. නමුත් යහපත් සැමියෙක් කවදාවත් තමන්ගේ බිරිදගේ නිදහස සීමා කරන්න උත්සහ කරන්නේ නැහැ.

3. ඔහු අපහසු අවස්ථාවන් මගහැර යන්න උත්සහ කරන්නේ නැහැ

හොද පිරිමියෙක් කියන්නේ කිසිම අවස්ථාවක ප්‍රශ්න වලින් පැනලා යන්න උත්සහ කරන කෙනෙක් නෙවෙයි. මොවුන් ඕනෙම ප්‍රශ්ණයකට සාර්ථකව මුහුණ දෙනවා වගේම ඒවා හොදින් විසදා ගන්නවා. කිසිම අවස්ථාවක ඔහු තමන්ගේ බිරිදව තනිකරන්නේවත් මගහැරල ඉන්නට උත්සහ කරන්නේවත් නෑ.

4. ඔහු හිතන්නේ නැහැ ඔහුගේ හැගීම් පෙන්වීම දුර්වලතාවයක් කියා

බොහෝ පිරිමින් හිතන්නේ තමන්ගේ හිතේ ඇතිවෙන දුකකදී හරි සතුටකදී හරි හැගීම්බර වෙන එක පිරිමි කමට ගැලපෙන දෙයක් නෙවෙයි කියලා. මේ නිසා ඔවුන් කරන්නේ තමන්ගේ හැගීම් සගවාගෙන ඉන්න එක. නමුත් හොද පිරිමියෙක් කවදාවත් තමන්ගේ හැගීම් සගවාගන්න උත්සහ කරන්නේ නැහැ. ඔවුන් තමන්ගේ හිතට දැනෙන සතුට වගේම දුකත් තමන්ගේ බිරිද සමග බෙදා හදා ගන්නවා.

5. ඔහු අද ගැන විතරක් හිතන අයෙක් නොවෙයි

සමහර පිරිමින් ඇතැම් වෙලාවට වියදම් කරන්නේ තීරණ ගන්නේ අද ගැන විතරක් හිතලා. මේ නිසා බිරිද වගේම ඔහුගේ පවුලත් ප්‍රශ්න ගොඩකට මුහුණ දෙනවා. නමුත් බුද්ධිමත් පිරිමියෙක් වැඩ කරන්නේ අනාගතේ ගැන හොදින් හිතලා බලලා. මොවුන් නිතරම පවුලේ අනාගත ආරක්ෂාව ගැන හිතනවා.

6. ඔහු ඔහුගේ මවත් සමග හොද සබදතාවයක් පවත්වනවා

ඕනෙම පිරිමියෙක් තමන්ගේ මවට ආදරය ආරක්ෂාව ලබාදෙනවා කියන්නේ ඔහුට හොද හැකියාවක් තියනවා අනෙක් කාන්තාවන්ටත් හොදින් සලකන්න. මේ නිසා මේ වගේ පිරිමි අය තමන්ගේ බිරිදට තමන්ගේ මවට වගේම ගරු කරනවා.

7. ඔහු ඔබට ගරු කරනවා වගේම කවදාවත් ඔබට හිරිහැර කරන්නේ නැහැ

හොද සැමියෙක් නිවසේදී වගේම පිටතදීත් තමන්ගේ බිරිදට ලබාදිය යුතු ගරුත්වය ලබාදෙනවා. ඒ වගේම ඔහු කවදාවත් බිරිදට ශාරීරිකව හෝ මානසිකව හිරිහැරයක් කරන්න හිතන්නේ නැහැ. මේ වගේ පිරිමි අය නිතරම හිතන්නේ තමන්ගේ බිරිදගේ වගේම පවුලේ යහපැවැත්ම.

Related Articles

Featured Articles

Trending Articles

අපේ ජනප්‍රියම ලිපි

Why you should live separately from parents after marriage
   1,752
   1,466

කසාදයෙන් පස්සේ ඔයා වෙනම ගෙදරක ජීවත් විය යුත්තේ ඇයි?

ගොඩක් තැන්වල නැන්දම්මා ලේලි ගැටුම්වලින් අඩුවක් නම් නෑ. එවැනි තත්ත්වයක් තුළ ඔයාට ඔයාගේ බිරිද එක්ක හෝ ස්වාමියා එක්ක ලස්සන විවාහ ජීවිතයක් ගෙන යන්න ඉඩකඩ ලැබෙන්නේ නෑ. කසාදයෙන් පස්සේ ඔයාලා දෙන්නා වෙනම ගෙදරක ජීවත් වෙන්න තෝරා ගැනීම ඉතාමත් වැදගත්. hadakari.com අපි එහෙම කියන්නෙ ඇයිද කියලා ඔයා මේ ලිපිය පොඩ්ඩක් කියවලාම බලන්නකෝ
How to do a outstanding makeup
   883
   512

හැමෝම අතරේ ඔයාව කැපිලා පේන විදිහේ මේකප් එකක් කරන්නේ කොහොමද?

ඕනවට වඩා ලස්සන වෙන්න ගියාම සමහර අවස්ථාවල තමන්ගේ පෙනුම කැත වෙලා අවලස්සනට ඔයාව පේන්නත් පුළුවන්.අද අපි කියන්න යන්නේ මේකප් වලින් නානවට වඩා හැමෝම අතරේ ලස්සනට කැපි පෙනෙන සරල මේකප් එකකින් වර්ණවත් වෙන්නේ කොහොමද කියලා
Keep your nails beautiful
   510
   461

නියපොතු ලස්සනට තියා ගන්න කැමති ඔයාට මේ ලිපිය වැදගත්

කාලයක් නියපොතු දික් කරලා පාට පාට නිය ආලේපන වර්ග ගාලා ලස්සනට තියාගෙන ඉන්නකොට එක නියපොත්තක් හරි කැඩිලා යනකොට ඔයාට ලොකු දුකක් ඇති වෙනවා නේද? ඔයාගේ නියපොතු ශක්තිමත්ව පවත්වා ගන්න වගේම නියපොතු ලස්සනට තියාගන්න වැදගත් වන කරුණු කිහිපයක් ගැන කතා කරන්න තීරණය කළා

Latest Articles

Most Viwed