ගෙදරදොරේදී සිදු වෙන අනතුරුවලට ඔබටම කළ හැකි අත්බෙහෙත්

September 30, 2019
1,702
Home remedies for domestic accidents
අතේ ඇගිල්ලක් තැලුනාම පරණ ගොරකා, කරාබු නැටි සහ සීනක්කාරම් සමානව අරගෙන විනාකිරෙන් අඹරා බැන්දාම හොඳයි.

අතේ පිලිස්සීමක් ඇති වුනාම කූඩළු කොළ ටිකක් අරගෙන කොටා ගත් යුෂ පිලිස්සුන තැන ආලේප කරන්න.

සපත්තුවකට කකුල තැලුනාම ගොරක කැබැල්ලක් පුලුස්සාගෙන එහි අළු ගෙන තල තෙලෙන් අඹරා තුවාලය මත ආලේප කරන්න.

හුමාලයට අත් පිච්චුනාම ඉක්මනින්ම ලුණු වතුරේ බහා තබන්න. දියබුබුලු වලක්වා ගන්න පුලුවනි.

පිළිස්සීමකදී ඇති වෙන දැවිල්ල සහ දියබුබුලු නැගීම නැති කර ගැනීමට නම් බටර් ස්වල්පයක් ආලේප කරන්න. දැවිල්ල නැති වේවි.

හාතාවාරිය අල මිරිකා ගත් යුෂ පිලිස්සුන තුවාල මත ආලේප කිරීමෙනුත් දිය බුබුළු නැගීම නැති වේවි.

හදිසියේ පත්තෑයෙක් දෂ්ට කලොත් ඇන්තූරියම් මලේ කරල වැනි කොටස දෙහි ඇඹුලෙන් උරගා ගාන්න.

තවත් අත්බේතක් තියෙනවා. දෂ්ට කළ තැන රතුළූණු ගෙඩියක් ගල්වන්න. එයින් පසුව පොල් කොහු ලණුවක් පුලුස්සා පොල්තෙලෙන් අඹරා ගාන්න.

ගමන් ගිහින් ආවාම දෙපාවලට ඇති වෙහෙස නැති කරන්න නම් මද උණුසුම් ජලයට ෂැම්පු බින්දු කීපයක් කලවම් කරගෙන කකුල් රඳවා තබන්න.

යටිපතුලේ වේදනාවට ගොරකා කැබැල්ලක් තම්බා ගත් ජලයේ දෙපා රඳවා තබන්න.

කටුවක් ඇනුනාම අමුකහ, පොල් එකට අඹරා ගෙන එය කෝමාරිකා පලුවක් මැදට දමා එය උණු අලුපල්ලේ තබා බඳින්න.

ඔන්න තරබාරු යුවතියක් නම් කොල්ලු ආහාරයට ගන්නකෝ... තරබාරුවට පිලියම් ලැබේවි.

උගුර බැරැන්ඩි නම් අමු ඉඟුරු උණු අලු පල්ලේ තම්බා ගෙන සුකිරි සමග හොඳින් හපා ගිලින්න.

නියපොතු දිරනවා නම් කෝලිකුට්ටු කෙසෙල් ගෙඩියක් අරගෙන එය තලා සීනි ස්වල්පයක් සමග මිශ්‍ර කර ගෙන නියපොත්තට තබා බඳින්න.

අළුහම් ඇත්තේ නම් කෙසෙල් ගෙඩියක් පුලුස්සා අලුහම් මත ගාලා පැයකින් පසුව සෝදා හරින්න. අලුහම් නැති කර ගන්න ස්වභාවික ප්‍රතිකාරයක්.

කකුල් හිරිවැටුනම හිරිවැටුන කකුල අනිත් කකුලේ මහපටැගිල්ලෙන් තදින් අල්ලා ගෙන සිටින්න. හිරි ගතිය නැති වේවි.

විලුඹ පැලී අවලස්සන පාද වලට මේ ප්‍රතිකාරය කරලා බලන්නකෝ...පාවට්ටා එහෙම නැත්නම් ආඩතෝඩා කොළ සහ අමු කහ තම්බලා එය අතපොවන රස්නයට නිවා කකුල් ඒ වතුරේ බහා ගෙන ඉන්න.

මීමැස්සෙක් දෂ්ට කලොත් එසැනින්ම ලුණු වතුරෙන් පොගවා ගත් රෙදි කැබැල්ලකින් දෂ්ට කළ තැන පිසින්න.

එන්.ඒ.පි.සි

Related Articles

Featured Articles

Trending Articles

අපේ ජනප්‍රියම ලිපි

Remedies for skin itchiness in pregnancy
   8,122
   153

අම්මා කෙනෙක්ට ගර්භණී සමයේදී සිරුර මත ඇති වෙන කැසීම් සඳහා පිළියම්

ගර්භණී සමයේදී ඇති වෙන කැසීම් වළක්වා ගැනීම සඳහා ඔබට වැදගත් වෙන ස්වාභාවික හා ආරක්ෂිත නිවෙස් පිළියම් කිහිපයක් මෙන්න
How to made the perfect spree blouse
   11,603
   128

ඔයා අඳින සාරියට ගැළපෙන සාරී බ්ලවුස් එකක් මහන්නේ මෙන්න මෙහෙමයි

අද අපි තීරණය කළා සාරී ජැකට් එකක් ඔයා මැසීමේදී එහෙමත් නැති නම් මිලදී ගැනීමේදී අවධානය යොමු කළ යුතු කරුණු කිහිපයක් ඔයා එක්ක කතා කරන්න
Bad Habits that Woman Should not Have
   21,467
   115

කාන්තාවන්ට මැරු කැඳවන වැරදි පුරුදු

කාන්තාවන් වන ඔබ සතු ඇතැම් වැරැදි පුරුදු නිසා බොහෝ දේ අහිමි වෙන්න පුළුවන්. ඔබ එවැනි පුරුදු නිසා අනතුරේ හෙළනුයේ ඔ‍බේ මෙන්ම අන්‍යයන්ගේ ජීවිතයි
Chapathi
   3,357
   66

චපාති

රාත්‍රී ආහාරයට ගැළපෙන චාපාති ගෙදරදීම සදා ගන්න. ඕනම කරි එකක් එක්ක ආහාරයට ගන්න පුලුවන්
VIRGINITY Does It Really Affect Your Health Or Fertility? Myths & Facts
   33,367
   54

තරුණියකගේ කන්‍යාභාවය ගැන කියවෙන මේ දේවල් ඇත්තද?

ආසියාතික රටවල තවමත් පිළිගන්න දෙයක් තමයි තරුණියකගේ කන්‍යාභාවය කියන්නේ. නමුත් බටහිර රටවල් වල තරුණියන්ට නම්

Latest Articles

Most Viwed