සුවපත් නින්දක් සඳහා 4-7-8 හුස්ම භාවිතා කරන්නේ කොහොමද?

4-7-8 හුස්ම ගැනීමේ ක්‍රමවේදය “ලිහිල් හුස්ම” ගැනීම ලෙසද හැඳින්වෙනවා. තත්පර 4 ක් හුස්ම ගැනීම, හුස්ම තත්පර 7 ක් රඳවා තබා ගැනීම සහ තත්පර 8 ක් හුස්ම  පිට කිරීම මේ ක්‍රියාවලියට ඇතුළත්. මෙම හුස්ම ගැනීමේ රටාව අරමුණු කරන්නේ මානසික කාංසාව අඩු කිරීම හෝ මිනිසුන්ට නිදා ගැනීමට උපකාර කිරීමයි. සමහර කාන්තාවන් කියා සිටින්නේ මිනිත්තු 1 කින් නින්දට යාමට මෙම ක්‍රමය උපකාරී වන බවයි. මෙම ආකාරයට ගැඹුරින්, රිද්මයානුකූලව හුස්ම ගැනීම ලිහිල් වන අතර ඔබට නින්දට යාම පහසුවක් වෙනවා. අද හැඩකාරී අපි නින්ද සදහා 4-7-8 හුස්ම භාවිතා කරන්නේ කොහොමද යන්න මේ ලිපියෙන් කියා දෙනවා.

* 4-7-8 හුස්ම ගැනීම කියන්නේ කුමක්ද?

4-7-8 හුස්ම ගැනීමේ ක්‍රමවේදය තුළ පුද්ගලයෙකුට දිගු, ගැඹුරු හුස්මක් ඇතුළට හා පිටතට ගැනීම කෙරෙහි අවධානය යොමු කළ යුතුයි. රිද්මයානුකූල හුස්ම ගැනීම බොහෝ භාවනා සහ යෝග පුහුණුවීම්වල මූලික අංගයක්.

* කාංසාව අඩු කිරීම

පුද්ගලයෙකුට නිදා ගැනීමට උදව් කිරීම
තෘෂ්ණාව කළමනාකරණය කිරීම
කේන්ති යාමෙන් දක්වන ප්‍රතිචාර පාලනය කිරීම හෝ අඩු කිරීම

* එය සිදු කරන්නේ කෙසේද

හුස්ම ගැනීමේ රටාව ආරම්භ කිරීමට පෙර, සුව පහසුව වාඩි වෙන්න. 4-7-8 තාක්ෂණය භාවිතා කිරීමත් සමගම හුස්ම ගැනීමේ රටාව කෙරෙහි අවධානය යොමු කරන්න. තත්පර 4 ක් හුස්ම ගැනීම, හුස්ම තත්පර 7 ක් රඳවා තබා ගැනීම සහ තත්පර 8 ක් හුස්ම පිට කිරීම සිදු කරන්න. මෙම ක්‍රියාවලිය 4 වතාවක් නැවත සිදු කරන්න.

අවම වශයෙන් දිනකට දෙවරක්වත් 4-7-8 හුස්ම ගැනීමේ ක්‍රියාවලිය භාවිතා කර ප්‍රතිලාභ ලැබිය හැකියි. පළමු වතාවට මෙය කිරීමෙන් පසු පුද්ගලයෙකුට සැහැල්ලු මනසක් දැනෙයි. එමනිසා, කරකැවිල්ල හෝ වැටීම වැළැක්වීම සඳහා වාඩි වී සිටින විට හෝ වැතිර සිටින විට මෙය අත්හදා බැලීම සුදුසුයි. දිගු වේලාවක් හුස්ම ගැනීමට නොහැකි පුද්ගලයෙකුට ඒ වෙනුවට කෙටි රටාවක් උත්සාහ කළ හැකියි.

* ප්‍රතිලාභ

ගැඹුරු හුස්ම ගැනීමේ ක්‍රමවේදයන් පුද්ගලයෙකුගේ කාංසාව සහ ආතති මට්ටම් කෙරෙහි ධනාත්මක බලපෑමක් ඇති කරනවා. තෙහෙට්ටුව අඩු කරනවා. කාංසාව අඩු කිරීම, ළමුන් හා නව යොවුන් වියේ ඇදුම රෝග ලක්ෂණ අඩු වීම, වඩා හොඳ ආතති කළමනාකරණය, අධි රුධිර පීඩනය අඩු කිරීම, පිරිමි දරුවන්ගේ ආක්‍රමණශීලී හැසිරීම අඩු කිරීම, ඉරුවාරදය වැඩි දියුණු කිරීම ආදී ප්‍රතිලාභත් ලැබෙනවා.

4-7-8 හුස්ම ගැනීම සහ වෙනත් ලිහිල් කිරීමේ ක්‍රම වැනි ඇතැම් හුස්ම ගැනීමේ ක්‍රම අතර සම්බන්ධයක් තිබෙනවා. 4-7-8 හුස්ම ගැනීමේ වඩාත් පොදු භාවිතයන් වන්නේ ආතතිය හා කාංසාව අඩු කිරීමයි. නිරන්තරයෙන් භාවිතා කිරීමත් සමඟ, පුද්ගලයෙකුගේ ආතති මට්ටම් කළමනාකරණය කිරීමට එය වඩාත් ඵලදායී වන බව වාර්තා වෙනවා. මෙම වැඩිදියුණු කිරීම නිසා කාංසාවට එරෙහි ඖෂධ වලින් ලැබෙන සහනයට වඩා මේ අත්දැකීම වෙනස් වෙනවා. නිතිපතා පුහුණුවීම් කරන විට, මෙම තාක්‍ෂණය සමහර අයට කෙටි කාලයක් තුළ නින්දට වැටීමට උපකාරී වේ. සමහර අවස්ථාවලදී නින්ද නොයාම වඩාත් දරුණු ලෙස ඇති අයට වෛද්‍යවරයෙකුගේ මැදිහත් වීමක් අවශ්‍ය වේ.