දරුවන්ට බිම හිඳගෙන අතින් ආහාර ගන්න ඉඩ දෙන්න

March 30, 2020
1,171
Let children eat with their fingers
අද බොහෝ දෙමව්පියන් දරුවන්ට අත වෙනුවට හැන්දක් භාවිතා කර ගෙන ආහාර ගැනීම බාල කාලයේ පටන්ම හුරු කරනවා. ඒත් අතීතයේදී යාන්තම් අත හුරු වුන දවසේ පටන්ම දරුවන් තමන්ගේ දකුණතේ ඇගිලි උපයෝගී කර ගෙන ආහාර අනාගෙන කෑමට පුරුදුව සිටියා. ඒ වගේම අද වගේ පුටුවක වාඩිවී ගෙන ආහාර ගත්තේ නැහැ. පැදුරක ඉදගෙන බිම වාඩිවී ආහාර ගැනීමට දරුවන් යොමු කිරීම එදදා සිදු වුනා. ආයුර්වේදයට අනුව මෙම වාඩි වෙන ඉරියව්ව ‘‘සුබාසනය” හෙවත් “අර්ධ පද්මාසන යෝග ඉරියව්ව” යනුවෙන් හැදින්වෙනවා.

ඇත්තටම බිම වාඩි වී ආහාර ගැනීම සුදුසුද...?

අපි ආසනයක වාඩි වුනාම ස්නායු ක්‍රියාකාරිත්වය බිම වාඩිවී සිටින තරම්ම හොදින් සිදු වෙන්නේ නැහැ. ඒ නිසාම බඩපිරී ඇතැයි යන සංඥාව අපට නොලැබෙන නිසා පමණ ඉක්මවා ආහාර ගැනීම තරබාරුවට මග කියනවා. මෙය තරබාරුවෙන් නැවතෙන්නේ නැහැ. එහි ප්‍රතිඵල විදිහට දියවැඩියාව, හදවත් රෝග වැනි තව තවත් අතුරු සංකුලතාවයන්ද ඇති වීම වලක්වා ගන්න බැහැ.

බිම වාඩි වුනාම රුධිර සංසරණය හොදින් සිදු වෙන නිසා ආමාශයට හොදින් රුධිරය ලැබෙන අතර එය ආහාර ජීරණයට වඩාත් හොඳයි. පුටුවක සිටින විට මේ තරම් යහපත් රුධිර සංසරණයක් ආමාශයට නොලැබෙන බැව් ආයුර්වේදයේ දැක්වෙනවා. ඒ වගේම මනස බොහොම සාමකාමී වීම බිම වාඩිවීමෙන් සිදු වෙන නිසා ආහාර ජීරණයට සුදුසු මානසිකත්වයක් ඇති වෙනවා.

බිම වාඩිවී ගෙන ආහාර ගන්නා විට අපි ආහාර ගැනීමට ඉදිරියට නැවෙනවා. ගිලීම වෙනුවෙන් නැවතත් සිටි ඉරියව්වට පිවිසෙනවා. මේ ක්‍රමය නිසා සිරුරේ නම්‍යශීලිත්වය ඇති වෙනවා. ඒ නිසා ආමාශයේ මාංශ පේශි හොඳින් ක්‍රියාකාරිත්වයක් ගොඩ නගනවා.

ඇඟිලි ආධාරයෙන් අනාගෙන ආහාර ගැනීම

අතේ ඇගිලි පහ පංච මහ භුතයන් නියෝජනය කරන බව ආයුර්වේදයේ සදහන්. සුළැඟිල්ල ජලයද, වෙදැගිල්ල පෘථිවියද, මැදඟිල්ල අවකාශයද, දබරැඟිල්ල වාතයද සහ මාපටැගිල්ල ගින්දරද සංකේතවත් කරනවා. ඒ වගේම ඇඟිලි තුඩුවල ඇති ස්නායු මගින් බඩවැලේ ක්‍රියාකාරිත්වය උත්තේජනය වෙනවා. මේ නිසා හොඳින් රුධිර සංසරණය සිදු වීම නිසා ජීරණයේ අපහසුතාවයන් ඇති වීම වලක්වනවා.

අපේ සිරුරේ තිබෙන බැක්ටීරියාවන්ගෙන් සමහරක් හිතකර බැක්ටීරියාවන් බවත් අප දන්නවා. මුඛය, බඩවැල, උගුර ආදි තැන්හි ඇති හිතකර බැක්ටීරියාවන් අතින් ආහාර ගැනීමේදි උත්තේජනය වීමක් සිදු වෙන බවත් ආයුර්වේදයේ සඳහන්.

ඒ වගේම අතින් ආහාර ගන්නා විට හොදින් අනා ගැනීමට පුලුවනි. හැන්දකින් ඒ කාර්යය ඉටු වෙන්නේ නැහැ. හදිසියේවත් ආහාරයට නුසුදුසු ගල්, කටු වැනි දෙයක් තිබුනොත් අතින් ආහාර ගන්නා විට එය දැනෙන නිසාත් අතින් ආහාර ගැනීම වඩාත් සුදුසුයි. ඒ වගේම පමණට වඩා උනුසුම් දෙයක් සෘජුවම කටට ඇතුලු වීමට තිබෙන ඉඩත් අතින් අනන විට වැලකෙනවා. ඊට හේතුව අතින් අනන විට ඒ බව තමන්ටම දැනෙනවා. නමුත් හැන්දකින් ආහාර ගන්නා විට මේ දැණුවත්බව ලැබෙනවා අඩුයි.

බඩ පිරෙන විට ඒ පණිවිඩය වඩාත් හොඳින් දැනීමටත් අතින් අනාගෙන ආහාර ගැනීමෙන් සිදු වෙන වාසියක්. දැන් ඉතින් බිම වාඩි වෙලා අතින් අනාගෙන ආහාර ගැනීමේ වාසි දන්නා නිසා ගෙදර ඉන්න පොඩි පැටවුන්ට පැදුරක් එලලා අතින් අනාගෙන තමන්ට බත් ටික කන්න පුරුදු කලොත් වරදක් නැහැ.

එන්.ඒ.පි.සි

Related Articles

Featured Articles

Trending Articles

අපේ ජනප්‍රියම ලිපි

Essential 3 vitamins for glowing skin
   6,723
   5,340

සමේ ස්වාභාවික අලංකාරය සඳහා ඔබ අනිවාර්යයෙන් ගත යුතු විටමින් 3 ක්

ඔබට සමේ සෞඛ්‍ය සම්පන්න බවත් දීප්තිමත් බවත් ඉහ​ළ නංවා ගැනීමට අවශ්‍ය නම් ඒ සඳහා ගන්න අත්‍යාවශ්‍ය විටමින් වර්ග 3ක් ගැන අපි ඔබට කියන්නම්. ටික කාලෙකින් ඒවා ඔබේ සමේ මැජික් එකක් වගේ වැඩ කරන ආකාරය ඊට පස්සේ ඔබම දකින්න...
5 tips to be beautiful like a bollywood actress
   48,889
   281

බොලිවුඩ් නිළියන් ලස්සන වෙන්න භාවිත කරන tips 05 ක්

මේ ක්‍රම ටික නම් ලස්සනට ඉන්න ගොඩක්ම පාවිච්චි කරන්නේ බොලිවුඩ් නිළියන්. ඔවුන්ගේ විශේෂත්වය වෙන්නේ ඔවුන් බෝහෝ විට රූපලාවණ්‍ය සත්කාරවලට යොදා ගන්නේ ස්වභාවික අමුද්‍රව්‍ය
How to keep your feet beautiful
   37,968
   189

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන
These 7 food can glow your skin
   25,792
   188

මේ ආහාර 7න් පුළුවන් ඔබේ සමට ලොකු වෙනසක් එක් කරන්න

ඔබේ සමේ පෙනුම කියන්නේ ඔබේ ආහාර තේරීම් සමඟ යා වෙන දෙයක්. දීප්තිමත් සමක් ලබා ගන්න ඔබට උපකාරී වන සෞඛ්‍ය සම්පන්න පෝෂ්‍ය පදාර්ථ අන්තර්ගත හොඳම ප්‍රභවයන් ලැයිස්තුවක් මෙන්න...
Do not make you sex life a nightmare because of HSDD
   457
   151

HSDD රෝගය නිසා නිදි යහන කටු යහනක් නොවන්නට

කිසිම හේතුවක් නැතුව ලිංගිකව එක් වීම නීරස අත්දැකීමක් නම් එතැන කුමක් හෝ අඩු පාඩුවක් තිබෙනවා. ලිංගිකව එක්වීම නීරස අත්දැකීමක් නම් ඒ තත්වය Hypoactive sexual desire disorder (HSDD), රෝගය නිසා වෙන්නත් පුලුවනි. මේ රෝග තත්වයේ නිමිති මොනවාද...?

Latest Articles

Most Viwed