පිපිඤ්ඤා සැන්විච්

සැන්විච් කියන්නේ වඩාත් විවිධාකාර ලෙස සකස් කරගත හැකි කෑමක්. එහි පෝෂණයෙන් සහ රසයෙන් අඩුවක් නෑ. ඒ විතරක් නෙමෙයි, ඔබට දවසේ ඕනෑම වේලාවක ආහාරයට ගත හැකියි.

අවශ්‍ය දේ :

මී කිරි මේස හැඳි 2ක් පමණ
පාන් පෙති 2 ක්
තුනීයට කපා ගත් පිපිඤ්ඤා පෙති
පෙස්ටෝ සෝස් (සාදන ආකාරය පහතින් දක්වා ඇත)
කැමති එළවළු (කැරට්, තක්කාලි, මාලුමිරිස්, බෙල්පෙපර් වැනි)

සාදන ආකාරය :
1. එක් පාන් පෙත්තක් උඩින් මී කිරි එකතු කරගන්න.
2. පිපිඤ්ඤා තුනී පෙති පාන්පෙත්තේ හරස් අතට තට්ටු වශයෙන් තබන්න.
3. කැමති එළවළු එකතු කරගන්න.
4. අනිත් පාන් පෙත්තට පෙස්ටෝ තවරා එයින් සැන්විච් එක වසා ගන්න. රසවිඳින්න.


පෙස්ටො සෝස් සාදන ආකාරය:
අවශ්‍ය ද්‍රව්‍ය;
බැසිල් කොල කෝප්ප 2
සුදුලූණු බික් 3
කැමති හාඩ් චීස් වර්ගයක් (පාමසාන් වැනි) කෝප්ප 1/2
රටකජු ග්‍රෑම් 50
ලුණු තේ හැඳි 1/4 ක් හෝ රස අනුව අවශ්‍ය පමණට
ඔලිව් තෙල් කෝප්ප 1/2

මේ සියල්ල බෙල්ඩර් එකට දමා හොඳින් බ්ලෙන්ඩ් කරගන්න. ශීතකරණයේ සතියක් කල් තබා ගන්න පුලුවන්. අධිශීතකරණයේ තබනවා නම් මාස 6ක් පමන තියාගන්න පුලුවන්.