බොහෝ අය පිඬා විඳින අර්ශස් රෝගය ඇති වීමට හේතු සහ එහි රෝග ලක්ෂණ අදම හඳුනා ගන්න

December 4, 2017
9,508
Reasons and symptoms of arshas (Hemorrhoids)
නොකිව්වට අපේ ගොඩාක් දෙනෙක් අපහසුතාවයට, පිඬාවට පත් කරන තවත් රෝගී තත්ත්වයක් තමයි අර්ශස් කියන්නේ. ගුදමාර්ගයේ හෝ ගුදමාර්ගය කෙලවර රුධිරය සැපයෙන නාල වල ඉදිමීමක් ඇති වීම තමයි මේ තත්ත්වය ඇති වෙන්න බලපාන ප්‍රධානම හේතුව. මේ රෝග තත්වය ඇති වීම එදිනෙදා  ජිවිතයට බාධා කරනවා වගේම දීර්ඝ කාලීනව රෝගී තත්ත්වය පැවතීම පසුකාලීනව පිළිකා තත්ත්වයන් පවා ඇති කරන්න හේතු වෙනවා. ඒ නිසා ලැජ්ජාව නිසා ඒ ගැන වසන් කිරීම හෝ ප්‍රතිකාර සඳහා යොමු නොවීම නම් කිසිම විටක අනුමත කරන්න බැහැ. 

මොනවද අර්ශස් රෝගයේ මුලික රෝග ලක්ෂණ ?

මලපහ පිට කිරීමේදී ඇති වන වේදනාව

මලපහ සමඟ රුධිරය පිට වීම

නිසි පරිදි මල පිට නොවීම

ගුද මාර්ගයේ ඇති වන ගැටිති හා ඒවායේ වේදනාව

ගුද මාර්ගයේ ඇති වන කැසීම

මුනින් අතට නිදා ගැනීමේදී හැර වෙනත් ඉරියව්වකට නිදා ගැනීමේ දැනෙන අපහසුතාව 

අධික ලෙස කේන්ති යාම

වැඩි වෙලාවක් ඉඳගෙන සිටීමේ අපහසුතාව

ඇවිදීමේදී ඇතිවන අපහසුතා

වැනි රෝගී තත්ත්වයන් රැසක්ම අර්ශස් රෝගය සම්බන්ධයෙන් හඳුනා ගන්න පුළුවන්. අර්ශස් ඇති වීම සඳහා ජානමය වශයෙන් බලපෑමක් ඇති විය හැකියි. මවට හෝ පියාට අර්ශස් තියෙනවා නම් දරුවන්ටත් කුඩා කාලයේදීම මේ රෝගී තත්ත්වයන් මතු වන්න පුළුවන්.  ඒ හැරුණම අයහපත් ආහාර රටාව හා ජීවන රටාව මේ තත්ත්වයට ප්‍රධාන වශයෙන්ම බලපානවා. 

ප්‍රමාණවත් තරම් ජලය පානය නොකිරීම අර්ශස් තත්ත්වය ඇති වෙන්න අනිවාර්යෙන්ම බලපානවා. ඒ වගේම පෝෂ්‍යදායි ආහාර නොලැබී යාම, ජීර්ණය කිරීමට අපහසු ආහාර වැඩි පුර ආහාරයට ගැනීම. උෂ්ණාධික ආහාර පරිභෝජනය, පිටි හා මේද සහිත ආහාර වැඩිපුර ආහාරයට ගැනීම, වැනි ආහාර රටාවේ ඇති අයහපත් ලක්ෂණ නිසා මලපහ පිට කිරීමට බාධා ඇති කරවනවා. ඒ වගේම තවත් අය නිසි වෙලාවට ඒ අවශ්‍යතාවයන් ඉටු කිරීම පැහැර හරිනවා. එය පුරුද්දක් කර ගන්නවා. 

මලපහ කිරීමේ යම් යම් අපහසුතා තිබෙනවා නම් හා නිසිකලට වේලාවට මලපහ පිට වන්නේ නැතිනම් එය ඉතාමත් බරපතළ ගැටලුවක්. ඒ සඳහා ඔබේ වැරදි ජිවන රටාව ප්‍රධානම හේතුවක් විය හැකියි. ඒ නිසා ඔබේ නිරෝගී බාවයට හේතු වන යහපත් සෞඛ්‍ය පුරුදු ඇති කර ගන්න. දිනකට දෙවරක් වත් හොඳින් මලපහ පිට නොවීම මේ වගේ තත්ත්වටන් වලට අත වැනීමක්.

ඒ නිසා ජිවන රටාවේ වෙනසක් ඇති කර ගන්න ගමන්ම කෘතීම ආහාර, ක්ෂණික ආහාර, මේදය හා පිෂ්ඨය අධික ආහාර වලින් ඈත් වෙන්න. ඒ අතරම පෝෂ්‍යදායි ආහාර ලබා ගැනීම, ආහාර වේල් මඟ නොහැරීම, වැඩිපුර වතුර පානය, අලුත් එළවලු, ගස්ලබු, කෙසෙල් වැනි මලපහ පිට කිරීම පහසු කරවන පලතුරු, පලා වර්ග වැඩි පුර ආහාරයට එක් කර ගැනීමත් ඉතා වැදගත්.

මේ විදිහට යහපත් සෞඛ්‍ය පුරුදු ඇති කර ගැනීමෙන් හා කාර්යබහුල ජිවන රටාවෙන් තරමක් මිදීමත් මඟින් අර්ශස් රෝගය ඇති වෙන්න තියෙන අවදානමෙන් මිදෙන්න සහ දැනටමත් රෝගය වැළඳිලා තියෙන අයට ශල්‍යකර්මයකට නොගොස් රෝගට ක්‍රමවත්ව පාලනය කර ගන්නත් පුළුවන්. එත් රෝගය උත්සන්න වූ කෙනෙකුට ශල්‍යකර්මයකට භාජනය විය යුතුද නැද්ද යන්න හරියටම දන ගන්න නිසි වෛද්‍ය උපදෙස් හා ප්‍රතිකාර ලබා ගත යුතු වෙනවා. ඒ නිසා ලැජ්ජාව නිසා මේ දේවල් සඟවා ගෙන ඉඳලා ජීවිතේ අවදානමක හෙලන්න එපා.

Related Articles

Featured Articles

Trending Articles

අපේ ජනප්‍රියම ලිපි

Bad habits that destroy your look
   2,872
   285

ඔයාගේ පෙනුමට හානි කළ හැකි පුරුදු වලින් මිදෙන්න ඔයාට මේ ලිපිය ප්‍රයෝජනවත් වෙයි

ඔයාගේ පෙනුමට හානි කළ හැකි මේ පුරුදු වලින් මිදී තරුණ පෙනුම සදහටම රැක ගන්න විදිහ ගැනයි මේ ලිපියෙන් කියන්න හිතුවේ
Tips to avoid period rashes
   559
   198

ඔසප් සමයේදී ඇති වෙන රෑශ් වළක්වා ගන්න පුලුවන් සරල ක්‍රම 4 ක් මෙන්න

මේ ගැන උපදෙසක් ගන්න බැරුව බොහොමයක් කාන්තාවන් නිහඬව සිටියත් ඔසප් කාලයේදි ඇති වන මේ කුෂ්ඨ වලින් ඔවුන් සැහෙන්න පීඩා විඳිනවා. ඉතින් බොහෝ දෙනෙක් නොදන්නා සහ මෙම ගැටලුව වළක්වා ගන්න පුලුවන් වටිනා ක්‍රම 4ක් මෙන්න
Eat dates for better health and beauty
   8,951
   173

රුව වඩවා නිරෝගීව ඉන්න ඕන නම් රට ඉඳි කන්න

රටඉඳි වල ගුණය එහෙමත් නැත්තම් පෝෂණය ඔයා හරියට දැනගෙන ආහාරයට ගත්තොත් ඔයාගේ සිරුරට අවශ්‍ය පෝෂණය ලබාගන්න අමතර පෝෂක කොටස් ලබා ගන්න අවශ්‍ය වෙන්නේ නෑ
Hit pants and trousers in 2019
   9,825
   171

2019 වසරේ hit පෑන්ට්ස් සහ ට්‍රව්සර්ස්

මේ කලිසම් යුවතියකට අමුතුම ලස්සනක් එකතු කරනවා. බලමු ඒ විලාසිතා කීපයක්..
How to avoid pimples caused by masks?
   1,867
   166

මෙඩිකල් ෆේස් මාස්ක් පැළඳීම නිසා ඇති වෙන කුරුලෑ වළක්වා ගන්නේ කොහොමද?

කුරුලෑ සහ සමේ දැවිල්ල කියන්නේ ෆේස් මාස්ක් නිසා ගොඩක් අයට ඇති වෙන පොදු අතුරු ආබාධ දෙකක්. ඒ වගේ ගැටලු සමඟ කටයුතු කරන්නේ කොහොමද යන්න පිළිබඳ නිවැරදි උපදෙස් කිහිප්‍යක් අපි අද ඔබට ලබා දෙන්නම්

Latest Articles

Most Viwed