මේ ආහාර දරුවන්ට දීම නිසා ඇති විය හැකි භයානක තත්ත්වයන් මොනවද කියලා ඔබ දන්නවද?

March 19, 2018
4,493
Think twice before giving these food to your child
ඉපදිලා මාස 6ක් 7ක් ගියාට පස්සේ දරුවන්ට ඝන ආහාර දීම ආරම්භ කරනවා.මේ සඳහා එක වර දරුවන් හුරු කරවන්න බැහැ. එය ටිකින් ටික හෙමින් කල යුත්තක්. ඒ වගේම ලබා දෙන ආහාර ගැන ඉතාමත් සැලකිලිමත් විය යුතුයි. මොකද ඇතැම් ආහාර දරුවන්ට අහිතකර විදියට බලපාන්න ඉඩ තියෙනවා. ඒ නිසා විශේෂයෙන් පලවෙනි පාරට මවක් වුණු අයට මේ ලිපිය ගොඩක් වැදගත් වෙයි.

දරුවාට අමතර ආහාර ලබා දෙද්දී ඔබ අනිවාර්යෙන් නිසි දේ තෝරා දරුවාට ලබා දෙන්න වග බලා ගත යුතුයි. විශේෂයෙන්ම මෙම ආහාර දරුවාගේ උගුරේ හිරවීමට හැකියාවක් තිබෙන නිසා ඉතාමත් ප්‍රවේසමෙන් හා සැලකිල්ලෙන් දරුවට ආහාර ලබා දිය යුතුයි. ඝනත්වයෙන් වැඩි ආහාර එක වරම ලබා දීමෙන් වලකින්න්න. මුලින් දියරමය ආහාර වලින් ආරම්භ කරන්න.

ඊට අමතරව සමහර ආහාර දැඩි අසාත්මිකතා ඇති කරනවා. ගුණයි කියලා හිතලා හැම ආහාරයක්ම දරුවාට ලබා දෙන්න යන්න එපා. තවත් සමහර ආහාර දරුවන්ට දිරවා ගැනීමට අපහසුයි. එය දරුවා අපහසුතාවයට පත් කරන්න ලොකු හේතුවක්. ඒ නිසා ඉතාමත් පරිස්සමෙන් වැඩ කරන්න මතක තියා ගන්න.

වයස අවුරුද්දක් දෙකක් ගෙවුණු දරුවන්ට පවා ආහාර ලබා දෙද්දී සැලකිලිමත් විය යුතුයි. විශේෂයෙන් වැඩිහිටියෙකු ළඟ නැතිව දරුවන්ට තනියම කෑම කන්න ලබා දෙන්න එපා. හැම වෙලාවකම හොඳ අවදානයෙන් සිටීම වැඩිහිටියන්ගේ වගකීමක්. විශේෂයෙන් උගුරේ සිර වීමට වැඩි ඉඩකඩක් ඇති ආහාර, ධාන්‍ය වර්ග, රටකජු වැනි ආහාර පලතුරු වර්ග ප්‍රවේසමෙන් ලබා දිය යුතුයි. දරවාගේ උගුර තවමත් ප්‍රමාණයෙන් ඉතා කුඩා බව අමතක කරන්න එපා.

අසාත්මිකතා ඇති කරන ආහාර ගැනත් ඔබට හොඳ අවබෝධයක් තිබිය යුතුයි. කෙනෙකුගෙන් කෙනෙකුට අසාත්මිකතා වෙනස් ලෙස බලපානවා. සමහර අයට සුදුසු දේ සමහර අයට සුදුසු නැහැ. ඒ නිසා ඉතා කුඩා ප්‍රමාණ වලින් කෑමට දී දරුවා යම් දක්වන ප්‍රතිචාර ගැන අවදානයෙන් බලන්න. සුළු වශයෙන් හෝ අහිතකර ප්‍රතික්‍රියා දක්වයි නම් දරුවා වැඩෙන තුරු එම ආහාර ලබා දීමෙන් වලකින්න. ඇතැම් දරුවන්ට අසාත්මිකතා ඇතිකළ හැකි ආහාර වර්ග කිහිපයක් තමයි මේ.

සමහර දරුවන්ට බිත්තර අසාත්මික වෙන්නවා. සමෙහි රතුවීමක්, බඩ රිදීම, පාචනය, වමනය වැනි තත්ත්වයන් ඇති වෙන්න පුළුවන්. ඒ වගේම ඉස්සන්, දැල්ලන් නිසාද අසාත්මිකතා බහුල නිසා දරුවා වැඩෙන තුරු ඉන්න ඒක තමයි හොඳ. අනික ඒ ආහාර ඉතා උෂ්ණාධික ආහාර නිසා කුඩා වයසේදී ලබා නොදී ඉන්න එක තමයි වඩාත් හොඳ. දොඩම්, ලෙමන් , අන්නාසි වැනි පලතුරු ඇතැම් දරුවන්ට සමෙහි අසාත්මික ලක්ෂණ ඇති කරවනවා. චොකලට්, රටකජු, තක්කාලි කියන්නෙත් ඒ වගේ බලපෑම් ඇති කරන ආහාර.

ඒ වගේම එළකිරි ඉතා පහසුවෙන් බොහොමයක් පෝෂ්ය පදාර්ථ ලබා ගත හැකි ආහාරයක් වුනත් එහි ඇති ප්‍රෝටීන් සහ වෙනත් ඛනිජ ලවණ කුඩා දරුවන්ට දිරවීමට අපහසු වෙනවා.ඒ නිසා වයස අවුරුද්දක් පමණ පසුවන තුරු එළකිරි දීමෙන් වලකින්න. තේ, කෝපි කියන්නේ කැෆෙන් බහුල පානයන්. මේවා දරුවන් තුල විවිධ සංකූලථා වලට මුල්වනවා. එනිසා කුඩාම දරුවන්ට තේ, කෝපි ලබා දීම අවශ්‍ය වෙන්නේ නැහැ. කාබන්ඩයොක්සයිඩ් සහිත බිම වර්ග ඒ කියන්නේ වෙළඳපොලේ ඇති සියලුම කෘතීම පානයන් වර්ග දරුවන්ට කොහෙත්ම සුදුසු වෙන්නේ නැහැ. ඒවා වැඩිහිටියන්ට පවා අහිතකරයි.

මේ දේවල් ගැන අවබෝධයක් ඇතිව දරුවන්ට ආහාර පාන දෙනවා නම් කුඩා වයසේදීම දරුවන් තුළ ඇති වන විවිධ ලෙඩ රෝග වලින් ඔවුන් ආරක්ෂා කර ගන්න පුළුවන්. වගකීම තියෙන්නේ දෙමවුපියන් අතේ තමයි.

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,675
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,616
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,365
   53

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,392
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed