දැන් කුරුලෑ නැති කර ගන්න තියෙන පහසුම විදිය තමයි සුදුළූණු

May 15, 2018
7,461
The best solution for pimple
කුරුලෑ කියන්නේ වයසත් එක්ක අනිවාර්යෙන් තරුණ ගැහැණු පිරිමි කියන දෙගොල්ලොටම ඇතිවෙන ප්‍රශ්නයක්. ඒ වගේම කුරුළෑ ඇතිවෙන්න මුහුණේ තැම්පත් වෙලා තියෙන කුණු දූවිලි, ඒවගේම අධික තෙල් සහිත බව, එහෙමත් නැත්තං නුසුදුසු වූ ආලේපන වර්ග, ඒ වගේම හෝමෝන ගැටලු හේතු වෙන්න පුළුවන්. හෝමෝන ප්‍රශ්නයක් නිසා කුරුලෑ ඇති වෙනවා නම් ඒකට අනිවාර්යයෙන් වෛද්‍ය උපදෙස් ලබා ගන්න වෙනවා. අනවශ්‍ය ලෙස ඇතිවන කුරුලෑ සමහර විට හෝමෝන වල ප්‍රශ්නයක් නිසා ඇති වෙනවා වෙන්න පුළුවන්. ඒ නිසා ඒ ගැනත් අවධානයක දෙන්න.

එහෙම නැතුව තෙල් සහිත සමක, එහෙම නැනම් කුණු දුහුවිලි නිසා හෝ විවිධ ආලේපන ගැල්වීම මගින් ඇතිවන කුරුලෑ වලට සුදුළූණු කියන්නේ හොඳ විසඳුමක්. මිට කලින් අහලා නම් නැතුව ඇති. කියවලාම බලන්නකෝ. සුදුළූණු කියන්නේ දිලීර, බැක්ටීරියා මර්ධනය කරන්න ඉතාමත් ගුණ ගුණදායක ආහාරයක්නේ. මේ ගුණය නිසාම සුදුළූණු කුරුලෑ සත්කාර වලටත් යොදාගන්න පුළුවන්. සුදුළූණු වල අඩංගු සල්ෆර් කියන පෝෂ්‍ය පදාර්ථය කුරුලෑ සුව කරන්න මුල් වෙනවා. එහෙමත් නැත්තන් සුදුළූණු බික් දෙකක් විතර හොඳින් අඹරලා paste එකක් විදියට හදාගෙන කුරුලෑ ඇති තැන්වල ආලේප කරන්න. විනාඩි 10කින් සෝදලා ඉවත් කරන්න. එහෙමත් නැත්තන් සුදුළූණු බික් දෙකක් විතර අරගෙන දෙකට පලලා කුරුලෑ මත විනාඩි 10-15ක් පමණ තියාගෙන ඉඳලා ඇල් වතුරෙන් සෝදා ඉවත් කරන්න.

සුදුළූණු වලට අමතරව කුරුලෑ අවම කරගන්න පුළුවන් තවත් හොඳම සත්කාරයක් තමයි හුමාලය කියන්නේ. ඉතා හොඳින් කුණු දූවිලි ඉවත් කල හැකි ක්‍රමවේදයක්. හුමාලය සමට ඇල්ලීමෙන් සමේ රෝම කූප විවර වෙනවා. ඊට පස්සේ පිරිසුදු වාතය සමට හොඳින් ඇතුළු වෙනවා. ඒ වගේම කුණු දූවිලි හා සමේ තෙල් ගතිය ද ඉන් ඉවත් වෙනවා. වැඩේ කරන්න ඕන මෙන්න මෙහෙමයි.

මුලින්ම වතුර භාජනයක් ලිපේ තියන්න. ඒක රත් වුණාට පස්සේ එහි හුමාලය මිනිත්තු කිහිපයක් මුහුණට හොඳින් අල්ලන්න. හැබැයි මූණ පුච්ච ගන්න එපා. විනාඩි කිහිපයක් මේ විදියට හුමාලය මුහුණට ඇල්ලුවාට පස්සේ lemon හෝ දෙහි යුෂ බිංදු කිහිපයක් මිශ්‍ර කල ඇල් වතුරෙන් මුහුණ හොඳින් සෝදන්න. ඊට පස්සේ පිරිසිදු තුවායකින් මුහුණ තෙතමාත්තු කරන්න. ඊට පස්සේ සමේ තෙතමනය ආරක්ෂා කරන හොඳ ආලේපනයක් මුහුණේ ආලේප කරන්න.

අපි tooth paste පාවිච්චි කරන්නේ දත් පිරිසිදු කරන්නේ. ඒත් ඔයා අහල තියෙනවද tooth paste වලින් කුරුලෑ අවම කරගන්නත් පුළුවන් කියලා. සමහර විට අහල නැතුව ඇති. ඒ නිසා කියවලම බලන්නකෝ කොහොමද කරන්න ඕන කියලා. හැබැයි මේකට හැම tooth paste එකක්ම හරියන්නේ නැහැ. සුදු පැහැති tooth paste වර්ගයක් තමයි තෝරගන්න ඕන. නිදාගන්න කලින් හොඳින් මුහුණ සෝදලා, පිරිසිදු කරලා ඊට පස්සේ tooth paste ඉතා ස්වල්ප වශයෙන් අරගෙන කුරුලෑ මත ආලේප කරන්න. පහුවදා උදේට හොඳින් සෝදා ඉවත් කරන්න.

ඒ වගේම ලෙමන් හෝ දෙහි භාවිතයෙන් මේ නිතර නිතර ඇතිවන කුරුලෑ ඉතා ඉක්මනින් අඩු කරගන්න පුළුවන්. රාත්‍රී නිදාගන්න කලින් මද උණුසුම් වතුරට දෙහි බින්දු කිහිපයක් හෝ ලෙමන් බින්දු කිහිපයක් එකතු කරලා මූණ හෝදන්න. මුහුණ පිස දමන්නේ නැතුව එහෙමම වේළෙන්න දෙන්න. උදේට බලන්නකෝ කුරුලෑ වල ඉදිමුම් ගතිය අඩු වෙලාද නැද්ද කියලා.

ඒ වගේම අයිස් කියන්නේ කුරුලෑ වල ඉදිමුම ඉක්මනින් අඩු කරන්න පුළුවන් තවත් හොඳ ප්‍රතිකාරයක්. අයිස් කැටයක් පිරිසිදු රෙදි කැබැල්ලක ඔතලා අරගෙන කුරුලෑ තියෙන තැන්වල තියල හෙමිහිට තවන්න. විනාඩි දහයක් විතර මෙහෙම කරාට පස්සේ ටික වෙලාවකින් කුරුලෑවල ඉදිමුම් ගතිය අඩුවෙලා යනවා

මේ කිව්ව දේවල් වලින් එකක් දෙකක් හරි කරලා බලන්නකෝ ප්‍රථිපලයක් තියේද කියලා. තව ඔයාලා දන්න මේ වගේ පොඩි පොඩි tips comment කරලා අපිත් එක්ක බෙදා හදා ගන්න.

Related Articles

Featured Articles

Trending Articles

අපේ ජනප්‍රියම ලිපි

Things to keep in mind when you wear white dresses
   37,128
   2,885

සුදු ගවුමක් මිලදී ගන්නා විට සහ අඳින විට සිතේ තබා ගත යුතු කරුණු

සුදු පාට ගවුමක් අඳිනවා නම් ලස්සනට පේන්න ඔයා උපක්‍රමශීලී වෙන්නේ ඕනේ. මෙන්න මේ ටිප්ස් ටික දැනගෙන හිටියොත් ඔයාට කැපිලා පේන් විදිහට සුදු ඩ්‍රෙස් එකක් අඳින්න පුලුවන්
Mistakes that make you look older
   12,155
   2,300

වයස වැඩි කර පෙන්වන ඔබ නොදැනුවත්කමින් කරන වැරදි

ගොඩක් දෙනෙක් හිතන්නේ නැති මේ පොඩි පොඩි වැරදි නිසා අනිවාර්යයෙන් ඔයාගේ මුහුණට වයස්ගත බවක් එක් වෙන්න පුළුවන්
How to have a beautiful skin with green gram
   23,035
   293

මුං ඇට වලින් පද්මාවතී වගේ දිස්නේ ගහන රූප ස්වභාවක් ලබා ගන්න

හැමදාම වගේ ඔයාගෙ රූපය ගැන සැළකිලිමත් වෙන අපි, ඔයාට පද්මාවතී වගේ දිස්නේ ගහන රූප ස්වභාවක් මුංඇට වලින් ලබාගන්නේ කොහොමද කියලා කියන්නයි යන්නේ
Heal your feet while making them pretty
   10,039
   251

යටි පතුල්  වේදනා වලට සත්කාර කරන ගමන් ලස්සන දෙපා වල හිමිකාරිණියක් වෙන්න

මේ සත්කාර මගින් දෙපතුල් පැලීම නතර කරනවා වගේම, ඔයාගේ දෙපතුලට පැහැපත් දීප්තිමත් බවක් ලබා දෙනවා
How to keep pregnancy glow like kareena and anushka?
   1,600
   187

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!

Latest Articles

Most Viwed