බබා ඔයාගෙන් අහන අමුතු ප්‍රශ්න වලට මෙන්න උත්තර

October 29, 2018
1,783
Answers for wired questions your child ask you
පොඩි බබාලාට සමාජය ගැනවත් පරිසරයේ ජීවත් වෙන මිනිසුන් මොන වගේද කියලවත් හරියට තේරුමක් නැති පිරිසක්. හැමෝගේම ඉස්සරහා ඔයාගේ බබාත් එක එක අමුතු ප්‍රශ්න අහලා ඔයාව අමාරුවේ වට්ටලා තියෙනවද? පොඩි බබාලා හැම තිස්සෙම කතා කරන්න ප්‍රශ්න අහන්න හරිම කැමති. එයාලා හැම තිස්සෙම කතා කරලා ඒකෙන් සතුටු වෙනවා. ඒක නිසා තමා කියන්නේ එයාලා අම්මගේ බඩේ ඉන්නකොටත් අම්මාට කතා කරන්න කියලා. පොඩි දරුවෝ අහන ප්‍රශ්න නිසා ඔයා සමහර අවස්ථා වල හැංගෙන්න තැනුත් හොයලා ඇති. පොඩි ළමයින් අහන ප්‍රශ්න මග හරින්න එපා. එයාලා අහන ප්‍රශ්න වලට උත්තර දෙන එක තමා හොඳම දේ. ඔයා උත්තර දෙනවා කියලා බොරු උත්තර එහෙමත් දෙන්න එපා. ඒ නිසාම අද හැඩකාරී අපි ඔයාට කියන්න යන්නේ දරුවන් අහන ප්‍රශ්න වලට දෙන්න පුලුවන් උත්තර මොනවද කියලා.

01. අම්මා වැඩියෙන් ආදරේ මටද? අක්කාටද?

සාමාන්‍යයෙන් පොඩි දරුවෝ ආදරේ දැනෙනවට කැමති. ඉතින් ඔයාගේ බබාට කියන්න දෙනාටම එක වගේ ආදරෙයි කියලා. පුතායි අක්කායි කියන්නේ වෙනස්ම දෙන්නෙක්. එ නිසා අම්මා දෙන්නටම එකම ගානට ආදරෙයි. එ විතරක් නෙමෙයි. තාත්තාත් අම්මා වගේම දෙන්නාටම එක විදිහට ආදරෙයි.

02. මම කොහෙන්ද අම්මෙ අවේ?

පොඩි ළමයෙක්ට එක එක අමුතු ප්‍රශ්න හිතෙනවා. වැඩියෙන් ඒ හැම ප්‍රශ්නයක්ම අහන්නේ අම්මාගෙන් තමා. ඉතින් අහන හැම ප්‍රශ්නෙකටම ඔයාට උත්තර දෙන්නත් වෙනවා. මෙය වගේ ප්‍රශ්නයක් ඇහුවාම ඔයාට දෙන්න වෙන්නේ මෙන්න මේ වගේ උත්තරයක්. බබාගේ අම්මයි තාත්තයි බබාට හුඟක් ආදරෙයි අන්න ඒ නිසා අපි දෙන්නට අපේ බබාව ලැබුණේ. අම්මිගේ බඩේ පොඩි බබෙක් විදිහට ඉඳලා ටික ටික ලොකු වෙලා බබා ඉපදුණා කියන්න.

03.ඇඳ යට ඉඳලා යකෙක් ඇවිත් මාව අරගෙන යයිද?

පොඩි කාලයේදී ළමයි හැමදේකටම හරිම බයයි. පොඩි බබාට බොරු කියන්න එපා කියලා කලින් අපි කිව්වා. ඒත් මේවගේ වේලාවකදී පොඩි බොරුවක් කිව්වට කමක් නැහැ. මොකද ඔයා බබාට ඇත්ත කිවොත් ඇඳ යට ඒ යකෙක් නැහැ කියලා බබා හිතන්නේ නැහැ ඔයා ඇත්ත කිව්වේ කියලා. බබා හිතන්නේ අම්මා බොරු කියනවා කියලා. ඒ වෙලාවට පොඩි බොරුවක් කිව්වට කමක් නැහැ.
බබාට කියන්න යකෙක් ආවම සිංදුවක් කියන්න. යකා සිංදු වලට බයයි කියන්න. දරුවා ලොකු වෙද්දී ඉබේටම බය නැති වෙලා යයි.

04.ඇයි මාව දලා වැඩට යන්නේ?

අම්මා කැමති නැහැ බබාව දලා වැඩට යන්න. ඒත් වැඩට ගියේ නැත්තම් බබාට කෑම  කන්න, සෙල්ලම් බඩු ගන්න සල්ලි කොහෙන්ද? අම්මා හවස් වෙන්න කලින් බබාව බලන්න එනවා. හවසට අම්මාටයි තත්තිටයි බබාටයි හවසට කතා කරන්න පුළුවන්නේ. අම්මා එනකොට බබාට රස රස කෑම අරන් එන්නම්. බබාට තේරෙන විදිහට කියලා දෙන්න.

05.අම්මා ඇයි අර ගැහැණු කෙනා මහත?

බබාලා පොඩි නිසා අනිත් අයව ලොකුවට පේන්නෙ. එහෙම ගැහැණු කෙනෙක් මුහුණ ඉස්සරම ඒ වගේ දෙයක් ඔයාගේ පොඩ්ඩත් කියලා ඇති. ඒ වෙලාවට ඔයාව අමාරුවේ වැටෙන්නත් ඇති. ඒ වගේ වෙලාවකට ඔයාට දෙන්න පුළුවන් හොඳම උත්තරය තමා මිනිස්සු හැමෝම එකම විදිහ නෙමෙයි උස, කෙට්ටු, මිටි, මහත, සුදු, කළු අය ඉන්නවා. මිනිසුන්ගේ අඩු පාඩු ගැන හොයන්න එපා කියලා තේරුම් කරලා දෙන්න.

ඔයාගේ බබාත් මෙන්න මේ වගේ ප්‍රශ්න අහල ඔයාව අසරණ කරලා තියෙනවා ඇති. ඔයා ඔයාගේ බබාට ආදරෙන් හැමදේම තේරුම් කරලා දෙන්න. පොඩ්ඩෝ  අම්මා තාත්තා කියන දේවල් අහනවා.

Related Articles

Featured Articles

Trending Articles

අපේ ජනප්‍රියම ලිපි

Essential 3 vitamins for glowing skin
   3,808
   2,977

සමේ ස්වාභාවික අලංකාරය සඳහා ඔබ අනිවාර්යයෙන් ගත යුතු විටමින් 3 ක්

ඔබට සමේ සෞඛ්‍ය සම්පන්න බවත් දීප්තිමත් බවත් ඉහ​ළ නංවා ගැනීමට අවශ්‍ය නම් ඒ සඳහා ගන්න අත්‍යාවශ්‍ය විටමින් වර්ග 3ක් ගැන අපි ඔබට කියන්නම්. ටික කාලෙකින් ඒවා ඔබේ සමේ මැජික් එකක් වගේ වැඩ කරන ආකාරය ඊට පස්සේ ඔබම දකින්න...
5 tips to be beautiful like a bollywood actress
   48,773
   183

බොලිවුඩ් නිළියන් ලස්සන වෙන්න භාවිත කරන tips 05 ක්

මේ ක්‍රම ටික නම් ලස්සනට ඉන්න ගොඩක්ම පාවිච්චි කරන්නේ බොලිවුඩ් නිළියන්. ඔවුන්ගේ විශේෂත්වය වෙන්නේ ඔවුන් බෝහෝ විට රූපලාවණ්‍ය සත්කාරවලට යොදා ගන්නේ ස්වභාවික අමුද්‍රව්‍ය
Do not make you sex life a nightmare because of HSDD
   411
   111

HSDD රෝගය නිසා නිදි යහන කටු යහනක් නොවන්නට

කිසිම හේතුවක් නැතුව ලිංගිකව එක් වීම නීරස අත්දැකීමක් නම් එතැන කුමක් හෝ අඩු පාඩුවක් තිබෙනවා. ලිංගිකව එක්වීම නීරස අත්දැකීමක් නම් ඒ තත්වය Hypoactive sexual desire disorder (HSDD), රෝගය නිසා වෙන්නත් පුලුවනි. මේ රෝග තත්වයේ නිමිති මොනවාද...?
How to keep your feet beautiful
   37,869
   107

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන
Are you willing to get married after a divorce
   1,520
   94

දික්කසාදයෙන් පසු ඔබ​ට නැවත විවාහ වීමට අදහසක් තියෙනවද?

අද හැඩකාරී අපි ඔයාට දික්කසාදයෙන් පසු නැවත විවාහ වීමට අදහස් කරන්නේ නම් ප්‍රයෝජනවත් වන උපදෙස් කිහිපයක් මේ ලිපියෙන් ඉදිරිපත් කරන්නයි උත්සාහ කරන්නේ

Latest Articles

Most Viwed