සුව සහ රුව ගැන හිතනව නම් දඹල තමයි උත්තරේ

April 29, 2019
4,668
Wing beans for health and beauty
දඹල කියන්නේ කරල්, කොල, මල්, ඇට කියන ඕනෑම ගසේ කොටසක් ආහාරයට, බෙහෙතට ගන්න පුළුවන් පැලෑටියක්. දඹල කරල් එළවළුවක් විදිහට පෝෂණ ගුණයන්ගෙන් පිරිලා. ප්‍රෝටීන්, විටමින්, ඛණිජ ලවණ වලින් අනූන දඹල වල විටමින් A බහුලයි. ඇත්තෙන්ම දඹල කියන්නේ පෝෂණය ලැබෙන සම්පූර්ණ මාත්‍රාවක්. ඒ වගේද රූපය ගැන සැලකිලිමත් වෙන කාටත් හොඳ ආහාරයක්. මෙන්න මේ වගේ වාසි ගොඩක් තමයි අපේ රූපයටයි, සෞඛ්‍යයටයි දඹල වලින් ලැබෙන්නේ.

01. අකලට වයසට යෑම වලක්වනවා

දඹල විටමින් C, A වලින් අනූනයි. විටමින් C, A කියන්නේ ප්‍රතිඔක්සිකාරක. ඉතින් දඹල වල අඩංගු මේ විටමින් වලින් අපිට වයස්ගත පෙනුමක් එකතු කරන සම රැළි වැටීම, සම එල්ලා වැටීම සහ සමේ මතුපිට දිස්වන වන තද ඉරි ඇති වීම වලක්වනවා.

02. සමේ ඇදෙන සුළු භාවය රැක දෙනවා

තරුණ පෙණුමැති සමක ප්‍රධාන ලක්ෂනයක් තමයි සම රබර් වගේ ඇදෙනසුළු වීම. ඉතින් දඹල කියන්නේ තරුණ සමක් හිමි කරගන්න කන්නම ඕන එළවළුවක්.

03. ඉතා අඩු කැලරි ප්‍රමාණයක් තිබීම

ළපටි දඹල කරල් ඉතාම අඩු කැලරි ප්‍රමාණයක් දරනවා. ළපටි දඹල 100g ක කැලරි අඩංගු වෙන්නේ 49ක් පමණයි. හැබැයි ඔයාට ඇඟ ටිකක් මහත් කරගන්න ඕනේ නම් මේරූ දඹල ඇට කන්න. මේරූ ද්ඹල ඇට 100g ක කැලරි 409ක් අඩංගුයි.

04. විටමින් C වලින් අණූනයි

විටමින් C බහුල නිසා අපේ ප්‍රතිශක්තීකරණ පද්ධතිය ක්‍රමවත් කරනවා. ඒ වගේම ලේ ගමන් ගන්නා නහර වල ඇදෙන සුළු බව ක්‍රමවත්ව පවත්වගෙන යන්න උදවු වෙන නිසා පිළිකා වැනි රෝග වලින් ආරක්ෂා කරනවා.

05. ඛනිජ ලවන, විටමින් ඇති තරම්

යකඩ, මැන්ගනීස්, තඹ, කැලසියම්, පොස්පරස්, මැග්නිසියම් කියන ඛනිජ ලවන වලින් අනූන දඹල වල විටමින් A යහමින් අඩංගුයි. ඒ කියන්නේ ප්‍රතිඔක්සිකාරක ගුණය ඉහලයි. විටමින් B යහමින් අඩංගුයි. ඒ කියන්නේ ජවය, ක්‍රියාශීලී බව සහ ප්‍රභෝධමත් බව ශරීරය තුලින් ඇතිකරනවා. දඹල වල විටමින් E ද අඩංගුයි.

06. ෆෝලික් අම්ලය සහිතයි

ෆෝලික් අම්ලය කියන්නේ කාන්තාවන්ට ඉතා වැදගත් අම්ලයක්. හෝමෝන ක්‍රියාකාරීතවය නිසි ලෙස ගෙන යන්න ෆෝලික් අම්ලය අවශ්‍යයි. කුස තුල වැඩෙන දරුවාගේ මොලය වර්ධනයට විශේෂයෙන් ඝර්භණී කාන්තාවන් අනිවාර්යයෙන් අතිරේකයක් ලෙස ෆෝලික් අම්ලය ලබා ගත යුතුයි. ඉතින් විවාහ වෙන්න ඉන්න, මවක් වෙන්න බලාපොරොත්තුවෙන් ඉන්න කාන්තාවන් දඹල තමන්ගේ අහාර වේලට එකතු කරගන්න එක අනාගත්යේ තම දරුවන් වෙනුවෙන් ඔබේ හොඳ සූදානම් වීමක්.

07. ප්‍රෝරෝටීන් වලින් අනූනයි

දඹල ගැන කළ අධ්‍යන වලින් සොයාගෙන ඇත්තේ දඹල වල කිරි වලට සමාන ප්‍රෝටීන ප්‍රමාණයක් ඇති බවයි.

08. හිතකර මේද අඩංගුයි

සෑම මේදයක්ම අපේ සෞඛ්‍යයට හිතකර නෑ. ඒත් හිතකර මේද අපේ ශරීර පැවැත්මට හොඳ සෞඛ්‍යයකට ඉතාමත් වැදගත්. දඹල කියන්නේ හිතකර මේද මාලාවක් තියෙන එළවළුවක්.

09. කැල්සියම් ආකරයක්

දඹල වල කැල්සියම් සහ පොස්පරස් යහමින් අඩංගුයි. ශක්තිමත් අස්ථි, නිය, කෙස් හිමි කරගන්න දඹල ආහාර වේලට එක් කරගන්න අමතක කරන්න එපා.

10. සීනි වර්ග ගනනාවක්

සීනි ඇතැම් විට අපේ සෞඛ්‍යයට හිතකර නොවුනත් අපේ ශරීර ශක්තිමත්ව පවත්වාගෙන යන්න ප්‍රමානවත් ප්‍රමානයක් සීනි අවශ්‍යයි. ෆෘක්ටෝස්, ග්ලූකෝස්, ලැක්ටෝස්, සුක්‍රෝස්, ගැලැක්ටෝස් සහ මොල්ටෝස් කියන සම්පූර්ණ පරාසයකට විහිදුනු ශරීර පැවැත්මට උවමනා සීනි දඹල වල අඩංගුයි.

අවුරුද්ද පුරා ඵල දරන එළවළුවක් වන දඹල අපේ ශරීරයට අවශ්‍ය පෝෂන අවශ්‍යතා වගේම ලස්සන වෙන්නත් උදවු වෙන එළවළුවක්. ඉතින් මේ පහසුවෙන්ම සොයාගත හැකි, මිල අඩු, නිවසේ ගෙවත්තේ පහසුවෙන් වගා කල හැකි දඹල නිතර ආහාරයට එකතු කරගන්න අමතක කරන්න එපා.

Related Articles

Featured Articles

Trending Articles

අපේ ජනප්‍රියම ලිපි

Best food for constipation
   316
   254

ඔබත් මලබද්ධය නිසා පීඩා විදිනවාද? එසේනම් මෙම ආහාර ඔබගේ ආහාර වේලට එක්කරගන්න

පහසුවෙන්ම මෙම තත්ත්වයෙන් මිදීමට ඔබගේ දෛනික ආහාර වේලට මේ දේවල් එකතු කරගන්න..
Signs that shows he cares about you than you think
   966
   100

ඔහු ඔබ සිතනවාට වඩා ඔබ ගැන උමුතුවෙන් සිටින බව පෙන්වන ලකුණු

ඔහු ඔබට කැමතිද, නැත්නම් ඔබ කෙරෙහි හැඟීම් ඇත්දැයි ඔබට සැකයක් ඇති උනාද... සෑම කාන්තාවක්ම මේ හැඟීමට ජීවිතයේ එක වතාවක් වත් මුහුණ දෙනවා... ඔබ එවැනි අවුල් ජාලයක සිටී නම්, මේ ලිපිය ඔබට වැදගත් වේවි
Tips on how to pick the best leggings
   2,468
   80

ඔබට ගැලපෙන ලෙගින් විලාසිතාව තෝරා ගන්නේ කෙසේද?

විවිධ විලාසිතා සමග එක්කිරීමටත්, සුවපහසුව සහ හුරුබුහුටි පෙනුමක් ලබාදෙන විලාසිතාවක් වීම බොහෝ දෙනා ලෙගින්ස් ප්‍රිය කිරීමට හේතුවක්.. ඒත් ඔබ සතුව තිබෙන ලෙගින්ස් විලාසිතාව ඔබගේ සිරැරේ හැඩයට ගැලපෙනවාද..? එසේ නැතිනම් ඔබට ගැලපෙන ලෙගින්ස් විලාසිතාව තෝරාගේන තිබෙනවාද..?
Lipstick can put you in harm
   16,835
   65

ඔබේ ලිප්ස්ටික් එකත් මේ විදිහට ඔබව ටිකින් ටික අනතුරට දානවා වෙන්න පුලුවන්

සමහර ලිප්ස්ටික් වර්ග වල හානිකර විෂ සහිත ලෝහ සමඟ ඊයම් වර්ග අන්තර්ගතයි. ඒත් එහෙමයි කියලා ඔබ ඔබේ ලිප්ස්ටික් ආලේපනය කිරීමේ පුරුද්ද ඉවත දමන්න ඕනේ නෑ. ඒ සඳහා අනුගමනය කරන්න පුලුවන් මැද මාවතක් තියනවා
Food to regulate your menstrual circle
   20,056
   62

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න

Latest Articles

Most Viwed