කිතුල්පිටි කැඳ

කිතුල්පිටි වල පිෂ්ඨය අඩංගු අතර ප්‍රෝටීන්, කැල්සියම්, පොටෑසියම්, පොස්පරස්, ඛනිජ ලවණ සහ මේදය සුළු වශයෙන් අඩංගු වේ. ගැස්ට්‍රයිටීස් රෝගීන්ට මෙන්ම ශරීරය දුර්වල අයට ගුණදායකය.

අවශ්‍ය ද්‍රව්‍ය :

කිතුල්පිටි 50g
කැකුළු සහල් ස්වල්පයක්
ලුණු තේ හැඳි 1
වතුර කෝප්ප 6
මිටිකිරි කෝප්ප 2
සීනි මේස හැඳි 2

සාදන ක්‍රමය :

01. සහල් ටික වතුර කෝප්ප 5ක් එකතු කර ලිප තබා ලුණු එක් කරන්න.

02. කිතුල් පිටි භාජනයකට දමා ඉතිරි වතුර කෝප්පය සමග දියකර ගන්න.

03. සහල් තැම්බීගෙන එනවිට දියකර ගත් කිතුල් පිටි එක් කර ගන්න.

04. පිටි හොඳින් තැම්බෙන විට එයට පොල් කිරි එකතු කරන්න.

05. අවසානයට  සීනි එක් කර ගන්න.