මුහුනේ සම හැමදාමත් ලස්සනට තියා ගන්න හරිත තේ වලින් සත්කාර

September 18, 2019
7,548
Greet tea remedies for a young skin
හරිත තේ ගැන අපේ හැඩකාරියෝ දැනගෙන හිටියේ ප්‍රතිඔක්සිකාරක ගුනයෙන් යුක්ත පානයක් බව විතරක් නම් දැන් ඌන පූරණයන් හදා ගැනීමට කාලය ඇවිත්. සමහර විට හරිත තේ කියනවාට වඩා ‘‘ග්‍රීන් ටී ‘‘ නම හොඳට හුරු ඇති. අපි කවුද ඉතින් ලස්සනට ඉන්න අකමැතිද.. ඒත් ඉතින් අපට උවමනා විදිහට වයස පාලනය කර ගන්නත් බැහැ. හැබැයි අපට උනන්දුවක් තිබුනොත් සම වයස්ගත නොවී තබා ගැනීම නම් එතරම් අපහසු කාර්යක් නොවෙයි. එහෙමනම් සමට හරිත තේ සත්කාරයක් කර ගැනීම නිවසේදීම පුලුවනි.

මුලින්ම අපි සාමාන්‍ය හමට හරිත තේ සත්කාරයක් කර ගැනීමට බලමුද…?

01. එහෙම නම් කඩල පිටි මේස හැන්දක් සමග කහ කුඩු තේ හැඳි කාලක් පමණ මිශ්‍ර කරන්න. දැන් වියලා කුඩු කර ගත් හරිත තේ මේස හැන්දක් එකතු කරලා හොඳින් මිශ්‍ර කරන්න. මේ මිශ්‍රණය මුහුණේ ආල්ප කරලා විනාඩි 20 ක් තබා ගෙන එයින් පසුව සෝදා හරින්න.

02. හරිත තේ එහෙම නැත්නම් දන්නා වචනයෙන් කිව්වොත් “ග්‍රීන් ටී”‍ සමග මින්චි කොළ දෙකක් සහ මිපැනි මේස හැන්දක් එකතු කර ගෙන තනා ගත් මිශ්‍රණය මුහුණේ ගල්වා විනාඩි විස්සකින් සෝදා හරින්න.

03. තවත් විදිහක්... හරිත තේ දළු කීපයක් අරගෙන එයටම දොඩම් ලෙලි කුඩු කර ගෙන එකතු කරන්න. දොඩම් ලෙලි කුඩු මේස හැන්දක් පමණ උවමනා වෙනවා. දැන් මේ මිශ්‍රණයටම මී පැණි මේස හැඳි බාගයකුත් එකතු කර ගෙන තනා ගත් මිශ්‍රණය මුහුණේ ගල්වා විනාඩි විස්සකින් පසුව සෝදා හරින්න.

ඕනෑම ස්වභාවයක සමටත් හරිත තේ සූදානම් හොඳේ..

01. කෙසෙල් ගෙඩි බාගයක් අරගෙන එයටම හරිත දළු කීපයක් එකට මිශ්‍ර කර තලපය මුහුණේ ගල්වා විනාඩි 15 කින් සෝදා හරින්න.

02. කඩල පිටි මේස හැන්දක් අරගෙන එයට ලෙමන් යුෂ ස්වල්පයක් සහ හරිත දළු එකතුව සාදා ගත් මිශ්‍රණය මුහුණේ ආලේප කරලා විනාඩි 15 කින් පසුව සෝදා හරින්න.

මගේ මුහුණ නම් හරිම වියලියි... ප්‍රශ්නයක් නැහැ.. හරිත තේ සූදානම්..

01. මීපැණි මේස හැන්දක් සමග හරිත තේ දළු කීපයක් එකට මිශ්‍ර කර ගෙන මුහුණේ ගල්වා විනාඩි 15 කින් සෝදා හරින්න.

02. ඒ විතරක් නොවෙයි... අලිගැටපේර මේස හැඳි දෙකක් සමග හරිත තේ දලු කීපයක් එකට මිශ්‍ර කරලා මුහුණේ ආලේප කිරීමෙන් විනාඩි 15 කට පසුව සෝදා හරින්න.

අනේ හැඩකාරියගේ මුහුණ තෙල් සහිත නම්... කලබල වෙන්න එපා... අපි මේ විදිහට බලමු..

01. හාල් පිටි මේස හැඳි දෙකක් සමග වියලා කුඩු කර ගත් හරිත තේ මේස හැන්දක් සහ ලෙමන් යුෂ එකතුව තනා ගත් මිහ්‍රණය මුහුනේ ගල්වා විනාඩි පහළොවකින් පසුව සෝදා හරින්න.

02. තවත්... අමු තේ කොළ තුනක් ගෙන එය ලෙමන් යුෂෙන් අඹරා ගෙන මුහුණේ ගල්වා විනාඩි දහයකින් සෝදා හරින්න.

ඕවා ගානවා තියා අතක් වැදෙන්නවත් බෑ මගේ හම හරිම සංවේදියි.... ඉතින් මම මොකද කරන්නේ...

ආ... එහෙමනම්.. ආයේ අඩුවක් මොකටද..? මෙහෙම පුලුවනි.

යෝගට් මේස හැන්දක්, ලෙමන් යුෂ මේස හැන්දක් සහ හරිත දළු කීපයක් සමග මිශ්‍ර කරලා මුහුණේ ආලේප කර විනාඩි 15 කින් පසුව සෝදා හරින්න.

එන්.ඒ.පි.සි.

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,675
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,616
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,365
   53

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,392
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed