මානසික අවපීඩනය කියන්නේ බැරෑරුම් තත්ත්වයක්ද?

මානසික අවපීඩනය යනු බහුලව දක්නට ලැබෙන රෝගී තත්ත්වයකි. කුඩා දරුවාගේ සිට මහල්ලා දක්වා ඕනෑම අයෙක් ගොදුරු වීමේ ඉඩකඩක් ඇති රෝගයකි. මානසික අවපීඩනය නිසා දුකෙන් ඉන්න එකත් හරියට නොදන්න පළාතක අතරමං වෙලා ඉන්නවා වගේ තමයි දැනෙන්නේ. අද හැඩකාරී අපි මානසික අවපීඩනය නිසා අපහසුතාවයට වෙලා ඉන්න ඔයාට එය හඳුනා ගන්න සහ පිලියම් සොයා දෙන්න සිතුවා. මානසික අවපීඩනය උග්‍ර වූ විට සියදිවි හානි කර ගැනීම් පවා සිදු වන බව පරීක්ෂණ වලින් හෙළි වී තිබෙනවා. 

මානසික අවපීඩනය යනු?
සරලව කිවහොත් ඔයා විසින් කිසි විටෙකත් අපේක්ෂා නොකරන යම් දෙයක් සිදු වීමෙන් සිතේ ඇති වන තදබල දුක හා කළකිරීම මානසික අවපීඩනය ලෙස හඳුන්වයි.

මෙම තත්ත්වය ඇති වීමට හේතු 
අධික කාර්යබහුලත්වය
ආදරය කළ කෙනාගේ දරාගත නොහැකි වෙනස් වීම 
කිසි විටෙකත් අපේක්ෂා නොකල කළකිරීම් 

රෝග ලක්ෂණ
දිනපතා සිදු කල ක්‍රියාකාරකම් කෙරෙහි දැක්වූ උනන්දුව නැතහොත් කැමැත්ත අඩු වී යෑම
ආහාර ගැනීමේ වැරදි පුරුදු සහ දුර්වල පුරුදු 
නිදා ගැනීමේ ඇති වන අපහසුතා 
මානසිකව බිඳ වැටීම නිසා ශාරීරික ගැටලු වලට මුහුණ දීම
තම මරණය පිළිබඳ හෝ සිය දිවි නසා ගැනීම පිළිබඳ සිතුවිල්ල වරින් වර මනසේ දෝංකාර දීම
හැසිරීමේ හදිසි වෙනසක්  (මුරණ්ඩු ලෙස හැසිරීම)
නිතර කල්පනා කිරීම
සාංකාව

මානසික අවපීඩනය ඇති කෙනෙකුට දිය යුතු ප්‍රතිකාර 

ආදරය, කරුණාව ලබා දෙන්න 
තීරණ ගැනීමට උදව් කරන්න 
රෝගියාට දොස් පැවරීමෙන් වළකින්න 
ප්‍රයෝගික ඉලක්කයන් කරා යොමු කරන්න

හැමදාම වගේ ඔයා ඉන්නේ දුකෙන් නම් ඔයාට තියෙන්නේ මානසික අවපීඩන තත්ත්වයක්. මේ සඳහා මුලින්ම කරන්න ඕන සුදුසු වෛද්‍යවරයෙකුගෙන් උපදෙස් ලබාගන්න එක. එහෙම එකවර වෛද්‍යවරයෙක් වෙත යොමු වෙන්න අපහසු නම් ශ්‍රී ලංකා සුමිත්‍රයෝ වැනි මනෝ උපදේශණ ආයතනයක් හරහා අවශ්‍ය ප්‍රතිකාර වලට යොමුවීමයි.