දරුවන්ට පාඩම් වැඩ හොඳින් මතකයේ තබා ගැනීමට මේ විදිහට උදවු කරන්​න

May 1, 2020
1,996
Help your kids to remember their studies
හැම අම්මා කෙනෙක්ම, තාත්තා කෙනෙක්ම දරුවන්ට කුඩා වයසේදී බොහෝ දේ පුරුදු කරනවා. ඒ අතරින් දරුවන්ව අධ්‍යාපනයට විශේෂයෙන් නැඹුරු කරනවා. දෙමව්පියන් කැමති තමන්ගේ දරුවාව අනාගතයේදී හො​ඳ තැනක ඉන්නවා දකින්න. ඔයා පාසල් ශිෂ්‍යයෙක් හෝ විශ්ව විද්‍යාල ශිෂ්‍යයෙක් නම් උගන්වන පාඩම් කරුණු මතක තබා ගැනීමට ශක්තිය ඕනේ. මහන්සි වෙලා පාඩම් ක​ළත් අමතක වෙනවා නම් ඒක විභාගයේදී ලොකු අභියෝගයක් වෙනවා. ඉතිං අද හැඩකාරී අපි ඔයාට පාඩම් කරන විෂය කරුණු මතක තබා ගැනීමට පහසු ක්‍රම ගැන තමයි කියන්න හිතුවේ. 

පාඩම් වැ​ඩ සඳහා මතකය වැඩි දියුණු කළ හැක්කේ කෙසේද?
සෑම දෙයක්ම ප්‍රයෝගිකව වෙන්න ඕනේ. බොහෝ සිසුන් කරුණු සහ තොරතුරු මතක තබා ගැනීමට හුඟාක් වෙහෙසෙනවා. නමුත්  විෂය කරුණු දැඩි වන විට, ගැටළු විසඳීමට දරුවන්ගේ මනස සූදානම් නැති බවක් තමයි පෙනෙන්නේ. විභාගය ලං වෙලා වේගයෙන් කටපාඩම් කරන්න තමයි දැන් ළමයින් පෙළඹිලා තියෙන්නේ. සිසුන් ඉගෙන ගන්නා කාලයේදී  මතකය වඩාත් ඵලදායී ලෙස භාවිතා කරන්නේ කොහොමද කියලා මේ ලිපියෙන් කියලා දෙනවා.

දරුවා නිරන්තරයෙන් තොරතුරු සමාලෝචනය කරන විට ඉගෙන ගත් දේ වඩාත් නිරවද්‍යතාවයෙන් මතක තබා ගැනීමට දරුවාගේ මනස පුහුණු කරවන්න පුළුවන්.

1. වැදගත් මුලික කරුණු පිළිබද හොඳින් අවධානය යොමු කරන්න
ඔයාගේ දරුවාගේ මතකය වැඩි දියුණු කිරීම සඳහා, ඔයා විෂය ධාරාවට අදාළ වැදගත් මුලික කරුණු වලට අවධානය යොමු කරන්න ඕනේ. පාඩම් කරන විෂයේ ප්‍රධානම මුලික කරුණු අමතර කරුණු වලින් වෙන් කර හඳුනාගන්න. ඒ කරුණු යටින් රතු පෑනෙන් ඉරක් ඇ​ඳ ගන්න. 

2. අක්ෂර රටා හා සිහිවටන භාවිතා කරන්න
දරුවට මතක තබා ගත යුතු කරුණු වලින් රටා සහ වචන සාදන හැටි කියා දෙන්න. එහෙමත් නැති නම් හුරු පුරුදු සංගීතයක රිද්මයකට පාඩම් කිරීමෙන් තොරතුරු මතකයට නැංවීම පහසු කරනවා. රූප සටහන් මගින් තොරතුරු වේගයෙන් මනසට කාවදිනවා. ඉගෙනගත් කරුණු මතක තබා ගැනීමට මෙම උපක්‍රම නිසැකවම දරුවට ප්‍රයෝජනවත් වේවි.

3. කරුණු එකිනෙකට පෙළගස්වන්න
මො​ළයේ මතකයන් ගබඩා වෙන්නේ එකිනෙකට සම්බන්ධ කරුණු සමූහයක් විදිහටයි. ඒ නිසා කරුණු එකිනෙකට පෙළගස්වා පාඩම් කරන්න. වෙන් කර ගත් මූලික කරුණු වටා කතාවක් සාදන්න. එවිට දරුවන්ට වඩාත් පහසුවෙන් සිහිපත් කළ හැකියි. කතාව විනෝදජනක වන තරම​ට එය මතක තබා ගැනීම පහසු වනවා.

4. ඇවිදිමින් පාඩම් කරන්න.
ඇවිදමින් හෝ අත් චලනය කිරීමත් සමඟ තොරතුරු වඩා හොඳින් මතකයේ තබා ගන්න පුළුවන්. ඉ​ඳගෙන පාඩම් කරන විට නිදිමත ඇති වෙනවා. නිදිමත වළක්වා ගැනීමටද මෙම ක්‍රමය භාවිතා කළ හැක. 

5. පුරුදු වෙනස් කරන්න
ඔයාගේ දරුවා පුරුදු වෙලා තියෙන පිළිවෙල වෙනුවට අලුත් පිළිවෙලක් අත්හදා බලන්න. දරුවා පාඩම් කරන ස්ථානය හෝ කාලයන් වෙනස් කර බ​ලන්න. කොහොමින් කොහොම හරි පැයක් සිත ඒකාග්‍ර කර ගනිමින් පාඩම් ක​ළොත් ටික වෙලාවක විවේකයක් දෙන්න.

6. නැවත මතක් කරන්න
ඔයාගේ දරුවා පාඩම් කර දින කිහිපයකට පසු දරුවා පාඩම් කරන ල​ද තොරතුරු සමාලෝචනය කිරීමට වග බලා ගන්න. ඔහුට / ඇයට අමතක වී ඇති කරුණු පිළිබඳව මානසික සටහනක් තබා ගන්න කියන්න. එය විභාගයට පෙර නැවත බලා ගන්න. 

දරුවන් හුදෙක් තොරතුරු කටපාඩම් නොකොට, විෂය පිළිබඳ ගැඹුරු අවබෝධයකින් මතක තබා ගන්නවාදැයි සොයා බලන්​න. ඔයා නිදහසේ ඉන්න වෙලාවක දරුවාගෙන් පොඩි ප්‍රශ්න ටිකක් අහන්න.

Related Articles

Featured Articles

Trending Articles

අපේ ජනප්‍රියම ලිපි

8 reasons to make you lazy and tired
   342
   262

ඔබව නිතරම වෙහෙසට සහ කම්මැලි වීමට මේ හේතු 8 බලපානවා

හැම වෙලාවකම නිදිමත, වෙහෙස, හැඟීම් වලින් අඳුරු බවක් දැනීම කියන්නේ නම් ඔබේ ශරීරය ගැන වඩාත් ගැඹුරින් සොයා බලන්න කියලා දෙන ඉඟියක් වෙන්නත් පුලුවන්. ඒ වගේ තත්ත්වයකට හේතු වෙන්න පුලුවන් කාරණා කිහිපයක් ගැන අපි ලැයිස්තුගත කළා
Do not save your marriage if he is like this
   1,980
   224

ඔහු ළඟත් මේ ලක්ෂණ තියෙනවා නම් විවාහය රැකගන්න හදන්න එපා

බොහෝ බිරින්ඳෑවරුන් තමන්ගේ ස්වාමිපුරුෂයාගේ වැරදි හැසිරීම තමන්ගේ පිටම පටවා ගෙන ඔහුව සාධාරණීකරණය කිරීමේ වරද සිදු කරනවා. ඔයාත් එහෙම බිරිඳක් නම් ඔයාගේ විවාහය රැකගන්න ඕනේ කියලා මේ වැරදි නම් ගණන් නොගෙන ඉන්න එපා
How to have a falling hair
   8,868
   179

කඩා හැළෙන හිසකෙස් ලබා ගන්න කැමති ද?

කඩා හැලෙන හිස කෙස් ඔයාගේ මුහුණට විශේෂ පෙනුමක් ලස්සනක් එකතු කරනවා. ඉතින් කාන්තාවක් විදිහට ඔයා ඔයාගේ කෙස් කළඹ ගැන වැඩි සැලකිල්ලක් දැක්වීම නම් අත්‍යවශ්‍යයි. ඔයාගේ කෙස් කළඹ නිරෝගීව සහ කඩා හැලෙන ලෙස පවත්වාගෙන යන්නේ කොහොමද කියලා දැනුවත් කරන්න හැඩකාරී අපි අද තීරණය කළා
5 things to know about Kamala Harris
   178
   138

කමලා හැරිස් ගැන ඔබ දැනගත යුතු කරුණු 5 ක්

සෙනෙට් සභික කමලා හැරිස්ගේ පෞද්ගලික ජීවිතය, දේශපාලන ඉතිහාසය සහ ඇය එරට ප්‍රධාන කරුණු සම්බන්ධයෙන් පෙනී සිටින ස්ථානය ඇතුළු කාන්තාවක් විදිහට ඔබ ඇය ගැන දැනගත යුතු කරුණු පහක් මෙන්න
Bad habits that destroy your look
   2,981
   92

ඔයාගේ පෙනුමට හානි කළ හැකි පුරුදු වලින් මිදෙන්න ඔයාට මේ ලිපිය ප්‍රයෝජනවත් වෙයි

ඔයාගේ පෙනුමට හානි කළ හැකි මේ පුරුදු වලින් මිදී තරුණ පෙනුම සදහටම රැක ගන්න විදිහ ගැනයි මේ ලිපියෙන් කියන්න හිතුවේ

Latest Articles

Most Viwed