ගැහැණු ළමයෙක් ඇති දැඩි කිරීමෙදී දෙමාපියන් අත්විදින තීරණාත්මක අවස්ථා

July 20, 2020
1,630
Crucial moments parents face when you have a daughter
දියණියක් කියන්නේ ලෝකය දිහා සුන්දරව බලන, තමන්ගේ අරමුණු වෙනුවෙන් බොහෝ දුරක් යමින් ලෝකය ලස්සන කරන පිරිසක්. ඒ වගේ පරිපූර්ණ දියණියක් ඇති දැඩි කරන්න හැම අම්මෙක්ම තාත්තෙක්ම උත්සාහ කරනවා. ඒ වගේම සමාජය විසින් ද ගෞරවනීය, කාරුණික සහ “පරමාදර්ශී දියණියකගේ” චරිතයක් බලාපොරොත්තු වෙනවා. හැබැයි හැම තිස්සෙම සමාජය බලාපොරොත්තු වෙන ආකාරයේම ජීවිතයක් වෙන්න ඇයට ඉඩ දෙන්න එපා. මොකද ඔබේ දියණියගේ අනවශ්‍ය කරුණාවන්ත හැසිරීම් නිසා හානිකර ප්‍රතිඵල අත්විදින්න වෙන්නේ දෙමවුපියන්ට විතරක් නෙමෙයි ඇයටමයි. ඉතිං ඇයගේ ජීවිත කාලය පුරාම ඇයව යහපත් වගේම බුද්ධිමත් දියණියක් විදිහට පුහුණු කිරීම මවගේ වගකීමක්. ඒ නිසා ඔබ ඇයව මේ විදිහට ප්‍රවේශම් කල යුතුයි...

1. කල් පවත්නා මිත්‍රකම් ගොඩනඟා ගැනීම ඇයට අමාරුයි නම්
සෑම කෙනෙකුටම හොඳ මිතුරෙක් අවශ්‍යයි. ඒ නිසාම ඔයාගේ දියණියට හොඳ මිතුරන් තෝරා ගන්න ඕන නිසා, මිතුරන්ව සතුටු කිරීම ගැන ඇය නිතරම සිතනවා. ඒ නිසාම දරුවා ගැන සැලකිල්ලෙන් ඉන්න. මොකද සමහර මිතුරන් එකතු වෙලා ඔයාගේ දරුවාගෙන් ප්‍රයෝජන ගැනීමට ඉඩ තියෙනවා. සමහර මිතුරන් ලං වෙන්නේම වාසි බලාපොරොත්තුවෙනුයි. ඒ වගේ සබඳතා වල ව්‍යාජ බව සහ සමාජයේ යථාර්තය ගැන දරුවට පහදා දෙන්න.

ආදර සබඳතා සම්බන්ධතාවයක් වුණත් ගත්තම ඔහු සමග හැසිරිය යුතු ආකාරය ගැන දියණියට කියා දෙන්න ඕනේ. ඔහුව විශ්වාස කිරීමට පෙර ඔහු ගැන සොයා බලන්න කියන්න. මොකද වර්තමානයේදී අපයෝජන වැඩි වෙන්නේ අධික විශ්වාසය නිසායි. 

2. මිනිසුන් ඇයව විශ්වාස කරන්නේ නැති වෙනවා
ඕනෑවට වඩා සමාජයට පරාර්ථකාමී වෙන්න යද්දී ඇයව කවුරුත් විශ්වාස කරන්නේ නැති වෙන්න පුලුවන්. ඒකට හේතුව ඇගේ කරුණාව පිටුපස වෙනත් චේතනාවක් ඇති බව අන් අයට හිතෙන්න පුලුවන් නිසයි. ඒ නිසාම ඔවුන් ඇයගෙන් නිතරම ප්‍රශ්න කිරීමට පටන් ගන්නවා. ඇයට සැකයෙන් සලකනවා විතරක් නෙමෙයි, ඇයට ද සැමවිටම දැනෙන්නේ අන් අයට යටත් හැගීමක්.

3. ඇයට ඇය වෙනුවෙන්ම වෙලාවක් නැති වීම
“අන් අයට උදව්  කිරීමට පෙර ඔයා මුලින්ම ඔයාටම උදව් කළ යුතුයි” කියන කියමනක් තියෙනවනේ. නමුත් ඇය අධිකව පරාර්ථකාමී අදහස් දරන දැරියක් නම්, ඇය අන් අයට උදව් කිරීමට හා සතුටු කිරීමට ඇය සියලු උත්සාහයන් දරනවා. එහි ප්‍රතිඵලයක් විදිහට ඇය තමාටම කරුණාවන්ත නොවන අතර, තමාට තමන්ගෙන්ම ලැබිය යුතු ස්වයං රැකවරණය ලබා දීමට අමතක කරනවා.

4. ඇයව පහසුවෙන් හැසිරවිය හැකි නිසා අවදානමකට හෙලයි
ඕනෑවට වඩා දයානුකම්පිතව වීමෙන් දුවට හානිකර තත්වයන් ඇති වෙනවා. මොකද ඒ ගති ගුණය නිසා හැමෝම ඇය මෝඩයෙකු ලෙස දකින්න පුලුවන්. ඒ නිසාම සෑම කෙනෙකුම ඇයව පාලනය කිරීමටත් පටන් ගන්නවා. ඇගේ කාරුණික හදවතින් ප්‍රයෝජන ගැනීමටත් පිට අයට මෙය හොඳ අවස්ථාවක්. අන්‍යයන්ට උපකාර කිරීමට නිරන්තරයෙන් ඇති ආශාව නිසා ඇයව අපයෝජනයට ලක්වීමේ අවදානම ද වැඩියි.

5. ඇය නරක පුරුදු වලට ඇබ්බැහි වෙයි
මිනිසුන් සතුටු කිරීම වැනි පුරුදු ඊළඟට ඇබ්බැහි වීමක් බවට පත් වෙන්න පුලුවන්. ඒ නිසා ඇයට, ඇයට උවමනා විදිහට වියදම් කිරීමේ ගැටළුවලට මුහුණ දෙන්න සිදු වෙනවා. ඇය අනිත් අයට උවමනා ආකාරයට වියදම් කරන්න පෙළඹවෙනවා. අන්‍යයන් වෙනුවෙන් අධික ලෙස දේවල් කිරීමේ දී අධික ලෙස වියදම් කිරීම, උදාහරණයක් ලෙස නරක ආහාර රටාවන්ට පුරුදු වීම, ඇඳුම් පැළඳුම් සඳහා අනවශ්‍ය ලෙස වියදම් කිරීම වැනි ක්‍රියාවන්ට වුණත් මේ නිසා ඇබ්බැහි වෙන්න පුලුවන්. 

6. ඇයට මානසික සෞඛ්‍ය ගැටලු ඇතිවිය හැකියි
ඇය නිතරම යමක් දෙන්න කැමතියි. නමුත් ඇයට කිසිවක් ලැබෙන්නේ නැති නිසා ඇයගේ වෙහෙස හා දුක ඇගේ පුංචි සිනහව පිටුපස සඟවා ගන්නවා. මේ දේ නිසා කාංසාව, මානසික අවපීඩනය සහ වෙනත් ඇබ්බැහි වූ හැසිරීම් වලට දියණියක්ව ගොදුරු වෙන්න පුලුවන්. ඒ නිසාම දියණියකගේ ජීවිතය අසතුටට පත් වීමට තියන අවස්ථාව වැඩියි.

ප්‍රධානම දෙය ඇයට කුඩා කල සිටම හොඳ නරක කියා දෙන්න. හරි දෙයට සහාය දක්වන්නත්, වැරදි දෙය ප්‍රතික්ෂේප කරන්නත් ඇයට කියා දෙන්න. මවක් හැටියට විශේෂයෙන් මනසින් ශක්තිමත් දියණියක් සමාජයට යවන්න, ඇයට කුඩා කාලයේ සිටම මේ දේවල් කියා දෙන්න.

Related Articles

Featured Articles

Trending Articles

අපේ ජනප්‍රියම ලිපි

Day to day tips for a outstanding beauty
   7,307
   487

කැපීපෙනෙන රූපයකට එදිනෙදා ජීවිතයේදී හැමෝටම වැදගත් ටිප්ස් 04ක්

එදිනෙදා ජීවිතයේදී හැමෝටම වැදගත් වන සිරුරේ වයස් ගත ස්වභාවය පාලනය කර ගැනීම සඳහා උපකාර වන උපදෙස් ස්වල්පයක් කියන්නයි යන්නේ
Eat like this to stop gain weight
   5,108
   202

ස්ථුල බවට තිත තියන්න මේ විදියට කෑම කන්න

මහත වැඩි අයට තමන්ගේ බර අඩු කරගන්න කරන්න ඕන දේවල් කීපයක් ගැන කියන්න හිතුවා
Hints to find if your friend is in love with you
   1,187
   141

ඔයාගේ මිතුරාට ඔයා ගැන ආදර හැඟීම් ඇති වෙලාද කියලා දැන ගන්න පුලුවන් ලක්ෂණ

සමහර වෙලාවට ඔබට සිතිලා ඇති ඔබ දෙදෙනා අතර මිතුරු සබඳතාවයට වඩා වැඩි දෙයක් තියෙනවා ද කියලා. ඒ නිසා අද හැඩකාරී අපි ඔයාට, මිතුරාගේ හැඟීම් වඩා හොඳින් තේරුම් ගැනීමට ඔයාට උපකාරී වෙන ලක්ෂණ කිහිපයක් ගැන කියන්නම්...
Does your daughter have self confidence?
   140
   112

දියණියට ලස්සන මුහුණක් ලැබුණත් ආත්ම අභිමානයක් නැතිද?

ඕනෑම අම්මා කෙනෙක් තම දියණියගේ ලස්සන ගැන හරිම උනන්දුයි. ඉහළ ආත්ම අභිමානයක් ඇති දියණිය ලස්සන මුහුණක් සහ ආත්ම අභිමානයක් නැති කෙනෙකුට වඩා ආකර්ෂණීයයි. මේ සටහන ඒ ගැනයි..
How to get the photo look
   16,578
   92

ආකර්ෂණීය ෆොටෝ ලුක් එක ගන්නෙ මෙන්න මෙහෙමයි

මේ ටිප්ස් ටික කියෙව්වොත් ඔබ ෆොටෝ එකකට පෝස් කරන්න කලින් සූදානම් වෙන්න ඕනේ කොහොමද කියලා අවබෝධයක් ගන්න පුළුවන් වෙයි

Latest Articles

Most Viwed