යෝනි මාර්ගයට හිතකර ආහාර මොනවද කියලා ඔබ දන්නවාද?

හිසේ ඉදන් පාදාන්තය දක්වාම අපේ හැම ශරීර අවයවයකටම අපි කන කෑම වලින් බලපෑමක් තියෙනවා. කාන්තාවක් විදිහට වැදගත්ම ශරීර අවයවක් කියලා නම් කරන්න පුළුවන් අපේ යෝනි මාර්ගය. යෝනි මාර්ගයේ යහපත් පැවැත්ම සහ නිරෝගීකම වෙනුවෙන් විශේෂිත ආහාර වර්ග තියෙනවා කියලා ඔබ දැනගෙන හිටියාද?

1. තේ

තේ පානය මගින් යෝනි මාර්ගයේ සමහරක් අවස්ථාවල වර්ධනය වෙන ඊස්ට් පාලනය කරලා එය නිරෝගී කරන්න හේතු වෙනවලු.

2. සැමන්

සැමන් මාළුවා ඔමේගා 03 කියන මේද අම්ලයෙන් අනුන නිසා යෝනි මාර්ගය වියලි බවෙන් ආරක්ෂා කරගන්න හේතු වෙනවා.

3. යෝගට්

යෝගට් වල ප්‍රෝබයෝටික් අඩංගු නිසා යෝනි මාර්ගය ආශ්‍රිතව හිතකර බැක්ටීරියා වර්ධනයට හේතු වෙනවා.

4. අලිගැටපේර

අලිගැට පෙර මගින් ලිංගික හෝමෝන වර්ධනයට උදව් වෙනවා. ස්ත්‍රීන්ට අවශ්‍ය ඉස්ට්‍ර්ස්ජන් හෝමෝනය අඩුනම් යෝනි මාර්ගය ගොඩාක් වෙලාවට වියලි වෙලා, ලිංගිකව එක් වීම අපහසු කරනවා. එහෙම අපහසුතාවයක් තියෙනව නම්, ඔබට පුළුවන් වැඩිපුර අලිගැට පේර ඔබේ ආහාරයට එක් කර ගන්න.

5. ස්ට්‍රෝබෙරි

ස්ට්‍රෝබෙරි, දොඩම් වලට වඩා විටමින් c බහුල ආහාරයක්. ලිංගික හෝමෝන හොඳින් ශ්‍රාවය වෙන්නත්, මාංශ පේශි වල අදෙනසුලු බව රැක ගන්නත් විටමින් c උපකාරී වෙනවා.

6. බිත්තර

බිත්තර වල විටමින් D යහමින් අඩංගු වෙන නිසා, යෝනි මාර්ගයේ සෞඛ්‍යට හිතකරයි.

7. ගෝවා කොළ

කැල්සියම් සහ මැග්නීසියම් බහුල ආහාරයක්. ඒ මගින් යෝනි මාර්ගයේ මාංශ පේශි වර්ධනයට ඉවහල් වෙනවා.

8. වතුර

අනිත් හැමදේටම වගේ, හොඳින් වතුර බොන එක යෝනි මාර්ගයේ සෞක්‍යටත් ගොඩාක් හිතකරයි.

9. ධාන්‍ය වර්ග

ප්‍රෝබයෝටික් අඩංගු නිසා ශරීරයට හිතකර බැක්ටීරියා වර්ධනයට උපකාරී වෙලා යෝනි මාර්ගයේ බැක්ටීරියා ආසාදන අඩු කරන්න හේතු වෙනවා.

** එළවලු පලතුරු

එළවලු පලතුරු වල අඩංගු විටමින වර්ග බොහොමයක්, යෝනි මාර්ගයේ සෞක්‍යමත් පැවැත්මට උපකාරී වෙනවා.