ඕනෑම කාන්තාවකට ගැලපෙන ලෝකයේ ප්‍රමුඛ විලාසිතා 12ක්

ඔබ විවිධ විලාසිතා අත් හදා බැලීමට ඉතා ප්‍රියකරනු ලැබූවත් ඇතැම් විට එය වෙහෙසකාරී අත්දැකීමක් නේද.. ඔබගේ සිරැරේ උසට, හැඩය, බරට නැතිනම් පෙනුමට ගැලපෙන විලාසිතා තේරීම අසීරු කාරණයක්. "අඳින්නේ කුමක්ද" යන ගැටළුව කාන්තා අපට කෙදිනකවත් විසඳගත නොහැකි ගැටළුවක්.. කෙතරම් ඇඳුම් ආයිත්තම් තිබුණත් ඇතැම් විට ඔබට හිතට අල්ලන කිසිදු ඇඳුමක් අල්මාරියේ නැහැ කියා සිතෙනවා නම් හැඩකාරි අප අද ඉදිරිපත් කරන්නේ ඕනෑම අවස්ථාවකට පහසුවෙන් තෝරගත හැකි විශ්වීය විලාසිතා කිහිපයක්.. බලන්න ඔබටත් ඒවා කෙතරම් ගැලපෙනවාද, පහසුවෙන් තෝරා ගැනීමට හැකියි නේද කියා..

1. කොපු හැඩයේ ගවුම් විලාසිතා- A sheath dress









ඇතැම් විට ඔබට සිතේවි කොපු හැඩයේ විලාසිතා ඔබට නොගැලපෙනවා කියා.. නමුත් ඔබ දන්නවාද එය ඕනෑම කෙනෙකුට ගැලපෙන බව. නමුත් ඔබ පහත කරුණු පිළිබදව සැලකිල්ල යොමු කල යුතුයි. සිහින් සිරැරක් ඇති අයට සැහැල්ලු රෙදි වලින් මසන් ලද ගවුම්ද , මහත සිරැරක් ඇති අය සඳහා තද වර්ණයන්ගෙන් ‍යුතු රෙදිවලින් මසන ලද ගවුම් වඩාත් සුදුසු වනවා. ඔබගේ සිරැරේ සිහින් හැඩය වඩාත් හොඳින් කපී පෙනෙන්නට අවශ්‍ය නම් ගවුමේ පැති සඳහා එකිනෙකට වෙනස් වර්ණ 2ක් භාවිතා කරන්න.

2. A straight shift dress







සිරැරේ හැඩයට කෙලින්ම මසන ලද මෙම ගවුම් විලාසිතාව ඔබගේ ශරීරයේ අඩුපාඩු සඟවා වඩාත් හොඳ පෙනුමක් ලබාදීමට උපකාරි වනවා. ශරීරයට වඩා විශාලව මැසීමෙන් තොරව ඔබගේ සිරැරේ ප්‍රමාණයට මසා ගැනීමෙන් වඩා හොඳ පෙනුමක් ලබාගත හැකියි.

3. කෙටි බ්ලවුස් - A shortened top









වර්ථමාන විලාසිතා ලෝකයේ ඉතා ජනප්‍රිය මෙම කෙටි බ්ලවුස් විලාසිතාව ඔබ සාමාන්‍ය උසකින් යුතු කෙනෙක් නම් ඔබගේ දෙපා වඩා දිගු කොට උස පෙනුමක් ලබාදීම සඳහා උපකාරි වෙනවා.. ඒ වගේම දිගු සාය, ඩෙනිම් හෝ අනිකුත් කලිසම් සමග වුවද ඔබට ගලපා ගැනීමට පුලුවන්.. ඔබේ ඉනට වඩා අගල් කිහිපයක් උඩට සිටින සේ මෙම විලාසිතාව සකස් කරගත යුතුයි. ඉන් අදහස් වන්නේ ඔබගේ උදරය වඩාත් පෙනෙන සේ කෙටි විය යුතු බව නොවේ.. ඔබට අවශ්‍ය පරිදි ඔබගේ පහළ කොටසට අඳිනු ලබන සාය හෝ කලිසම ඉනෙන් උඩට වනසේ ඇඳීමට ඔබට පුළුවන්..

4. A pencil skirt





ඕනෑම ප්‍රමාණයේ සිරැරකින් හෙබි කාන්තාවන් සඳහා මෙම සාය විලාසිතාව සුදුසු වනවා.. උසින් අඩු කාන්තාවන්ගේ උස වැඩිකර පෙන්වීමට දණහිසට වඩා මදක් උසින් ඇති සායක් තෝරා ගන්න. පසුපස හොඳින් පෙනීමට අවශ්‍ය නම් ඝනකම රෙද්දකින් මසන ලද පටු සායක් තෝරන්න; පසුපස අඩුකර පෙන්වීමට අවශ්‍ය නම් ඝනකම් රෙද්දකින් මසන ලද තරමක් සැහැල්ලු සායක් තෝරන්න.. එමෙන්ම අඩි උස හෝ සාමාන්‍ය පාවහන් මෙම විලාසිතාවට වඩාත් සුදුසු වනවා.

5. Boyfriend jeans





තරමක් කකුල්වලට වඩා ලොකු, ලිහිල් පෙනුමකින් යුතු මෙම කලිසම් විලාසිතා ලෝකයේ සැමදා එකසේ ජනප්‍රිය විලාසිතාවක්.. සිහින් හෝ මහත යන ඕනෑම ප්‍රමාණයේ සිරැරක් ඇති කාන්තාවන් සඳහා සුදුසු වනවා. මෙම කලිසම් සඳහා ඔබට කැමති පරිදි ස්කිනි, ජ්ර්සි, බ්ලවුස් වැනි ඕනෑම විලාසිතාවක් හා කැමති ආකාරයේ පාවහන් තෝරා ගැනීමට හැකියි.

6. Classic pants





ක්ලැසික් කලිසම් රාජකාරි හෝ සාමන්‍ය යන ඕනෑම අවස්ථාවකට සුදුසු වන අතර ඔබගේ ඇඳුම් එකතුවෙහි අනිවාර්‍යෙන්ම තිබිය යුතුයි. උදරයට වඩා ඉහලට කර ඇඳීම මගින් ඉදිරියට නෙරා ඇති උදරය අඩුකර පෙන්වන අතරම ඔබට වඩාත් උස පෙනුමක් ලබා දෙනු ලබනවා.

7. Pumps





උසින් වැඩි උල් අඩි සහිත මෙම සපත්තු මගින් ඔබට උත්කර්ශවත් පෙනුමක් ලබාදෙනවා.. ඕනෑම ප්‍රමානයේ පාද‍යන් සඳහා වඩා උසැති බවක් එක්කරනවා. ගවුම්, සාය හෝ කලිසම් යන ඕනෑම වර්ගයේ ඇඳුමක් සඳහා මෙම පාවහන් පැලදිය හැකියි.

8. A leather jacket





ඉනට දිගු හෝ ඉනෙන් පහලට වන සේ මසන ලද ලෙදර් කබා මගින් ඔබගේ පෙනුම වඩාත් වැඩි දියුණු වන අතර එය ඩෙනිම්,ගවුම්,සාය වැනි ඕනෑම ඇඳුමක් සඳහා පැළඳීමට ඔබට පුළුවන්.

9. Sneakers







මෙම පාවහන් වර්ථමානයේ විලාසිතා ලෝකය තුල වඩාත් ජනප්‍රිය අතර විශේෂයෙන් යොවුන් වියේ සිටින තරුණියන් අතර වඩාත් ජනප්‍රිය පාවහන් විලාසිතාවක්. එය ඔබට කැමති ඇඳුමක් සමග ගැලපිය හැකියි.

10. A wrap dress







මෙම විලාසිතාව ඕනෑම ප්‍රමාණයේ ශරීරයක් හිමි කාන්තාවන් සඳහා සුදුසු වන අතර සිහින් සිරැරක් සහිත කාන්තාවන්ට ඕනෑම වර්ගයක දිගු හෝ කෙටි ගවුම් උචිත වන අතර තරමක් මහත සිරැරක් සහිත කාන්තාවන් හට තද පැහැති වර්ණයන්ගෙන් යුතු දිගු ගවුම් වඩාත් උචිත වනවා.. එමගින් සිරැරේ ප්‍රමාණය සිහින් කර පෙන්වනවා.

11. A white shirt





විලාසිතා ලෝකයේ අමරණීය ස්ථානයක් සුදු පැහැය සඳහා හිමිවනවා.. සෑම කාන්තාවකගේම ඇඳුම් එකතුවෙහි අනිවාර්‍යෙන්ම ඇති සහ තිබිය යුතු ඇඟලුමක් ලෙස සුදු පැහැති කමීසය හැඳින්වීමට පුළුවන්. එමගින් ඕනෑම මොහොතක වඩා වැදගත් නැවුම් පෙනුමක් ඇයට ලබාදෙනවා. එය ඔබට විලාසිතා වර්ග කිහිපයක් සඳහා පදනම ලෙස යොදා ගැනීමට පුලුවන්.. උදාහරන ලෙස ක්ලැසික් කලිසම්, ඩෙනිම්, පෙන්සිල් ස්කට් සමග ජැකට් දමා ආදී විලාසිතා වර්ග කිහිපයක් සමග මුසු කිරීමට හැකියි.

12. A straight jacket





මෙවැනි ආකාරයේ ජැකට් ඔබට මහත හෝ සිහින් ඕනෑම ශරීරයක් ඇති නම් ඇඳීමට හැකිය. ඔබට කැමති උසකින් එය නිර්මාණය කරගැනීමට පුළුවන්... කෙටි සාය, දිගු සාය, ගවුම්, කලිසම් යන ඕනෑම ආකාරයේ විලාසිතා වර්ගයක් සමග ගළපා ඇඳීමට හැකියි.. ඒමෙන්ම ඔබගේ රුචිකත්වය පරිදි තද හෝ ලා වර්ණ සමග හෝ වර්ණ දෙකක් එකට සංයෝජනය කර නිර්මාණය කර ගැනීමටද පුළුවන්.

මෙම ලිපිය මගින් අපි ඔබට ඉදිරිපත් කලේ විලාසිතා ලෝකයේ කෙදිනකවත් පරණ නොවන ඔබට වෙනස් හා අලුත් පෙනුමක් ලබාදෙන විශ්වීය විලාසිතා වර්ග කිහිපයක්.. බලන්න ඔබගේ අල්මාරියේත් මේ විලාසිතා තිබෙනවාද කියා.. එසේ නම් ඔබටත් මැසිවිලි නැගීමකින් තොරව ඕනෑම අවස්ථාවක් සඳහා වඩාත් විශ්වාසයෙන් යුතුව මුහුණ දීමට පුළුවන්.