සාර්ථක විවාහ දිවියකට මේ දේවල් ඕනමයි

October 13, 2017
2,790
These things should be there to have a successful marriage life
තරුණ වයසේ ඉන්න හැමෝගෙම බලාපොරොත්තුව වෙන්නේ සුන්දර විවාහ ජිවිතයක්, ආදරණිය පවුලක් ගොඩ නගා ගන්න එක. කවුරුවත් කැමති නැහැනේ ජිවිතේ අවුල් ජාලාවක් වෙලා හැමදාම කලකිරීමෙන් ජිවත් වෙන්න. ඉතින් සුන්දර පවුල් ජීවිතයකට ඔයාල දෙන්න අතරේම තියෙන්න ඕන වැදගත් කරුණු කීපයක් තමයි මේ. මේ දේවල් ඔයාල අතරෙත් තියෙනවා නම් රණ්ඩු වෙන්න, තරහ වෙන්න, හිත් අමනාපකම් ඇති කරගන්න ඕන නැහැ.

1. ඉවසීම පවුල් ජිවිතයක් පවත්වාගෙන යන්න ඕනමයි. ගොඩක් දෙනෙක් ළඟ නැත්තෙත් මේ දේ. එත් අනිවාර්‍යයෙන් පුරුදු කර ගත යුතු වන්නේත් ඉවසීම. මොකද එකිනෙකා අතින් වෙන පොඩි පොඩි වැදීම්, අතපසුවීම්, අමතකවීම් වලට ප්‍රශ්න ඇති කර ගත්තොත් හැමදාම ප්‍රශ්න එක්ක තමයි ජිවත් වෙන්න වෙන්නේ. ඒ නිසා ඉවසන එක හැමදේටම වඩා ඇඟට ගුණයි.

2. ඒ වගේම කලින් කිව්වා වගේ ඔය පොඩි පොඩි වැරදි, අතපසුවීම් වලට සමාව දෙන්න. ඒවා අමතක කරන්න. හිතේ තියාගෙන සැරෙන් සැරේ රණ්ඩු කරන එක වත් අනිත් කෙනාට රිද්දන එකවත් හොඳ දෙයක් නෙවෙයි. ඒ නිසා සමාව දෙන්න, කලින්ට වඩා ආදරෙන් ලං වෙන්න. එතකොටයි ආදරේ තව තවත් වැඩි වෙන්නේ.

3. ඔයා අතින් වුනු වැරැද්දකට සමාව ඉල්ලන එකත් හොඳ පුරුද්දක්. ඒ නිසා ඔයා අතින් වැරදි යමක් සිදුවූවා නම් වරද පිළිගෙන ඔහුගෙන් වරදට සමාව ඉල්ලන්න. ඒ වගේම ඒ වැරැද්ද ආයෙත් ඔයා අතින් නොවෙන්නත් වග බලා ගන්න. මොකද කිසිම කෙනෙක් එකම වැරැද්දට කීප වතාවක් සමාව දෙන්නේ නැහැ.

4. දෙදෙනාම එක විට තරහ ගන්න එපා. එක් අයෙක් තරහ වූ විට ඔහු හෝ ඇය සන්සුන් වෙන තෙක් නිහඬව සිටින්න. දෙදෙනාම එකවිට තරහා ගැනීමෙන් සිද්ධ වෙන්නේ ප්‍රශ්නය දුර දිගයන එක විතරයි. දෙන්නම තරඟෙට කියවන්න ගත්තම ප්‍රශ්නේ විසඳෙනවට වඩා එතන ඇති වෙන්නේ ගාලගෝට්ටියක්. ඒ නිසා එයාගේ කේන්තිය නිවෙනකන් ඔයාට කට පියාගෙන ඉන්න පුළුවන් නම් ලොකු දෙයක්.

5. කිසිවිටක එකිනෙකා සමග බහින්බස් වෙන්න එපා. චෝදනා කරන්නට යන්නත් එපා. සුහදව කතාබස් කර ප්‍රශ්නය විසඳාගන්න. විශේෂයෙන් කාන්තාවන් කියවන්න ගත්තම ඒකෙ කෙළවරක් නැහැනේ. කොහොම හරි ඒකෙන් ජය ගන්නමනේ බලන්නේ. හැබැයි එහෙම කරද්දී ඔයාල අතරේ තියෙන බැඳීම් ටිකෙන් ටික දුරස් වෙනවා කියලා ඔයා අමතක කරන්න එපා.

6. ඔයාට එයාව විවේචනය කරන්න ඕනම නම් එම විවේචනය ආදරණීය ලෙසට සිත නොරිදෙන අයුරින් කිරීමට මතක තබා ගන්න.

7. අතීතයේ සිදුවූ වැරදි යළිත් මතක් කරන පුරුද්ද ඔයා ලඟත් තියෙනවා නම් ගෙදර ප්‍රශ්න ඇති වෙන්න එක තවත් හේතුවක්. පැරණි දේවල් ඇවිස්සුවා කියලා ලැබෙන දෙයක් නැහැනේ. ඒ නිසා වැඩකට නැති දේවල් සැරෙන් සැරේ මතක් කරන එක නවත්තන්න. අතීතය නෙවෙයි වර්තමානය සහ අනාගතයයි වැදගත්.

8. මුලු ලොවම ගැන අමතක කරත් එකිනෙකා ගැන හැම විටම මතකයේ තබා ගන්න. නැත්තන් දෙන්නටම නොදැනී දෙන්නා ඈතට යනවා.

9. විසඳා නොගත් ප්‍රශ්න සමග කිසිවිටක නින්දට යන්න එපා. එතකොට ඊළඟ දවස පටන් ගන්නෙත් ප්‍රශ්න එක්ක.

10. දිනකට අඩුම තරමේ එක් වතාවක් ඔහුට හෝ ඇයට කරුණාවෙන් සහ ආදරයෙන් වචන කිහිපයක් හුවමාරු කරගන්න. දරුවන් සිටීම මෙයට බාධාවක් කර නොගන්න.

Related Articles

Featured Articles

Trending Articles

අපේ ජනප්‍රියම ලිපි

Are you dieting the correct way?
   1,168
   1,001

diet කරන්නේ හරියටම දැනගෙනද?

බොහෝ දෙනෙක් ඩයට් කරන්නේ වැරදි විදියට. ඒ ගැන ගොඩක් අයට තියෙන්නෙ අඩු අවබෝධයක්. නොකා නොබී ඉඳලා අන්තිමේ ලෙඩ හදාගන්නෙ නැතුව ඩයට් කරන්න ඕන හරිම විදිය දැනගෙන ඒ දේවල් වලට යොමු වෙනව නම් තමයි වැඩේ සාර්ථක
Stay away from these to avoid stomach gas
   906
   767

පාලනය කරගන්න බැරුව නිතරම වාතය පිටවෙනවා නම් මේ දේවල් වලින් පරිස්සම් වෙන්න

සාමාන්‍ය පුද්ගලයෙක් දවසකට 20 වතාවක් විතර වාතය පිට කිරීම සිදු කරනවා. මීට වඩා දිනකට වාතය පිටවීමක් සිදු වෙනවා නම් ඒකට හේතුව මේ කියන ආහාර වෙන්න පුළුවන් මොකද අනෙක් ආහාර වර්ග වලට වඩා මේ ආහාර නිසා ශරීරයේ වාතය එකතු වීම වැඩියි
Do not let them do these mistakes when you do your eyebrows
   3,066
   625

ඇහිබැම සකස් කරද්දී කවදාවත් මේ වැරදි වෙන්න දෙන්න එපා

අපි වටිනා කියන දේවල් පරිස්සම් කරන්නේ හරියට අපේ ඇස් වගේ. එකෙන්ම තේරෙනවනේ අපේ ඇස් දෙක මොනතරම් වටිනවද කියල. ඒ තරම් වටින ඇස්දෙකට තවදුරටත් මේ කියන හානි වෙන්න දෙන්න එපා. එහෙම වෙන්න තියෙන තත්ත්වයන් පුළුවන් තරම් අවම කරගන්න උත්සාහ කරන්න
Thing that women cannot control
   672
   609

කාන්තාවන්ට පාලනය කර ගන්නම බැරි දේ. ඔයාටත් මෙහෙමද බලන්න

ඔන්න ඔහොම තමයි කාන්තාවන් පාරට බැස්සම පාලනයක් නැතිව වියදම් කරන්නේ.  කොහොම හරි කමක් නෑ මේ කියන්නේ මුදල් පරිහරණය කරද්දී ඔයා කොහොමද ඒක බුද්ධිමත් විදියට කරන්න ඕන කියලා
Are you a victim of anaemia
   992
   592

කාන්තාවන්ට බහුලව වැළඳෙන නීරක්තියට ඔබත් ගොදුරු වී දැයි බලන්න

නීරක්තිය කියන්නේ කාන්තාවන් අතර බහුල රෝගී තත්ත්වයවයක්. විශේෂයෙන්ම පෝෂණ ඌනතා සමඟ මෙවැනි තත්වයන් ඇතිවෙන්න පුළුවන්. ඒ වගේම තමයි වැඩිවියට පත්වීමත් සමඟ මසකට වරක් කාන්තාවකගේ ශරීරයෙන් රුධිරය අධික ලෙස පිටවන නිසා මෙම අවදානම වඩා වැඩි වෙන්නේ කාන්තාවන් තුළ

Latest Articles

Most Viwed