කොලෙස්ටරෝල් අවදානමෙන් මිදෙන්න නම් මේ ආහාර අදම ආහාරයට එකතු කර ගන්න

November 28, 2017
63,124
Eat these food to avoid the risk of getting cholesterol
කොලෙස්ටරෝල් කියන්නේ දැන් අපිට උණ හෙම්බිරිස්සාව තරමටම සමීප ලෙඩ රෝග වලින් එකක්. කොලෙස්ටරෝල් ඇති වෙන්න හේතු වෙන්නේ මොන තත්ත්වයන්ද කියන එක වගේම කොලෙස්ටරෝල් අවදානමට ලක් වුණු කෙනෙක් ලඟින් දිස් වෙන රෝග ලක්ෂණ මොනවද කියන එක ගැනත් කලින් ලිපියකින් ඔයාව දැනුවත් කර නිසා කොලෙස්ටරෝල් අවදානමෙන් මිදෙන්න තියෙන හොඳම ආහාර මොනවද කියන එක ගැන තමයි මේ කියන්නේ.  දැනටමත් කොලෙස්ටරෝල් වැළඳුනු කෙනෙක්ට වගේම ඒ රෝගය ඇති වෙන්න කලින් ඒ අවදානමෙන් මිදෙන්නත් මේ ආහාර වර්ග නැතුවම බැහැ. 

1. ග්‍රීන් ටී 

 ග්‍රීන් ටී ධමනි පිරිසිදුව හා සෞඛ්‍යසම්පන්නව තබාගැනීමට ඉතාමත් වැදගත් වෙනවා වගේම හෘද රෝග ඇති වීමේ අවදානම අඩු කරනවා. ඒ වගේම එහි ප්‍රතිඔක්සිකාරකත් අඩංගු වෙනවා. කිරීටක ධමනි සිහින් වීමේ රෝගය වැළඳීමේ අවධානම ග්‍රීන් ටී මඟින් අවම කරනවා. ග්‍රීන් ටී වල අඩංගු රසායනිකයන් රුධිර නාල වල නිසි ක්‍රියාකාරිත්වයට වැදගත් වන නිසා කොලෙස්ටරෝල් අවදානමෙන් මිදෙන්න ග්‍රීන් ටී හොඳ විසඳුමක්. කොලෙස්ටරෝල් අවදානමට දැනටමත් ලක් වුණු කෙනෙක් දිනපතා ග්‍රීන් ටී කෝප්ප 2-3 ක් පානය කිරීම වරදක් නැහැ.

2. නිවිති

නිවිති කියන්නේ කොලෙස්ටරෝල් වගේම බොහොමයක් ලෙඩ රෝග වලට සුවය දෙන ඖෂධිය ගුණය අතින් ඉතා ඉහළ පලා වර්ගයක්. නිවිති වල අඩංගු නයිට්‍රික් ඔක්සයිඩ් ධමනි සංකෝචනය වීමට එරෙහිව ක්‍රියාකරන අතරම රුධිරය කැටි ගැසීම මේදය තැන්පත්වීම වළක්වමින් හෘදයාබාධ ඇති වීම අවම කරනවා.

නිවිති වල අඩංගු විටමින් A සහ C, පොටෑසියම් සහ ෆෝලික් අම්ලය  මගින් අහිතකර කොලෙස්ටරෝල් ධමනි බිත්ති තුල තැන්පත් වීම වලක්වන බැවින්, ධමනි සිහින්වීමේ අවධානම අඩු කරනවා. නිවිති ව්‍යාංජනයක් ලෙස හෝ දිනපතා නිවිති කොළ හුමාලයෙන් තම්බා ආහාරයට එකතු කර ගන්න ඔයාට පුළුවන්.

3. සුදුළූණු  

ස්වාභාවිකව හා අතුරු අබාධ නැතිව ධමනි පිරිසිදු කිරීමට උපකාරී වෙන වටිනා ඖෂධයක් තමයි සුදුළූණු. හෘද රෝග සහ රුධිර නාල අවහිර වීම වැළැක්වීමටත්, රුධිරයේ අඩංගු අහිතකර කොලෙස්ටරෝල් ප්‍රමාණය අඩු කරන්නත්, රුධිර නාල විශාල කිරීම, රුධිර සංසරණය වැඩි කිරීමටත් සුදුළූණු ඉතා වැදගත්. දැනටමත් කොලෙස්ටරෝල් වැළඳුනු කෙනෙක් දිනපතා මී පැණි සමඟ හිස් බඩට සුදුළූණු අහාරය හෝ ආහාර පිළියෙළ කිරීමේදී සුදුළූණු ආහාර වලට එකතු කර ගන්න අමතක නොකළ යුත්තක්. 

4. අලිගැට පේර 

අලිගැට පෙර කියන්නේ මේදය අඩංගු ආහාරයක් නිසා කොහොමද කොලෙස්ටරෝල් වලට හිතකර වෙන්නේ කියලා ඔයා හිතනවා ඇති. අලිගැටපේර වල අඩංගු වෙන්නේ හිතකර මේදය. ඒ වගේම රුධිර පීඩනය අවම කරන පොටෑසියම් සහ එහි අඩංගු අනෙකුත් වැදගත් පෝෂක, රුධිරයේ ඇති අහිතකර කොලෙස්ටරෝල් අඩු කර ධමනි අවහිරවීම වලක්වන හිතකර කොලෙස්ටරෝල් මට්ටම වැඩිකරනවා. 

5. සව් 

රසවත් වගේම ඉතාමත් ගුණවත් ආහාරයක් තමයි සව් කියන්නේ. සව් වල ඔමේගා-3 මේද අම්ල, තන්තු, අඩංගු වන නිසා සව් හදවතට වඩාත් ගුණදායකයි. අහිතකර කොලෙස්ටරෝල් අඩු කිරීම, රුධිර පීඩනය පාලනය කිරීම සහ ධමනි පිරිසිදු කිරීමේ හැකියාව සව් වලට තියෙනවා.

Related Articles

Featured Articles

Trending Articles

අපේ ජනප්‍රියම ලිපි

Celebrity Moms
   1,164
   920

මවු පදවියෙන්පසුවත් ඒ වගෙම ලස්සනට ඉන්න ලොව ප්‍රසිද්ධ කාන්තාවෝ තිදෙනෙකුගේ විලාසිතා

රසිද්ධ චරිත කළ විලාසිතා ගැන කතා කරන්න. බලන්න ඔයාටත් මේ කාන්තා චරිත වලින් අපේ ජීවිතයට එකතු කරගන්න පුළුවන් මොනවද කියලා
Capsicum Deep Fry Recipe
   1,249
   657

මාළු මිරිස් බැදුම - Recipe

බත් පිඟානේ රුචිය වැඩි කරන මාළු මිරිස් බැදුම හදමු
Have a glowing skin with orange peels
   753
   216

දොඩම් ලෙලි වලින් පැහැපත් වෙන්න කැමතිද

ගෙදරදී හමු වන දොඩම් ලෙලි වලින් පැහැපත් වෙන්න සරල පිළියමක්
Symptoms to say you are pregnant
   8,957
   87

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Heal your feet while making them pretty
   2,242
   75

යටි පතුල්  වේදනා වලට සත්කාර කරන ගමන් ලස්සන දෙපා වල හිමිකාරිණියක් වෙන්න

මේ සත්කාර මගින් දෙපතුල් පැලීම නතර කරනවා වගේම, ඔයාගේ දෙපතුලට පැහැපත් දීප්තිමත් බවක් ලබා දෙනවා

Latest Articles

Most Viwed