දණහිස් වල අඳුරු පැහැය තව දුරටත් ඔයාට ප්‍රශ්නයක් වෙන්නේ නැහැ

කාන්තාවන්ට තමන්ගේ රුපය ගැන තියෙන දහසකුත් ප්‍රශ්න වලින් එකක් තමයි දණහිස හා වැලමිටඅවපැහ වීම. විශේෂයෙන් දණහිස් කළු පැහැ වුනහම හරියට ඇඳුමක් වත් අඳින්න බැරුව යනවා. ඔයා කොටට අඳින කෙනෙක් නම් ඔයාගේ දණහිස් අවලස්ස වීම ඔයාගේ පෙනුමට අනිවාර්යෙන් බලපානවා. හිරු එළියට නිරාවරණය වීම. සමේ වියලි බව වගේ හේතුන් මෙයට බලපානවා. දණහිස් වල සහ වැලමිට ප්‍රදේශයේ ඇති අඳුරු පැහැය වලක්වන ස්වභාවික සත්කාර කීපයක් තමයි මේ.

කහ, මී පැණි සහ කිරි වලින් මේ ප්‍රශ්නෙට ඔයාට විසඳුමක් හොයා ගන්න පුළුවන්. කහ කියන්නේ හොද විශබීජ නාශකයක්. මී පැණි වල සමේ තෙතමනය ආරක්ෂා කරන ගුණාංග අඩංගු වන අතර කිරි ස්වභාවික විරංජකයක් විදියට ක්‍රියා කරනවා. ඒ වගේම කිරි කියන්නේ සමට ඉතා ඉහල පෝෂණය ලබා දෙන්නක්. මේ අමුද්‍රව්‍ය 3 සම සමව ගෙන හොඳින් මිශ්‍ර කරලා ආලේපයක් විදියට සකස් කර ගෙන එය දණහිස් හා වැලමිට ප්‍රදේශයේ හොඳින් ආලේප කර මිනිත්තු 20ක් පමණ තිබෙන්නට හැර පසුව සෝදා හරින්න.

ලෙමන් සහ මී පැණිත් ඔයාට මේ සඳහා භාවිතා කරන්න පුළුවන්. ලෙමන් ස්වභාවික විරංජකයක් ලෙස ක්‍රියා කරනවා. ලෙමන් යුශ ස්වල්පයක් මී පැණි සමග මිශ්‍ර කර දණහිස් හා වටමිට මත ආලේප කරන්න. මිනිත්තු 15ක් පමණ තිබෙන්නට හැර සෝදා හරින්න.

කඩල පිටි සහ බේකින් සෝඩා සම ප්‍රමාණයන්ගෙන් මිශ්‍ර කර ලෙමන් හෝ මී පැණි එක් කර අලෙපනයක් ලෙස ගෙන ආලේප කරන්න.

කිරි තේ හැදි 4 කට ලෙමන් යුෂ එක් තේ හැන්දක් එක් කරන්න, විටමින් E සහ glycerin ද එයට එක් කොට දණහිසෙහි හා අතෙහි අඳුරු ප්‍රදේශ මත ආලේප කරන්න. විනාඩි 15 ක් පමණ තියෙන්නට හැර මද උණුසුම් ජලයෙන් සෝදා හරින්න.

මේ සත්කාර වලට අමතරව ආමන්ඩ් ඔයිල් හෝ ඔලිව් ඔයිල් සමඟ විටමින් E මිශ්‍ර කර ආලේප කිරීමෙනුත් ප්‍රතිඵල ලබා ගන්න පුළුවන්.

ඒ වගේම දවසට දෙවරක් වත් හොඳ මොයිස්චරයිසර් ක්‍රීම් එකක් ආලේප කරන්න. සමේ තෙතමනය ආරක්ෂා කර ගැනීමට වැඩි පුර වතුර බොන්න, තවත් දෙයක් හිරු එළියෙන් සම ආරක්ෂා කර ගන්නත් අමතක කරන්න එපා.