තරවටු නොකර දරුවන්ට කෑම කවන කලාව හැම මවක්ම දැන ගත යුතුයි

June 11, 2018
15,985
A mom should know how to feed her child
පොඩි දරුවෝ ඉන්න අමමලාට තියෙන ලොකුම ප්‍රශ්නය තමයි කෑම ටික කවා ගන්න එක. පොඩි දරුවෝ ඉතින් කෑම කන්න ටිකක් අදිමදි කරනවා තමයි. පැණි රස කෑම කන්න නම් පැනලා කැමති වුනත් ගුණ දෙයක් කවා ගන්න නම් ගේ වටේ දුවලා ලොකු යුද්ධයක් කරන්න වෙනවා. තරවටු කරලා බලෙන්, වදෙන් පොරෙන් කෑම කවන්නේ නැතුව දරුවන්ට කෑම කවන විදිය ගැන පොඩ්ඩක් දැන ගත්ත නම් මින් පස්සේ ඔයාට මහන්සියකුත් නෑ දරුවට කෑම එපා වෙන්නෙත් නෑ.

සාමාන්‍යයෙන් වයස අවුරුදු 2-3 අතර දරුවන්ගේ උසේ වර්ධනය අඟල් 2ක් 3ක් පමණ වෙනවා. ඒ වගේම ශරීරයේ වර්ධනය 3kg ක් පමණ සිදු වෙනවා. ඒ වගේම මේ වයසේදී දරුවාගේ බුද්ධි වර්ධනයත් සිදු වන නිසා අනිවාර්යෙන් පෝෂ්‍යදායි ආහාර ලබා දීම අතිශය වැදගත් වෙනවා. ඒ නිසා හැම වෙලාවකම ඔබ දරුවාට ලබා දෙන ආහාර පාන මොනවද හා ඒවායේ ගුණ අගුණ මොනවාද කියන එක ගැනත් අවබෝධයෙන් ඉන්න. 

ඒකාකාරී විදියට දෙන ආහාර පාන වලට කිසිම දරුවෙක් කැමතිවෙන්නේ නැහැ. ඒ නිසා දිනපතා දරුවාගේ ආහාර වේල තුල වෙනසක් කරන්න. ඒ වගේම එකම තැන ඉඳගෙන කෑම කවනවාට වඩා දරුවත් එක්ක ඇවිදමින්, කතාවක් කියමින් කෑම කවන්න. විශේෂයෙන් දරුවා ප්‍රතික්ෂේප කරන ආහාර වල වෙනසක් ඇති කරන්න. කාබෝහයිඩ්‍රේට් අඩංගු ආහාර වැඩියෙන් ලබා දෙන්න. එය දරුවාගේ වර්ධනයට ඉතාමත් අවශ්‍යයි. අල, බතල, රතු කැකුළු බත් අඩංගු කරන්න.

ඒ වගේම ප්‍රෝටීන් සහිත අහාර දරුවාගේ ආහාර වේලට එකතු කරන්න. මස්,මාළු, පීකුදු වැනි ආහාර වලින් දරුවාට අවශ්‍ය ප්‍රෝටීන් අවශ්‍යතාව සපිරෙනවා. ඒ වගේ තෝර මාළු, පරා මාළු, මෝර මාළු වැනි සුදු පැහැති මාළු වර්ග දරුවන්ට ඉතාමත් ගුණදායකයි. ඒ වගේම ප්‍රෝටීන් අඩංගු බෝංචි, දඹල වැනි ආහාර විවිධ විදියට පිළියෙළ කර දරුවාට ආහාරයට දෙන්න. හැමදාම එකම විදිහට සකස් කරනවා වෙනුවට විවිධ හැඩයෙන් විවිධ රසයෙන් ආහාර පිළියෙල කරන්න. ඒ වෙනසට ඔවුන් කැමති වෙයි. 

දරුවාගේ වර්ධනයට  කැල්සියම් කියන්නේ අත්‍යවශ්‍යම පෝෂ්‍යපදාර්ථයක්. කැල්සියම් අවශ්‍යතාවය සැපිරීම සඳහා කුඩා කිරි වීදුරුවක්, චීස් පෙත්තක්, බ්‍රකෝලි, බණ්ඩක්කා වැනි ආහාර ලබාදෙන්න. ඒ වගේම දවසකට අවම වශයෙන් පලතුරු වර්ග දෙකක්වත් දරුවාට ලබා දෙන්න. 

ඒ වගේම කුඩා වයසේ ඉඳලම දරුවාට වතුර බොන්න පුරුදු කරන්න. ඒ වගේම පලතුරු යුෂ කියන්නත් දරුවන්ට අත්‍යවශ්‍ය පෝෂ්‍ය පදාර්ථ ලබාගන්න තියෙන හොඳ මූලාශ්‍රයක්. විශේෂයෙන් දොඩම් යුෂ දරුවන්ට ගුණදායකයි. දරුවන්ට ස්වාභාවික කිරි ලබාදිය යුත්තේ වයස අවුරුදු දෙක සම්පූර්ණ වීමෙන් පසුව. ඒ නිසා ඒ පිළිබඳවත් ඔබ සැලකිලිමත් වෙන්න. යම් හෙයකින් දරුවාගේ බර අඩු නම් කැලරි ප්‍රමාණය වැඩි ආහාර ලබාදෙන්න. කුඩා දරුවන්ට නම් අල ගෙඩියක් තම්බා එයට බටර් ස්වල්පයක් එක් කර ආහාරයට එක් කරන්න. 

කිසිම වෙලාවක දරුවාගේ කිසිම කෑම වේලක් අතපසු වෙන්න දෙන්න එපා. කායික හා මානසික යන අංශ දෙකෙහිම වර්ධනය කුඩා අවධියේ සිටම හොඳින් සිදුවිය යුතු නිසා සෑම පෝෂ්‍ය පදාර්තයක්ම සම්පූර්ණ වෙන විදියට දරුවාගේ ආහාර වේල සකස් කරන්නටත් ඒ ආහාර වේල තුළ වෙනස්කම් කරලා දරුවාට කෑමට දෙන්නත් කටයුතු කරන්න. එහෙම වුනොත් දරුවන්ට කෑම කවන එක ඒ තරම් අමාරු දෙයක් නෙවෙයි.

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,675
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,616
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,365
   53

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,392
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed