ඔයාගේ දරුවා තවත් දරුවෙක් එක්ක කවදාවත් සංසන්දනය කරන්න එපා

October 24, 2019
2,881
Never compare your child with others
කෙකෙකු අභිබවා තවෙකෙකු ඉස්සර කරන්න අපිට තියෙන්නේ පුදුම ආශාවක්. විශේෂයෙන්ම වැඩිහිටියන් අතින් මේ වෙන වැරැද්දට හැමදාම වගේ පීඩා විඳින්නේ පුංචි දරුවන්. දෙමාපියන්ගේ ආශාව, ලොකුම හීනය වෙන්නේ දරුවන්ගේ අනාගතය ලස්සන කරන එක තමයි. එහෙමයි කියලා දරුවන්ව තවත් කෙනෙකු මත යැපෙන්න පුරුදු කරන්න එපා. ඔයාගේ දරුවා තවත් දරුවෙක් එක්ක සංසන්දනය කරන්න එපා. ඔයාට අද අපි මේ කියන්න යන දේ ඔයත් සමහර විට කරනවා ඇති. එහෙමත් නැත්තම් අම්මලා තාත්තලා එහෙම කියනවා කරනවා ඔයාට දැකලත් ඇති.

අතේ ඇඟිලි පහම එක විදිහට නෑ කියලා ඔයා කොච්චර කිව්වත් වැඩක් නෑ. මොකද එහි තේරුම දැන දැනම ඔයා ඔයාගේ දරුවන්ට මේ වැරැද්ද කරනවා. විශේෂයෙන්ම ඔයාගේ පොඩ්ඩොන්ට. ඔයාගේ දරුවා තවත් දරුවෙක් එක්ක සංසන්දනය කරන වැරැද්ද කරන්න යන්න එපා. මොකද ඒක ඔයාගේ දරුවාගේ ජීවිතේට කරන ලොකුම වැරැද්ද බවට පත් වෙනවා. හැඩකාරි අපි ඔයාට එහෙම කියන්නේ ඇයිද කියලා දැන ගන්න ඔයා මේ ලිපිය කියවලම බලන්නකෝ.

ඔයාගේ දරුවා තුළ මානසික ආතතියක් ඇති විය හැකියි

ඔයා දරුවාගේ අඩුපාඩු වෙනත් දරුවන් ඉදිරියේ කියනවට දරුවෝ කැමති වෙන්නේ නෑ. පොඩි දරුවන්ට හරි වැරැද්ද වගේම ඔයා කියන්නේ මොකක්ද කියලා තර්ක විතර්ක කරලා තේරුම් ගන්න හැකියාවක් නෑ. අනික ඔයාගේ පොඩ්ඩාගේ හැකියාවන් අනිත් දරුවන්ට වඩා වෙනස්. හැම දරුවෙක්ට වෙන් වු හැකියාවන් දක්ෂතාවන් තියෙනවා. ඒවා එකිනෙක හඳුනා නොගෙන ඔයා කරන්නේ තවත් දරුවෙක්ගේ හොඳ ඔයාගේ දරුවා ඉදිරියේ කියලා ඔයාගේ දරුවා අපහසුතාවට පත් කරන එක නම් එයින් ඔයාගේ දරුවා පාඩමක් නෙමෙයි ඉගෙන ගන්නේ. නිරන්තරයෙන් ඔයා මේ වැරැද්ද කිරීමෙන් ඔයාගේ දරුවා ආතතියට පත් විය හැකියි.

දරුවා තුළ පරාජිත සිතුවිලි ඇති විය හැකියි

ඔයාගේ දරුවා තුළ තියෙන හැකියාවන් හඳුනා නොගැනීම දරුවාගේ වැරැද්ද නෙමෙයි. ඒ වැරැද්ද ඔයාගේ . මොකද වෙන දරුවෙක්ගේ හැකියාවන් ඔයා කොච්චර අගය කළත් වැඩක් වෙන්නේ නෑ. ඔයා වෙන දරුවන්ගේ හැකියාවන් අගය කරාට කමක් නෑ. ඒත් ඔයාගේ දරුවා අපහසුතාවට පත් වෙන විදිහට ඒ අගය කිරීම කරන්න එපා. එතකොට ඔයාගේ දරුවා තුළ ඇති වෙන්නේ පරාජිත හැඟීමක්. ඔවුන් නිතරම හිතනවා තමන් අසාර්ථකයි කියලා. නිරන්තරයෙන් ඔයා කළ යුත්තේ ඔයාගේ දරුවාගේ පොඩි හැකියාව වුණත් උදාසීන වෙන විදිහේ දෙයක් නෙමෙයි දරුවා දිරිමත් වෙන දෙයක්.

දරුවා සමාජයට සමග ගණදෙනු කිරීමට ලැජ්ජා වීම

ඔයාගේ දරුවා ඇත්තටම පිරිසක් ඉදිරියේ අපහසුතාවට පත් වීමෙන් සමාජය සමග ගණදෙනු කිරීමට බියක් ලැජ්ජාවක් ඇති විය හැකියි. මේ වැරැද්ද කරන්නේ ඔයා විසින්මයි. ඔයා දරුවාගේ පරාජයන්, නොහැකියාවන් ප්‍රසිද්ධියේ කියන විට දරුවෝ කැමති නෑ එවැනි සමාජයක යළි ගණදෙනු කරන්න. ඒ විතරක් නෙමෙයි යාළුවෝ වුණත් එතකොට ඔයාගේ දරුවා දිහා බලන්නේ වෙනත්ම කෝනයකින්. ඒය දරුවාගේ පෞර්ෂත්වයට බාධාවක්.

දරුවාගේ කුසලතා, හැකියාවන් ප්‍රගුණ නොවීම

ඕනෑම දරුවෙක්ට සහජයෙන් හිමි වු හැකියාවන් කුසලතාවන් තියෙනවා. මේ හැකියාවන් ඔයා නිසි ලෙස හඳුනා ගත්තොත් ඔයාගේ දරුවාව තවත් පිරිසක් ඉදිර්යේ කවදාවත් අසරණ කරන්න අවශ්‍ය වෙන්නේ නෑ. ඔයා දරුවා නිරන්තරයෙන් අධෛර්යමත් කළොත් සිදු වෙන්නේ දරුවා තුළ තියෙන හැකියාවත් යටපත් වීමයි. ඒ විතරක් නෙමෙයි දරුවෝ නිරන්තරයෙන් පසුබට වෙනවා තමන්ගේ හැකියාවන් කුසලතා ප්‍රදර්ශනය කරන්න.

අනෙක් දරුවන් සමග වෛරයක් ඇති විය හැකියි.

ඔයා නිතරම කියන්නේ වෙනත් දරුවන්ගේ දේවල් නම් එයින් ඔයාගේ පොඩ්ඩට අනෙකුත් යහලූ හිතමිත්‍රයින් කෙරෙහි වෛරයක් ඇති වෙනවා. ඒක ඔයාගේ දරුවන්ගේ ජීවිතයට යහපත් දෙයක් නෙමෙයි. අනිත් දරුවා නිතරම තමන්ට වඩා හොඳයි කියලා ඔයා ඔයාගේ දරුවට වැරදි කියනකොට ඔයාගේ දරුවා අනිත් දරුවන්ට වෛර කරනවා. ක්‍රෝධ කරනවා.

පුංචි දරුවන් එක්ක අපි ගණදෙනු කරන්න ඕනි හරි පරිස්සමට. මොකද පුංචි පසු තැවීමක් දරුවන්ගේ මු ජීවිතයටම කරන බලපෑමක් විය හැකියි. ඒ නිසා කිසිම අවස්ථාවක තවත් පිරිසක් ඉදිරියේ එහෙමත් නැත්තම් තවත් දරුවන් පිරිසක් ඉදිරියේ ඔයාගේ දරුවාගේ අසාර්ථක බව හෝ නොහැකියාවන් ගැන කතා කරන්න එපා. හැම වේලාවෙම උත්සාහ කරන්න දරුවාව උනන්දු කරලා අඩුපාඩු පෙන්නලා දීලා දරුවාගේ හැකියාවන් ඔප්නන්වන්න. එහහෙම නොවුණොත් ඔයාට අවසානයට ඉතිරි වන්නේ පසුතැවීමක් විතරයි.

Related Articles

Featured Articles

Trending Articles

අපේ ජනප්‍රියම ලිපි

Things to keep in mind when you wear white dresses
   37,181
   825

සුදු ගවුමක් මිලදී ගන්නා විට සහ අඳින විට සිතේ තබා ගත යුතු කරුණු

සුදු පාට ගවුමක් අඳිනවා නම් ලස්සනට පේන්න ඔයා උපක්‍රමශීලී වෙන්නේ ඕනේ. මෙන්න මේ ටිප්ස් ටික දැනගෙන හිටියොත් ඔයාට කැපිලා පේන් විදිහට සුදු ඩ්‍රෙස් එකක් අඳින්න පුලුවන්
Care your hair like this
   386
   234

හිසකෙස් ආරක්ෂා කරගැනීමට මේ අයුරින් විමසිලිමත් වෙන්​න

නිරෝගී, දිදුලන, දිගු කෙස් කළඹක් ලබා ගැනීම සඳහා මේ උපදෙස් පිළිපදින්න
How to get the photo look
   16,448
   178

ආකර්ෂණීය ෆොටෝ ලුක් එක ගන්නෙ මෙන්න මෙහෙමයි

මේ ටිප්ස් ටික කියෙව්වොත් ඔබ ෆොටෝ එකකට පෝස් කරන්න කලින් සූදානම් වෙන්න ඕනේ කොහොමද කියලා අවබෝධයක් ගන්න පුළුවන් වෙයි
Important facts for a mom to be
   3,278
   166

මේක දරු සුරතල් බලන්න ඉන්න හැම ගැහැනියකටම වැදගත් කතාවක්

උපදින දරුවා නිරෝගී දරුවෙක් වුනේ නැත්තන් එක දරුවටත් දෙමව්පියන්ටත් මොන තරම් වේදනාවක්ද කියන එකත් අමුතුවෙන් කියන්න ඕන නැහැ. ඒ නිසයි දරුවා මව් කුස තුල වැඩෙන අවදියේදී වගේම දරුවෙකු පිලිසිඳගැනීමට පෙර සිටම කාන්තාවන් මේවා ගැන වැඩි සැළකිල්ලක් දැක්විය යුත්තේ
How to have a beautiful skin with green gram
   23,086
   129

මුං ඇට වලින් පද්මාවතී වගේ දිස්නේ ගහන රූප ස්වභාවක් ලබා ගන්න

හැමදාම වගේ ඔයාගෙ රූපය ගැන සැළකිලිමත් වෙන අපි, ඔයාට පද්මාවතී වගේ දිස්නේ ගහන රූප ස්වභාවක් මුංඇට වලින් ලබාගන්නේ කොහොමද කියලා කියන්නයි යන්නේ

Latest Articles

Most Viwed