AC ඔයාගේ සමට හිතකරද?

July 16, 2018
9,074
Is AC good for your skin?
අපේ රට වියළි කලාපයේ රටක්. දේශගුණය වගේම කාලගුණයත් එතරම් සෞම්‍යය තත්ත්වයකින් යුක්ත වටපිටාවක් අපේ රටේ නෑ. ඌෂ්ණාධික බව එක්ක අද ගොඩක් දෙනෙක් විවිධ අපහසුතාවන්ට පත් වෙනවා ඉතාමත් වැඩියි. අධික උෂ්ණත්වය එක්ක ඔෆිස් එකක වැඩකටයුතු වගේම කිසිම රාජකාරි කටයුත්තක් කරන එක නම් ලේසි වෙන්නේ නෑ. ඒ නිසා අද ආයතනවල වගේම බොහෝ දෙනෙක් නිවෙස්වල AC මැෂින් සවි කරනවා. අද AC කාර්යාලයට වගේම නිවසටත් නැතුවම බැරි උපකරණයක්. AC එකකින් ඔයාගේ ශරීරයට දහඩිය දැමීම හෝ ශරීරයට උණුසුම් බවක් නොදැණුනත් AC ඔයාගේ සමට වගේම හිසකෙස්වලට නම් හිතකර වෙන්නේ නෑ. අද මේ ගැන www.hadakari.lk වෙතින් ඔබව දැනුවත් කරන්න අපි තීරණය කළා.

AC  සමේ උෂ්ණත්වයට අහිතකරයි

සමේ උෂ්ණත්වයට වායු සමීකරණය හිතකර වෙන්නේ නෑ. සමේ උෂ්ණත්වය වෙනස් වෙන්න වායු සමීකරණය ප්‍රබලව බලපානවා. ශීත කාලගුණය, වායු සමීකරණ මගින් ඔබේ සමේ උෂ්ණත්වය වෙනස් කරනවා. සමාන්‍යයෙන් අපේ සමේ ඇති තෙතමනයට උෂ්ණත්වය පාලනය කර ගැනීමේ හැකියාවක් තිබෙනවා. සම මතුපිට ඇති ජලය වාෂ්ප වෙන්නේ ඉතාමත් හෙමින්. ඊට අමතරව අපේ සම වියලීමට ලක් වීමේදී සම මගින් දහඩිය පිට කිරීම නිසා සමේ තෙතමනය ආරක්ෂා වෙනවා. ඒත් වායු සමීකරණය තුළ මේ ක්‍රියාවලිය සිදු වෙන්නේ නෑ. මොකද වායු සමීකරණයක් තුළ ඔබ සිටින විට ඔබේ ශරීර උෂ්ණත්වය තියෙන්නේ සෙල්සියස් අංශක 21 - 26 අතර පමණ. එම අගයේදී ඔබේ ශරීරයට දහඩිය දැමීමක් සිදු වෙන්නේ නෑ. වායු සමීකරණය තුළ සිටින විට ඔබේ සම මගින් උත්පාදනය කරන තෙල් ගතිය අඩු වීම නිසා සම ඉක්මනින් විජලනයට සහ හානී වීම් වලට ලක් වෙනවා. AC එකක් ඇතුළේ ඉන්න එක ශරීරයට හරිම සනීප වුණාට ඔයාගේ සමට හිතකර නොවන බව දැන් ඔබට වැටහෙනවා ඇති. අපේ රටේ තියෙන කාලගුණය හා දේශගුණය නිසා AC එකක් නැතුව වැඩ කරන්න අසීරුයි. මේ තුළින් ඔයාගේ සමට වෙන අහිතකර බලපෑම අවම කර ගන්න සිදුකළ හැකි ප්‍රතිකර්මය වෙන්නේ AC එකක ඉන්නවා නම් වතුර බොන්න අමතක කරන්න එපා. වතුර පානය කිරීම තුළින් ඔයාගේ සම විජලනය වීම අවම කර ගන්න පුළුවන්.

AC නිසා ඇති විය හැකි රෝගී තත්ත්වයන්

ඔයා වායු සමිකරණය කරන ලද පරිසරයක නිතර කටයුතු කිරීමෙන් ඔයාගේ ජල මට්ටම අඩු වෙනවා. ඒ කියන්නේ ඔයාගේ සම විජලනයට පත් වෙන්න පුළුවන් ඉක්මනින්. එවිට සම රැලි වැටීම වේගවත්ව සිදු විය හැකියි. එමගින් ඔබේ සම ඉරි තැලීම් නිසා විෂබීජ ආසාදන තත්ත්වයන් වැඩියෙන් ඇති වෙන්න පුළුවන්. ගොඩක් වේලාවට මේ අසාදනය වන විෂබීජ ඇති වෙන්නේ පිරිසිදු නොකරන ලද වායු සමීකරණ ෆිල්ටර් නිසා වෙන්නත් පුළුවන්.

මේ පිළිබදවත් ඔබේ අවධානය යොමු කරන්න

වෙන් වෙන් වශයෙන් වායු සමීකරණ යන්ත්‍ර සවි නොකර අවම වශයෙන් කාමර 03 කට වත් සෑහෙන පරිදි වායු සමීකරණ සවි කිරීම වැදගත්.

වායු සමීකරණ යන්ත්‍ර පිරසිදු කරන්න.

වායු සමීකරණ ෆිල්ටරය පිරිසිදු කරනන. එමගින් වායු සමීකරණය නිසා ඇති වන විෂබීජ ආසාදනවලින් ආරක්ෂා වෙන්න පුළුවන්.

දිනපතා වායු සමීකරණය තුළ සිටිනවා නම් සමේ තෙතමනය ආරක්ෂා කරන ආලේපනයක් භාවිත කරන්න.

ඉදහට හෝ වායු සමීකරණ යන්ත්‍ර ක්‍රියා විරහිත කරන්න.

වායු සමීකරණය තුළ වැඩි වේලාවක් රැදී සිටිනවා නම් මෘදු සබන් වර්ගයක් ස්නානයේදී භාවිත කරන්න.

Related Articles

Featured Articles

Trending Articles

අපේ ජනප්‍රියම ලිපි

How to get vitamin E for healthy skin and hair
   33,151
   80

විටමින් E මගින් ඔබගේ සම සහ හිසකෙස් සදහා ලබාදෙන පෝෂණය සහ පහසුවෙන් විටමින් E ලබා ගත හැකි ප්‍රභව

ඔබ දන්නවාද ඔබගේ ආහාර වේලේ අඩංගු වෙන විටමින් E සම, හිසකෙස් සහ මාංශ පේශී නීරෝගිව පවත්වාගැනිමට ඉතා වැදගත් බව
Foods to you should never give your kids
   38,585
   73

ඔබේ දරුවාට කිසිදා ලබාදීමට නුසුදුසු ආහාර වර්ග

වර්තමානයේ වෙළඳපොලේ ඇති ආහාර වර්ග අතර දරුවන්ට අහිතකර ආහාර වර්ගද රාශියක් තිබෙන නිසා දරුවන්ට ලබාදීමට නුසුදුසු ආහාර පිළිබඳව ඔබ දැනුවත් විම ඉතාමත් වැදගත් වනවා..
Try this to increase productivity
   5,125
   62

මොකක්ද කරන්නෙ කියල හිතාගන්න බැරි තරම් වැඩ ගොඩගැහිලද? මේ Time-block ක්‍රමය උත්සහ කරලා බලන්න

අපි හැමදාම කතා කරන කාල කලමණාකරනයට වැඩිය ප්‍රායෝගික ක්‍රමයක් තමයි කාලය කොටු කරන එක නැතිනම් කාලය බ්ලොක් කරන එක. මේ ක්‍රමය අත්හදා බලන්න.. ලොකු වෙනසක් දැනේවි..
How you should clean your cell phone every day
   4,448
   61

ඔබගේ ජංගම දුරකතනය සෑම දිනකම පිරිසිදු කල යුතු ආකාරය

ඔබ සතුව කුමන ආකාරයේ දුරකථනයක් තිබේද යන්න මත පදනම්ව ඔබට ජංගම දුරකතනය පිරිසිදු කළ හැකි ආකාර කිහිපයක් මෙන්න..

Latest Articles

Most Viwed