තරබාරුව මට්ටු කරමු..

November 19, 2019
10,928
Lets control obesity
සිසිවන උවන ඉඟ සුග ගත හැකි මිටින
නිසි පුලුලුකුල රියසකයුරු තිසර තන

අද අප කතා කරන ශරීර ස්කන්ධ දර්ශකය ගැන එදා කතා වුනේ මේ විදිහටයි. එදා පටන් අද දක්වාම කාන්තාවකගේ ලස්සන ගැන කතා වුනේ සිහින් සිරුරක් මුල් කර ගෙනයි. ඉතින් අදටත් හැඩකාරියකගේ හැඩ රැකගන්න නම් අපේ ශරීරයේ තරබාරුව මට්ටු කර ගැනීම ඉතාම වැදගත්. ඉතින් ඒ වෙනුවෙන් අනුගමනය කළ හැකි හෙවත් හැඩකාරියන් විසින්ම ස්වයංපාලනයක් පනවා ගත හැකි පුංචි ඉඟි කීපයක් මේ...

ආහාර පිසීමේදී කුළුබඩු එකතු කරන්න...

අද හැඩකාරියන්ගේ ආහාර පිලියෙල කිරීම බොහොම ඉන්ස්ටන්ට්. ඒ හින්දා රසකාරක, වර්ණ කාරක ටිකක් එකතු කරල බොහොම සරලව සෝස් අතිරේකයක් සමග ආහාර ගැනීමේ කලාවක් තිබුනත් එයින් ටිකක් ඈත් වීම වැදගත්. ඔබ නොදැන සිටියත් මයෝනිස් වලින් ආහාරයට කැලරි 108 ක්ද, සෝස් හැන්දකින් කැලරි 20 ක්ද එකතු වෙනවා. ඒ නිසා ආහාර පිසින විට හැකි තරම් කුලුබඩු එකතු වුනොත් ඒවායේ ස්වභාවයෙන්ම අන්තර්ගත රසායන සංයෝගයන් මගින් අපේ සිරුරේ මේද ගබඩා වීම වලක්වන නිසා තරබාරුවට බොහොම හොද විසදුමක් ලැබේවි.

ආහාර පිසින භාජනත් වැදගත්...

අපි ආහාර පිසින විට භාවිතා කරන භාජනයත් ඉතාම වැදගත්. විශේෂයෙන් නොන්ස්ටික් භාජනයක තෙම්පරාදු කරන විට ඒවා වැඩියෙන් ආහාරයට එකතු වීමක් සිදු වෙන්නේ නැහැ. ඒ නිසා ඉතාම අඩු තෙල් ස්වල්පයකින් තෙම්පරාදු කර ගැනීමට පුලුවන්. ඉතින් නොන්ස්ටික් භාජනවලින් ආහාර සකස් කර ගැනීමත් පහසුයි. පිරිසිදු කර ගැනීමත් සරලයි.

වැඩි වේලාවක් හපන්න...

අපේ හැඩකාරියෝ කියන මේ කතාව ඔබ අහලා ඇති. අනේ..කෑවා නොවෙයි, ගිල්ලා..වෙන දෙයක් තබා හපන්නවත් වෙලාවක් නැහැ. ඔහොම කිව්වත් ඔබ මේ ටික අමතක කරන්න එපා. ඔබ ආහාරයක් හතළිස් වතාවක් හැපුවොත් ඒ ආහාරයම පහළොස් වතාවක් හපනවාට වඩා අඩු කැලරි ශක්තියක් එකතු වෙන බව ඇමරිකා එක්සත් ජනපදයේ ආහාර හා පෝෂණය පිළිබඳ චිකිත්සාගාරය සදහන් කරනවා.

පළතුරු යුෂ හා එළවලු වැඩිපුර ආහාරයට

තරබාරුව මට්ටු කර ගන්න කැමැති හැඩකාරියන්ට මේ ආරංචිය ඉතාම සුබයි. හැබැයි දැන් ට්‍රෙන්ඩ් එකට නම් එලවළු පළතුරු මේ අයගේ ලිස්ට් එකෙන් බොහොම ඈතයි. කෙටි කැම, බයිට් වර්ග, ලුණු සහ වෙනත් රසකාරක සහිත ආහාරවලට වඩා හැකි තරම් එලවළු හා පළතුරු ආහාරයට ගන්න. එයින් ඔබේ සිරුරට අනවශ්‍ය විදිහට මේද ගබඩා වීමක් නැහැ. ඒ නිසාම කොලස්ටරෝල් වගේ අතුරු ආබාධයන්ගෙනුත් නිදහස් වෙන්න පුලුවනි.

නින්ද

දැන් බොහෝ හැඩකාරියන් නයිට් ඩේටා වලින් ප්‍රෙයෝජන ගැනීමට වෙර දරන නිසාම රාත්‍රිය අවදිව සිටින කලාවක් නොදැනීම ඇති වෙලා. සුවදායක නින්දක් ජීවිතයේ නිරෝගී පැවැත්මට ඉතාම අවශ්‍ය වෙනවා. කොලම්බියා විශ්ව විද්‍යාලය මගින් සිදු කරන ලද පර්යේෂණයක පෙන්වා දෙන්නේ නින්ද මගින් කැලරි ශක්තිය 300 ක් දහනය වෙන බවයි. ඉතින් හැඩකාරියන් නයිට් ඩේටාවලට වඩා නින්දට තැනක් ලබා දුන්නොත් ජීවිතයේ නිරෝගිතාවය ආරක්ෂා කර ගැනීම විතරක් නොවෙයි, හැඩකාර සිරුරක් වෙනුවෙනුත් අයිතිය ලැබේවි.

සිහියෙන් ආහාර ගන්න

අපි ආහාර ගනිද්දී වෙනත් කාර්යක යෙදෙමින් ආහාර ගැනීමට යොමු වීම ගැන හිතන්නේ කාලය ඉතිරි කර ගැනීමේ මාර්ගයක් විදිහටයි. ඒත් ඔබ වැරදියි. සිහියෙන් ආහාර ගනිද්දී ඒ වෙනුවෙන් අවධානය යොමු වෙන නිසා අනවශ්‍ය විදිහට ආහාර ගැනීමක් සිදු වෙන්නේ නැහැ. නමුත් වෙනත් වැඩක නිරත වෙමින් ආහාර ගනිද්දී සීමාවක් නැතුව කෑමට යොමු වීම නිසා ආහාර පංගුව වැඩි වෙන්න පුලුවන්. ඒ නිසා නිතරම ආහාරපාන ගැනීමේදී සිහියෙන් යුතුව ඒ වෙනුවෙන් යොමු වීම ඉතාම වැදගත්.

එන්.ඒ.පි.සි

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,675
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,616
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,365
   53

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,392
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed