සමේ ඇති වන ආසාත්මිකතා සඳහා සාර්ථක නිවෙස් පිළියම් කිහිපයක් මෙන්න

August 5, 2020
1,004
Home remedies for skin allergies
ආසාත්මිකතාවයක් කියලා හඳුන්වනවට වඩා ඇලජික් එකක් කිව්වම තමයි මේ ගැන ගොඩක් දෙනෙක් දන්නේ. සමේ අසාත්මිකතාවයක් කියන්නේ ඔයාගේ සමට ආගන්තුක ද්‍රව්‍යයක්‌ ස්පර්ශ වෙනකොට ප්‍රතිශක්‌තිකරණ පද්ධතිය ඊට එරෙහිව ක්‍රියාත්මක වීමට ප්‍රතිදේහ නිපදවනවා. බොහෝ වෙලාවට සමේ රතු පැහැති ලප ඇතිවීම, කැසීම, ඇස්‌ රතුවීම, කඳුළු ගැලීම, ඇස්‌ කැසීම වගේ ලක්‌ෂණ දක්නට ලැබෙන්නේ එතකොටයි.

ඔයා යමක් ස්පර්ශ කිරීමෙන් හෝ ආහාරයට ගැනීමෙන් පස්සේ සමේ දැවිල්ල හෝ කැක්කුමක් ඇති වෙනවා නම් ඒකෙන් අසාත්මිකතා ඇති වීමට ඉඩ තියෙනවා. සමේ ආසාත්මිකතාවන්ට එරෙහිව සටන් කිරීමට සහ කැසීම සමනය කිරීමට උපකාරී වන ස්වාභාවික විකල්ප ප්‍රතිකාර කිහිපයක් මෙම ලිපියෙන් අපි කියලා දෙන්නම්. 
 
හරි... දැන් බලමු ඔයාට ගෙදරදී මේකට මොනවද කරන්න පුළුවන් කියලා.

1. කෝමාරිකා
කෝමාරිකා ජෙල්  වලට ආසාත්මිකතා සුව කරන්න පුළුවන්. ඒවායින් ආසාත්මිකතාවය ඇති වූණු ප්‍රදේශය වේගයෙන් සුවපත් කරනවා විතරක් නෙමෙයි, ඉදිමුම සහ දැවිල්ල සමනය කරන අතර කැසීම සහ රතු පැහැය ද අඩු කරයි.

ඔයා කළ යුතු දේ

01. කෝමාරිකා කොළ වල තියන ජෙල් කොටස හොඳින් සෝදා අරගන්න. නැත්නම් කෝමාරිකා ජෙල් එකක් මිලදී ගන්න.
02. ගැටළුව සහිත ප්‍රදේශවල ආලේප කරලා විනාඩි 30 කට පසුව සෝදා හරින්න. මෙම සත්කාරය මගින් සාර්ථක ප්‍රථිපල ලබා ගන්න නම් ඒක දිනකට 3 වතාවක්ආලේප කරන්න.

2. බේකිං සෝඩා
බේකිං සෝඩා වලින් සමේ pH අගය අසමතුලිත වූ විට එනම් alkaline බලපෑමට ලක් වූණු ප්‍රදේශයේ pH අගය යථා තත්වයට පත් කිරීමට උපකාරී වන අතර කැසීම් සහ කුෂ්ඨ සුවපත් කරනවා. එය ආසාත්මිකතා වලට එරෙහිව සටන් කරලා ඔයාගේ සම ඉක්මණින් සුව  කරයි.

ඔයාට අවශ්‍ය වන්නේ 

බේකිං සෝඩා තේ හැඳි 1
ජලය අවශ්‍ය තරමට 

ඔයා කළ යුතු දේ
ඝන පේස්ට් එකක් සෑදීම සඳහා බේකිං සෝඩා තේ හැන්දකට වතුර බින්දු කිහිපයක් මිශ්‍ර කරන්න. පසුව ආසාත්මිකතාවය ඇති වූ තැනේ මෙම පේස්ට් එක ආලේප කරන්න.
මිනිත්තු 10 ක් පමණ තියලා සෝදා හරින්න.
ඉක්මන් ප්‍රතිඵලයක් ලබා ගැනීම සඳහා දිනකට කිහිප වතාවක් කරන්න.

3. පොල්තෙල්
පොල්තෙල් වල මොයිස්චරයිසින් ගුණ තියනවා. සමේ අසාත්මිකතාවන් නිසා ඇතිවන රතු පැහැයන් සහ කැසීම් අඩු කිරීමට ඒක උපකාරී වෙනවා.

ඔයා කළ යුතු දේ
100% ක් පිරිසිදු පොල්තෙල් ටිකක් අත්ලට අරන් අත්ල දෙක උණුසුම් වන තෙක් එකට අතුල්ලන්න.
බලපෑමට ලක් වූණු ප්‍රදේශයේ මේ තෙල් ආලේප කරලා හෙමීට මසාජ් කරන්න.
පසුව විනාඩි 20 හෝ 30ක් පමණ තබා සෝදා තුවායකින් තෙතමාත්තු කරන්න.
මෙම සත්කාරය දිනකට 3-4 වතාවක් දින කීපයක් කරන්න.
** පොල්තෙල් හැම වර්ගයේ සමකට ම සුදුසු නැති නිසා ආසාදනය නැති තැනක පොඩ්ඩක් ගාලා ටෙස්ට් කරලා බලලා පාවිච්චියට ගන්න.

04. පේර කොළ
පේර කොළ වලින් ඉදිමුම සහ දැවිල්ල සමනය කරන ගුණ සහිත එතනොලික් සාරය අඩංගු වෙනවා. මෙමඟින් සමේ අසාත්මිකතාවන් නිසා ඇතිවන කැසීම් සහ රතු පළු අවම කර ගැනීමේ හැකියාව තිබෙනවා.

ඔයා කළ යුතු දේ
පේර කොළ ටික අඹරා ගන්න.
ඊට පස්සේ බලපෑමට ලක් වූණු සම මතට පේස්ට් එක ආලේප කරන්න.
මෙම සත්කාරය දිනකට 2 වතාවක් කිරීමෙන් සාර්ථක ප්‍රතිඵල ලබා ගන්න පුළුවන්.

05. ඉඟුරු
ඉඟුරු වල ද ඉදිමුම සහ දැවිල්ල සමනය කරන ගුණ තියනවා. ඒ නිසා සමේ ආසාත්මිකතාවයකට ප්‍රතිකාර කිරීමට සහ ඒ හා සම්බන්ධ දැවිලි සහ කැසීම් සමනය කරන්නට ඉඟුරු හොඳ ප්‍රතිකර්මයක්.

ඔයාට අවශ්‍ය වන්නේ,
ඉඟුරු පෙත්තක්
වතුර කෝප්පයක්
කපු පුළුන් 

ඔයා කළ යුතු දේ
පොඩි භාජනයක් තුළට වතුර කෝප්පයක් සහ ඉඟුරු පෙත්තක් එක් කරලා විනාඩි 5 ක් පමණ රත් කරගන්න.
පසුව සිසිල් වීමට ඉඩ දෙන්න.
මෙම ඉඟුරු මිශ්‍රණයෙන් කපු පුළුං කැබැල්ලක් පොඟවලා අසාත්මිකතා ඇති ප්‍රදේශවලට ආලේප කරන්න.
මිනිත්තු 30 ත් 40 ත් අතර කාලයක් තියෙන්න ඇරලා සෝදා හරින්න.

Related Articles

Featured Articles

Trending Articles

අපේ ජනප්‍රියම ලිපි

Do not do these if you want to look rich
   62,821
   196

ඔබටත් පොහොසත් පෙනුමක් අවශ්‍ය නම් මේ වැරදි කරන්න එපා

ආකර්ෂණිය ධනවත් පෙනුමක් ලබා ගැනීමට අපි එතරම් සැලකිල්ලක් නොදක්වන මේ වැරදි ටික හදා ගත්තොත් ඔබට කා අතරත් කැපී පෙනෙන්න පුලුවන්
Do not save your marriage if he is like this
   877
   97

ඔහු ළඟත් මේ ලක්ෂණ තියෙනවා නම් විවාහය රැකගන්න හදන්න එපා

බොහෝ බිරින්ඳෑවරුන් තමන්ගේ ස්වාමිපුරුෂයාගේ වැරදි හැසිරීම තමන්ගේ පිටම පටවා ගෙන ඔහුව සාධාරණීකරණය කිරීමේ වරද සිදු කරනවා. ඔයාත් එහෙම බිරිඳක් නම් ඔයාගේ විවාහය රැකගන්න ඕනේ කියලා මේ වැරදි නම් ගණන් නොගෙන ඉන්න එපා
Are we emotionally available mothers?
   384
   87

අපි ඇත්තටම දරුවන් සමඟ හදවතින්ම බැඳුනු මවුවරුන්ද?

දරුවන්ගේ අනාගතය ලස්සන කරන්න හිතාගෙන මව්වරුන් බොහෝ දෙනෙක් විශාල වගකීම රාශියක හිර වෙලා. මේ මොන දේ කරත්, අපි අපේ දරුවන් එක්ක හදවතින් බැඳිලද ඉන්නේ කියන ප්‍රශ්නය අපෙන්ම අසන්න මේ ලිපිය ඔබට උපකාරී වේවි..
Advice to keep your home beautiful
   835
   83

සිත නිවන ලෙස ඔයාගේ නිවස අලංකාර කර ගැනීමට උපදෙස්

ඔයාගේ නිවස ආකර්ශනීය කිරීමට අවශ්‍යද? ඔයාගේ නිවස තුළ විශ්මයජනක පෙනුමක් ඇති කරන්න උපදෙස් කිහිපයක් මෙන්න. මෙම සරල ටිප්ස් භාවිතා කරලා ඔයාගේ නිවසට සිත් ඇදගන්නා සුළු පෙනුමක් ඇති කර ගන්න පුලුවන්
Reduce reasons for body odour
   3,881
   64

අධික ලෙස දහඩිය දුගද දැනෙනවා නම්, විසදුම් හොයන්නේ මෙහෙමයි

තවත් කෙනෙක් තුළ අප්‍රසන්න බවක් ඇති වෙන්න කලින් දහඩිය දුගදට විසදුම් හොයන්න

Latest Articles

Most Viwed