ඔබේ ආදරය වැඩිපුරම අවශ්‍ය වෙන්නේ ඔබ නොහිතන මේ කෙනාටයි

April 24, 2017
11,862
7 tips on how to love yourself even more
ඔබේ කාර්යබහුල ජිවිතයෙන් පොඩිම පොඩි වෙලාවක් අරගෙන ඇත්තටම පොඩ්ඩක් හිතලා බලන්න ඔබේ ජිවිතයේ ඔබ වැඩිපුරම ආදරය කළයුතු පුද්ගලයා කවුද කියලා. ඔබට එක එක අයව මතක් වේවී, ඔබේ ජිවිතයේ ඔවුන්ට වෙන්වෙලා තියන ඉඩකඩ ප්‍රමාණය අනූව. නමුත් ඔබ මේ හිතන කවුරුවත් නෙවෙයි ඔබ ඔබේ ජීවිතයේදී වැඩිපුරම ආදරය කළ යුතු පුද්ගලයා. ඔබ ඔබේ ජිවිතයේ වැඩිපුරම ආදරය කල යුත්තේ ඔබටමයි. මොකද ඔබ ඔබට ආදරය නොකරන තාක්කල් ඔබට බැහැ අනෙක් අයටත් ආදරය කරන්න.

නමුත් බොහෝ දෙනෙක්ට අමතක වෙනවා ඔවුන් ඔවුන්ටම ආදරය කල යුතු බව. ඔවුන් කරන්නේ මුළු ජිවිත කාලයම අනෙක් අයට ආදරය කරන්න කැප කරන එක. නමුත් ඔබ අනිවාර්යෙන්ම ඔබට ආදරය කල යුතුයි. එවිට ඔබට පුළුවන් අනෙක් අය වෙනුවෙන් ඔබේ ආදරය නොඅඩුවම ලබාදෙන්න. ඒ වෙනුවෙන් ඔබට කරන්න තියෙන්නේ බොහොම පුංචි දේවල් ටිකක් විතරයි.

1. ඔබ අතින් සිදුවුන අතපසුවීම් අමතක කරන්න

වැරදි අතපසුවීම් ඕනෙම කෙනෙක් අතින් වෙන්න පුළුවන්. මේ නිසා ඔබ අතින් සිදුවෙන දේවල් පිළිබදව තව දුරටත් සිතමින් කාලය ගත කරන එක නතර කරන්න. ඔබේ අතින් වැරද්දක් සිදුවුණා නම් නැවත එය සිදු නොවෙන තැනට කටයුතු කරන්න. එහෙම නැතුව උන දේවල් වලට ඔබටම දොස් පවර ගනිමින් මානසිකව වේදනා විදින එක නතර කරන්න. ඔබේ වැරදි හදාගෙන ඔබ ඔබට ආදරය කරන්න පටන් ගන්න.

2. හැම දෙයකටම හැම කෙනෙක්ගෙන්ම අවසර ගන්න එක නතර කරන්න

ඔබට ඔබේ සතුට වෙනුවෙන් යමක් කරන්න කිසිම කෙනෙක්ගෙන් අවසර ගන්න අවශ්‍යතාවයක් නැහැ. මේ නිසා ඔබේ සතුට වෙනුවෙන් ඔබට කරන්න හිතෙන හැම දෙයක්ම කරන්න.

3. ඔබ ඔබටම ස්තූතිවන්ත වෙන්න

ඔබට ලැබිලා තියෙන පෙනුමට හැකියාවන්ට ඔබ හැම අවස්ථාවකම ස්තූතිවන්ත වෙන්න. කිසිම අවස්ථාවක ඔබට නොලැබුණ දේවල් ගැන හිතල දුක් වෙන්න එපා. ඔබට ලැබිලා තියන දේවල් වලින් කරන්න පුළුවන් උපරිම දේ කරන්න. නිතරම ඔබ ඔබ ගැන නිහතමානී ලෙස ආඩම්බර වෙන්න.

4. ඔබේ ජීවන රටාව වෙනුවෙන් කාලය වෙන් කරන්න

හැම කෙනෙක්ටම වෙන් උන ජීවන රටාවක් තියනවා. ඒ නිසා ඔබ ඔබේ ජීවන රටාව වෙනුවෙන් කාලය වෙන් කරන්න. ඒවිට ඔබට පුළුවන් ඔබවම හදුනාගෙන ඔබට ආදරය කරන්න.

5. ඔබේ හැගීම් මතවාදයන් ප්‍රකාශ කරන්න බිය වෙන්න එපා

ඔබට සැබවින්ම අයිතියක් තියෙනවා ඔබේ හැගීම් වගේම මතවාදයන් ප්‍රකාශ කරන්න. මේ නිසා ඔබ නොබියව ඒ දේවල් ප්‍රකාශ කරන්න. එවිට ඔබට සැහැල්ලුවෙන් සතුටින් සිටිය හැකියි.

6. ජීවිතය ඕනෑවට වඩා සංකීර්ණ දෙයක් ලෙස සිතන්න එපා

ඔබ ජීවිතය සංකීර්ණ දෙයක් ලෙස සිතුවොත් කිසිම අවස්ථාවක ඔබ ජීවිතය වෙනුවෙන් තීරණ ගන්නත් අවධානමක් දරන්නත් සුදානම් වෙන්නෙත් නැහැ. මේ නිසා ජිවිතයේ එන අභියෝග වලට සතුටින් සාර්ථකව මුහුණ දෙන්න. ජීවිතය දෙස සරලව වගේම සැහැල්ලුවෙන් බලන්න.

7. මිතුරන් තෝරා ගැනීමේදී බුද්ධිමත් වෙන්න

ඔබේ මිතුරන් කියන්නේ ඔබේ දුකේදී වගේම සතුටේදීත් ඔබ ළගින්ම ඉන්න අයයි. නමුත් සමහර පුද්ගලයන් ඉන්නවා ඔබේ සතුටේදී විතරක් ඔබ ලගින් ඉදලා ඔබ කරදරයට පත්වූ විට ඔබව අත්හැර දමන. මේ නිසා ඔබේ ජිවිතයට මිතුරන් තෝරා ගැනීමේදී කල්පනාකාරී වෙන්න.

Related Articles

Featured Articles

Trending Articles

අපේ ජනප්‍රියම ලිපි

how to get rid of mosquitoes and flies?
   746
   620

මැසි, මදුරු කරදරයෙන් මිදෙන්නේ කොහොමද?

මැසි මදුරු කරදරය තියෙනවා නම් මේ කියන විසඳුම්වලින් එකක් හෝ කිහිපයක් භාවිත කරලා මැසි මදුරු කරදරයට සමු දෙන්න දැන් පුළුවන්
Positive attention and your child
   2,478
   170

දරුවන්ට අසීමිතව ආදරය කරන දෙමාපියන්ට හොඳම පාඩමක්

අපි දරුවෝ වෙනුවෙන් කොච්චර මුදල් වියදම් කරලා දේවල් අරන් දුන්නත් මේ දේ තරම් ඒ කිසිම දෙයක් වටින්නේ නම් නැහැ. ඒ තමයි දරුවන් කෙරෙහි දක්වන ධනාත්මක අවධානය
Masala Fried Fish Recipe
   141
   104

මසාලා මාලු පෙති

කටට රසට අපි සාමන්‍යයෙන් මාළු බැදලා කන විදිහට වෙසස් හැබයි පොඩ්ඩක් වත් අමාරු නැති විදිහට මාළු හදමු
What is this GOS and FOS?
   587
   102

මොනවද මේ GOS සහ FOS කියන්නේ?

මේ වචන අපිට එච්චර අහන්න දකින්න නොලැබෙන වචන දෙකක් උනාට. පුංචි දරුවෙක් ගෙදර ඉන්න අම්මලා තාත්තලාට නම් වැදගත්ම වෙන වචන දෙකක්. මොකද දරුවන්ගේ හොඳම පෝෂණය ගැන හිතන දෙමාපියන්ට මේ GOS සහ FOS කියන්නේ මොනවද කියලා දැනගෙන ඉන්න එක නම් ගොඩක් වැදගත්
How to look after your eyes
   635
   93

ඇස් දෙක ඇස් දෙක වාගේ රැක ගන්නේ මෙහෙමයි

ඇස් දෙකේ සුන්දරත්වය වගේම නිරෝගී බව රැක ගන්න ගෙදර ඉඳලම කරන්න පුළුවන් සත්කාර කිහිපයක් ගැන ඔයාට අද හැඩකාරී මේ ලිපිය මගින් කියලා දෙන්න තීරණය කළා

Latest Articles

Most Viwed