ඒ ඒ අහාර ගන්න ඕන වේලාවන් දැනගනිමු

August 21, 2019
2,304
What when to eat
අපේ හැඩකාරියෝ ආහාරපාන පිලියෙල කරන්න බොහොම දක්ෂයි. රසට වගේම දැක්ක ගමන් කන්න හිතෙන විදිහට ආහාරපාන සකස් කළත් ඒවා කන නොකන වේලාවක් කලාවක් තියෙන බවත් අමතක කරන්න එපා.

උදේ ආහාරය රජෙක් වගේ ගන්න කියන අවවාදය අපි හැම දෙනාම දන්නවානේ. ඒ වගේම උදේ ආහාරය ගන්න වේලාවකුත් තියෙනවා. කුවුරු හෝ ඔබෙන් ඇහුවොත් උදේට කන්නේ කීයටද කියලා ඔබේ උත්තරය මේ විදිහට වෙන්න පුලුවනි.

අනේ උදේට නම් කනවා තමයි. ඒත් වෙලාවක් නැහැ... අන්න වැරදුන තැන.. උදේ ආහාර ගන්න ඕන හොඳම වෙලාව නම් අවදි වෙලා පැය බාගයක් ඇතුලත උදේ ආහාර ගන්නවා නම් බොහොමත්ම ගුණයි.

දවල් ආහාරයට ඉතින් වෙලාවක් අපිට නැති බව ඇත්ත.. අඩුම වශයෙන් දැන් කාර්යාලක වැඩ කරන අය වුනත් වෙලාවට කන්නේ නැහැ. සමහර අය හවස තුනට විතරත් දවල් ආහාරය ගන්න වේලාවල් තියෙනවා. ඉතින් මේ වේලාවට විහිලුවට වගේ අපිත් අහනවා නේද..? ඔය රෑටද එහෙම නැත්නම් දවල්ටද? කියලා. ඒ වුනත් දිවා ආහාරයට සුදුසු ගැලපෙනම වෙලාව තමයි 12.30 සහ 12.45 අතර කාලය බව ආයුර්වේදයේ සඳහන්ව තිබෙනවා.

දැන් රාත්‍රි ආහාරය ගැන කිව්වොත් 7 ට වගේ ආහාර ගැනීමට හැකි නම් ඉතාම හොඳයි. රාත්‍රි ආහාරයෙන් පැය බාගයක්වත් ගෙවෙන තෙක් නින්දට යන්නත් එපා.

අපි ගුණයට ගන්නා ආහාර වුනත් සීමාව සහ රටාවක් අනුව ගැනීම ඉතාම වැදගත්. ඇට වර්ග දවසේ කොයි වේලාවටත් ගැලපෙනවා. ඒ වුනත් වඩාත් ගුණ ලබා ගැනීමට නම් ඇට වර්ග උදේට සහ දවල්කාලයට ආහාරයට ගැනීම හොඳයි.

රාත්‍රියට කිරි බොන අයට ආයුර්වේදයේ දැක්වෙන මේ උපදෙස වඩාත් වැදගත් වේවි. කිරිවලට ගම්මිරිස් කුඩු ටිකක්, කරදමංගු එකතු කලොත් තුන්දොස සමනය වීම වගේම වසා පද්ධති පිරිසිදු වෙනවා. රුධිර කැට ගැසීම වැලකෙනවා.

උදේ ආහාරය සමග ඇපල් ගෙඩියක් ආහාරයට ගන්නවා නම් ඒ සමග කිරි පානය කරන්න එපා. කිරි නම් කිරි ඇපල් නම් ඇපල් පමණයි. කිරි සමග එකට ඇපල් ආහාරයට ගත්තොත් යකඩ අවශෝෂනය වීම අපහසුයි.

අර්තාපල් පිෂ්ඨ බහුල නිසා රාත්‍රියට නම් පිලියෙල කරන්න එපා. උදේට දවල්ට ආහාරයක් විදිහට ගැනීමට කිසිම බාධාවක් නැහැ. දොඩම් යුෂ පානයට අපේ කිසිම අකමැත්තක් නැති වුනත් හිස්බඩ නම් එතරම් සුදුසු නැහැ. දොඩම් ආම්ලික නිසා උදරයේ දැවිලි එහෙම නැත්නම් ගැස්ට්‍රයිටිස් තත්වයට හේතු වෙනවා.

සලාද ආහාරයට ගැනීමේදීත් ආහාරයට මිනිත්තු 15 කට පෙරාතුව ගැනීම යහපත්. චීස් සහ සීනි ආහාර උදෑසන ගත් විට දහනය කිරීමට පහසුයි. මස් ආහාර වුනත් රාත්‍රියට නම් එතරම් සුදුසු නැහැ. ඇයි ඉතින් ජීරණයට ගැලපෙන ව්‍යයාමයක් හෝ ශාරිරික ක්‍රියාකාරිත්වයක් රාත්‍රියට සිදු වෙන්නේ නැති නිසා ටිකක් ඒ ගැනත් හිතන්න.

Related Articles

Featured Articles

Trending Articles

අපේ ජනප්‍රියම ලිපි

Use these natural ingredients carefully
   400
   180

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
Know about Vaginal atrophy
   2,206
   141

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
This is why your skin look dark
   33,136
   73

ඔබේ සම අඳුරු වෙලා පේන්නේ මේ හේතු 5 නිසායි

අඳුරු පැහැ වුනු මුහුණ යලි පැහැපත් කල හැකි මේ පහසුම ක්‍රම ටික ඔබට අත් වැසිල්ලක් වේවි
Has your hair started to thinning?
   126
   70

ඔබේත් හිසකෙස් සිහින් වෙන්න පටන් අරන් ද? එහෙනම් මෙන්න ඒකට හේතු

හිසකෙස් සිහින් වීමේදී තට්ටය ඇති නොකරත්, එය ඔබේ හිස මත හිස් තැන් ඇති කරනවා. ඒ නිසා මෙය සිදු වෙන හේතු සහ කල හැකි ප්‍රතිකර්ම ගැන දැනුවත් වෙන්න මේ ලිපිය අවස්ථාවක් කර ගන්න
Ideas for first time tattoo lovers
   2,283
   52

ටැටූ එකක් ගහන්න හිතන් ඉන්නවා නම් මෙන්න අදහස් ටිකක්

ඔයා ටැටූ එකක් ගහන්න කැමති නම්, පළමු වර පුංචි ටැටූ එකක් තෝරා ගැනීම වඩා හොඳයි. අද හැඩකාරී අපි ඔයාට ටැටූ  මෝස්තර ටිකක් කියලා දෙන්න හිතුවා. මෙම ටැටූ කිහිපයෙන් නිසැකවම කතාවක් පවසයි

Latest Articles

Most Viwed