ආදරය ද? රාගය ද? හරියටම දැනගන්න love test එකක් කරලා බලමුද?

August 3, 2017
11,125
3 Keys to a Strong Relationship
ආදරයයි රාගයයි කියන්නේ හරියට එකම කාසියක දෙපැත්තක් වගේ. හැබැයි ඉතින් කට්ටිය ආදරය දිහා ආදරෙන් බැලුවට රාගය දිහා නම් ආදරෙන් බලන්නේ නැහැ. අද කාලේ ආදර සබදතා වල තියෙන ලොකුම ප්‍රශ්නයක් නේ මේ ආදරයයි රාගයයි හරියට අඳුර ගන්න බැරි එක. ඇත්තටම මේක අඳුර ගන්න එක හිතන තරම්ම අමාරු දෙයක්ද? මේ වැඩේ ටිකක් විතර අමාරුයි නම් තමයි හැබැයි ආදරේදී වැදගත් වෙන මේ කාරණා තුන ගැන හොඳට හිතලා බැලුවා නම් පහසුවෙන්ම මේ ප්‍රශ්නය විසඳ ගන්න පුළුවන්. එතකොට මොකක්ද මේ ආදරේදී වැදගත් වෙන කාරණා තුන?

1. සන්නිවේදනය

ආදරේදී ඔබ දෙදෙනා කිසිම ප්‍රශ්නයක් නැතුව විවෘතව ජිවිතේ ප්‍රශ්න ගැන වගේම අවශ්‍යතා ගැනත් කතාබහ කරනවා. ඔහුගේ ජීවිතේ ගැන වගේම ඔබේ ජිවිතේ ගැනත් ඔහුට තියෙන්නේ හොද අවබෝදයක්. නමුත් රාගයේදී ඔහු කැමතිම පාට කියවන පොත් බලන tv වැඩසටහන් වගේ දේවල් ගැන ඇරෙන්න වෙන වැදගත් කිසිම දෙයක් ගැන ඔබ දන්නේ නැහැ. ඔබ ඒ දේවල් ගැන අහන්නත් බයයි ඔහුගෙන්. ඒ වගේම තමයි කිසිම අවස්ථාවක ඔබ දෙදෙනා ජිවිතේ වැදගත් දේවල් ගැන කතාබහ කරන්නේ නැහැ.

ආදරේදී ඔබ දෙදෙනා තර්ක කරගන්නවා. හැබැයි අවසානයේ දෙදෙනාම එකඟතාවයකට එනවා. තර්ක කරා කියලා ඔබ දෙදෙනා අතරේ කිසිම විදිහක ප්‍රශ්නයක් ඇති වෙන්නේ නැහැ. නමුත් රාගයේදී ඔබ ඔහුත් සමඟ තර්ක කරන්නේ නැහැ. ඔබ බයයි ඔහුත් සමඟ තර්ක කරන්න. ඔබ ඔහු කියන දෙයකට එකඟ වෙනවා.

2. ආදරය

ආදරයේදී ඕනෑම අවස්ථාවක ඔහු ඔබ වෙනුවෙන් ඉදිරිපත් වෙනවා. ඔබව කිසිම අවස්ථාවක තනි කරන්නේ නැහැ. රාගයේදී ඔහුට කිසිම අවශ්‍යතාවයක් නැහැ ඔබේ දේවල් වෙනුවෙන් පෙනී සිටින්න. ඔබ මොන තත්වෙක හිටියත් ඔහු ඒ ගැන සොයා බලන්නේ නැහැ. ඔහු ඔහුගේ සාමාන්‍ය විදිහට ජීවිතය ගත කරනවා.

ආදරයේදී ඔහු ඔබේ සතුටේදී සතුටු වෙනවා. ඔබේ සතුට වෙනුවෙන් බොහො දේවල් කරනවා. රාගයේදී ඔහු ඔබව විස්වාස කරන්නේ නැහැ. ඔබ දිහා නිතරම බලන්නේ සැකයෙන්. ඔබේ සතුටට හේතුවෙන කිසිම දෙයක් ඔහු කරන්නේ නැහැ.

ආදරයේදී ඔහු ඔබට කිසිම දෙයක් සඟවන්නේ නැහැ. අවංකව ඔබට හැම දෙයක් ගැනම කියනවා. රාගයේදී ඔහු ඔබට නිතරම බොරු කියනවා. ඔබ ඔහුගෙන් ප්‍රශ්ණ කලොත් ඔහු ඔබත් සමඟ ප්‍රශ්ණ ඇතිකර ගන්නවා. නැත්නම් ඔබ බිය වෙනවා ඔහුගෙන් ප්‍රශ්න කරන්න.

ආදරයේදී ඔබ දෙදෙනා අතර කායිකව වගේම මානසිකවත් ලොකු බැදීමක් තියෙනවා. නමුත් රාගයේදී ඔබ දෙදෙනා අතර තිබෙන්නේ කායික බැදීමක් විතරයි.

3. ගරුත්වය

ආදරයේදී ඔහු ඔබේ දුර්වලතා හදුනාගෙන ඒවා සකස් කර ගන්න ඔබට උදවු කරනවා. රාගයේදී ඔහු ඔබේ දුර්වලතාවයන් අනිත් අය ඉදිරියේ හෑල්ලුවට ලක් කරනවා. ඔබේ දුර්වලතාවයන් ගැන නිතර නිතර ඔබට වැරදි කියනවා.

ආදරයේදී ඔහු ඔබේ අවශ්‍යතාවයන් හදුනා ගන්නවා. ඔබට ඒ දේවල් වෙනුවෙන් උදවු කරනවා. ඔබේ අදහස් වලට ගරු කරනවා. රාගයේදී ඔහු ඔබේ අදහස් වලට ඉඩක් දෙන්නේ නැහැ. ඔබව පාලනය කරන්න උත්සහ කරනවා. ඔබ හැම දෙයක්ම කල යුත්තේ ඔහුගේ අවශ්‍යතාවයන් සම්පුර්ණ කරන්න.

ආදරයේදී ඔහු ඔබ අතින් වෙන වැරදි වලට සමාව දෙනවා. ඔබව ආරක්ෂා කරගන්න උත්සහ කරනවා. රාගයේදී ඔහු කිසිම අවස්ථාවක ඔබේ වැරදි වලට සමාව දෙන්නේ නැහැ. සමහර අවස්ථාවල ඔබට පහරදීම පවා ඔහු කරනවා. ඔබ ඔහුට ගරුත්වයකට වඩා දක්වන්නේ බියක්.

ආදරේදී මේ කාරණා තුන ගැන ඔබ හොඳට හිතලා බැලුවා නම් ඔබට පහසුවෙන්ම පුළුවන් ආදරය වගේම රාගයත් හදුනා ගන්න.

Related Articles

Featured Articles

Trending Articles

අපේ ජනප්‍රියම ලිපි

What are the young looking secrets of Madhuri Dixit
   8,270
   3,220

මධුරි ඩික්සිත් ගේ තවමත් තරුණ පෙනුමේ රහස කුමක්ද?

අපි ඇගේ මේ අඩු නොවන තාරුණ්‍යයේ රහස් පෙළ ඔබ වෙත ගෙන එන්නේ කියවලා අමතක කර දමන්න නම් නෙවෙයි. ඔබත් විසි ගණන් වල සිටම මේ යහපත් සිරිත්
What should I do after break up
   21,933
   1,532

විරහවෙන් හිත රිද්දගෙන ඉන්නකොට තවත් ආදරයක් හමුවුනොත්? ඔක්කොටම කලින් මේක කියවන්න.

සම්බන්ධතාවක් කියන්නේ ගැහැණු කෙනෙක්ට තමන්ගේ ජීවිතයටත් වඩා වටිනා දෙයක්. ගැහැණු අපි සම්බන්ධතාවයක් රැක ගන්න නොකරන දෙයක් නෑ
Eat these food to avoid the risk of getting cholesterol
   32,099
   839

කොලෙස්ටරෝල් අවදානමෙන් මිදෙන්න නම් මේ ආහාර අදම ආහාරයට එකතු කර ගන්න

දැනටමත් කොලෙස්ටරෝල් වැළඳුනු කෙනෙක්ට වගේම ඒ රෝගය ඇති වෙන්න කලින් ඒ අවදානමෙන් මිදෙන්නත් මේ ආහාර වර්ග නැතුවම බැහැ
See these reasons that delay your child's speech
   545
   505

දරුවාගේ කථනය ප්‍රමාද කරවන්න මේ හේතු අනිවාර්යෙන් බලපෑම් කරනවා

පැටියා බහ තෝරනකන් අපි ඉවසිල්ලක් නැතුව බලන් හිටියත් ඒක ප්‍රමාද වෙන අවස්ථා අනන්තවත් තියෙනවා. එහෙම තත්වයන් ගැන ඔයාට මුල්
Eat garlic and honey everyday. You'll be surprised
   10,626
   166

හැමදාම උදේට මී පැණි එක්ක සුදුළූණු කෑවොත් හිතා ගන්න බැරි තරම් විශ්මිත ප්‍රතිඵල ලැබෙනවා

සුදු ළූණු කියන්නේ ඉවුම් පිහුම් වලදී නැතුවම බැරි දෙයක් වගේම විවිධ රෝගාබාධ වලදීත් ඖෂධයක් විදියටත් නිතරම අපිට ප්‍රයෝජනවත් වෙන අමු ද්‍රව්‍යක්

Latest Articles

Most Viwed