ගර්භනී අවදියේදී ඔබේ අදහසත් දෙන්නෙක්ට හරියන්න කන්නද?

ඔබ මවක් වීමට යන බව දැන ගත් ගමන් පවුලේ හැමෝම වෙනදට වඩා වැඩි අවදානයක් ඔබ කෙරෙහි දක්වනු ලබනවා. ඔබට කන බොන විදිහ, අදින පළදින විදිහ, යන එන විදිහ පවා වෙනස් කර ගන්න වෙනවා ගෙදර අයගේ වැඩි අවදානය නිසා. මේ කාලයේදී ඔබට උදෑසන ඇතිවන තාවයන් වගේම වෙනත් හේතුන් නිසා කෑම බීම ගන්න එක ටිකක් අපහසු කාර්යක් විය හැකියි. මේ වෙලාවට ගෙදර ඉන්න වැඩිහිටි අය ඔබට මේ කාලය දෙන්නෙක්ට හරියන්න කන්න ඕනේ බව කියාවි. නමුත් ඒ කීම අහල දෙන්නෙක්ට හරියන්න කන්න යන එක නම් එච්චර හොද දෙයක් නෙවෙයි. හැබැයි මේකත් අමතක කරන්න එපා ගෙදර අය ඔබ ගැන වැඩි අවදානයක් දක්වන්නේ ඔබට වගේම ඉපදෙන්න ඉන්න දරුවටත් ඔවුන් ගොඩක් ආදරය කරන නිසා. මේ හින්ද ඔවුන්ගේත් හිත රිදවන්නේ නැතුව ඔබගේ ගර්භනී කාලයට ගැලපෙන හොද සෞඛ්‍ය පුරුදු ටික පරිස්සමින් තොර ගන්න.

සාමාන්යෙන් වෛද්‍ය වරුන් ප්‍රකාශ කරන්නේ ගර්භනී භාවයේ මුල් සති 20-24 ත් අතර කාලය තුල ආහාරයට ගත යුත්තේ ගර්භනී වීමට පෙර ලබා ගත් ආහාර ප්‍රමාණයම වන බවයි.මෙලෙස ප්‍රකාශ කරන්නේ සති 20 වන විටත් කළලයේ බර 700g තරම් සුළු බර ප්‍රමාණයක් නිසා මෙම බරට සැහෙන්න සුළු අහර ප්‍රමාණයක් ප්‍රමාණවත් වන නිසයි.

නමුත් ඉන් අනතුරුව වෛද්‍යවරු දවසකට කැලරි 200 ක් තරම් සුළු ප්‍රමාණයකින් අහර ගැනීම වැඩි කරන ලෙස පවසනවා. කෙසේ වෙතත් ගර්බනි අවදියේදී අඩුවෙන් ආහාර ගැනීමට වඩා වැඩියෙන් ආහාර ගැනීම ගැටළු ඇති කරවනවා.මෙය ගර්භනී කාලයෙන් පසුව මව ස්ථුල වීමට සෘජු ලෙසම බලපානු ලබනවා. ගර්භනී අවදියේදී නොව ඊට පෙර කාලයේදී කාන්තාවක් නිසි ලෙස ආහාර නොගැනීම නිසා මවගේ බර අඩු නම් දරුවගේද බර අඩු වීමට හැකියාවක් පවතිනවා. එම නිසා වඩා වැදගත් වන්නේ ගර්භනී කාලයේදී පමණක් නොව ගර්භනී වීමට පෙර සිටම හොද ආහාර පුරුදු රටාවකට හුරු වෙමින් හොද පෝෂණ තත්වයක් පවත්වා ගැනීමයි,