තරුණ කාලයේදී ම හිසකෙස් සුදු වෙනවාට හොඳම ප්‍රතිකාර මෙන්න

October 22, 2019
4,041
Remedies for grey hair
වයසට යන්නත් කලින් සුදු කෙස් ගස් මතු වීම ගොඩක් තරුණ තරුණියන්ට ගැටලුවක්. ගොඩක් වෙලාවට සෙම පීනස වගේ තත්ත්වයන් වලදිත්, කොණ්ඩය කෘතිම ආකාරයට සැකසීමේදීත් මේ වගේ ඔලුවේ සුදු කෙස් ගස් එන්න පටන් ගන්නවා. ඉදුණු කෙස ගහක් ඉදිරුවොත් එතනින් ඉදිච්ච කෙස් ඩබල් වෙලා එනව කියල කතාවක් තියෙනවා. මේක කිසිම විදියකින් විද්‍යාත්මකව ඔප්පු කරල නෑ. ඒ වගේමයි හෙයා කලර් කලාම ඉක්මණට කොණ්ඩෙ ඉදෙන්න ගන්නවයි කියල තියෙන කතාවත්. විද්‍යාත්මකව ඔප්පු නොකල කතාවක්.

* හේතුව

මේකට ජානමය බලපෑමකුත් තියෙනවා. ඔබ දැකල ඇති අවුරුදු පහළොව දාසය වගේ වයස් වල තරුණ තරුණියන්ගේ පවා අකලට ඉදුණු හිසකෙස් තියෙනවා. බොහෝ විට මේ තත්ත්වයට හේතුව ජානමය බලපෑමක්. මීට අමතරව තවත් හේතු කීපයක් අකලට හිසකෙස් පැසීමට බලපානවා.

1. ප්‍රතිශක්තිකරණ පද්ධතියට බලපාන රෝගී තත්ත්වයන් නිසා සෛල වලට වන බලපෑම මත වර්ණක නිපදවන සෛල දුර්වල වීමෙනුත් අකලට හිසකෙස් පැසීම සිද්ධ වෙනවා. නමුත් මේක ඉතාම කලාතුරකින් සිද්ධ වෙන්න පුළුවන් කාරණාවක්.

2. තයිරොයිඩ් ග්‍රන්ථියේ ඇති වෙන රෝගී තත්ත්වයන් නිසාත්, දෙවෙනි ගණයේ දියවැඩියා තත්ත්වයක් නිසාත් හිසකෙස් සුදු වෙන්න පුළුවන්.

3. දුම්පානය අකලට හිසකෙස් පැසෙන්න හේතුවක් කියල නිකමටවත් හිතුවෙ නෑ නේද? ජානමය තත්ත්වය තරම්ම ලොකු බලපෑමක් නොකලත් අකලට හිසකෙස් පැසීම සහ ඉක්මණින් වයස්ගත පෙනුමක් ලැබීමට දුම්පානය හේතුවක් වෙනවා.

4. පැහැදිලිවම ඔප්පු කොට නැතත් දීර්ඝ කාලීන මානසික පීඩන තත්ත්වයත් හිසකෙස් අකලට පැසීමට බලපාන බවට මතයක් තියෙනවා.

5. අනිත් කාරණය නම් විටමින් බී12, විටමින් ඊ සහ සින්ක් ඌණතාවය. හිසකෙස් වර්ණක නිපදවීමට අවශ්‍ය සෛල වල පැවැත්මට පෝෂණ කොටස් නොලැබීම හිසකෙස් අකලට පැසීමට බලපානවා.

6. දීර්ඝ කාලීන පීනස නිසාත් හිසකෙස් සුදු වෙන්න පුළුවන්.

ප්‍රතිකාර

ජානමය තත්ත්වයක් මත ඇති වෙන අකලට හිසකෙස් පැසීමට නම් මේ වනතුරු ප්‍රතිකාරයක් හොයාගෙන නැහැ. නමුත් හිසකෙස් වල වර්ණයට අදාල වන ජානය ගැන සිදු කල පරීක්ෂණ වල යම් සාර්ථක බවක් ලබාගන්න විද්‍යාඥයන් සමත් වෙලා තියෙනවා.මේ නිසා අනාගතයේදී ජානමය තත්ත්වයන් නිසා ඇති වෙන හිසකෙස් සුදු වීමට ප්‍රතිකාරයක් ගැන අපිට බලාපොරොත්තු තියාගන්න පුළුවන්.

මේ වගේ අයට කරන්න පුළුවන් පහසුම සහ සුදුසුම දේ තමා හෙයා කලර් එකක් කරන එක. පාසල් වියේ පසුවන කෙනෙක් නම් වර්ණ ගැන්වීම කළුපාටින් කර ගන්න පුළුවන්.

තයිරොයිඩ් නිසා හෝ දියවැඩියා තත්ත්වයන් නිසා ඇති වෙන අකලට හිසකෙස් පැසීම එම රෝග තත්ත්වයන්ට ප්‍රතිකාර කිරීමත් එක්ක බොහෝ දුරට අවම කරගන්න පුළුවන්.

මීට අමතරව මන්දපෝෂණය එහෙමත් නැත්නම් හිසකෙස් වලට නිසි පෝෂණයක් නොමැතිකම නිසා ඇති වෙන අකලට හිසකෙස් පැසීමට කරන්න පුළුවන් ප්‍රතිකාර කීපයක් තියෙනව. එක රැයකින් හිසකෙස් සුදු වෙන්නෙ නෑ වගේම මේ ප්‍රතිකාර වලින් එක රැයකින් කොණ්ඩය යථා තත්ත්වටය පත්වෙයි කියලත් හිතන්න එපා. මේ නිවසේදී කරන්න පුළුවන් ප්‍රතිකාර වලට යම්කිසි කාලයක් ගත වෙනවා. ඒ නිසා ඉවසීම වැදගත්.

1. නෙල්ලි වියලා කුඩු කර පොල් තෙල් සමඟ මිශ්‍ර කර රත්කර හිසෙහි ආලේප කරන්න.

2. කරපිංචා කොළ කොටා ඉස්ම හිස ගල්වා පැයක් හිඳ සෝදා හරින්න. මීට අමතරව කරපිංචා සම්බෝල ලෙස හෝ කැඳ ලෙස ආහාරයට එක් කර ගැනීමත් වඩාත් සුදුසුයි.

3. තලාගත් ඉඟුරු ස්වල්පයක් මීපැණි මේස හැන්දක මිශ්‍ර කර උදෑසන ආහාරයට ගන්න.

4. සති දෙකකට වරක් පිරිසිදු ගී හිස ගල්වා මසාජ් කරන්න.

5. කරපිංචා කොළ කීපයක් සහ උළු හාල් ස්වල්පයක් පොල් තෙල් වලට දමා රත් කර හිස ගල්වා පැය කීපයක් තබා සෝදා හරින්න.

6. පේර කොළ පොඩි කර යුෂ හිස් ගල්වා පැයක් පමණ තබා සෝදා හරින්න. මේ ප්‍රතිකාරය දිනපතා වුවත් කිරීම සුදුසුයි.

7. කරවිල යුෂ ඔලිව් තෙල් හෝ තල තෙල් සමඟ මිශ්‍ර කර හිස ගල්වා තබා සෝදා හරින්න.

Related Articles

Featured Articles

Trending Articles

අපේ ජනප්‍රියම ලිපි

Do not do these if you want to look rich
   62,826
   201

ඔබටත් පොහොසත් පෙනුමක් අවශ්‍ය නම් මේ වැරදි කරන්න එපා

ආකර්ෂණිය ධනවත් පෙනුමක් ලබා ගැනීමට අපි එතරම් සැලකිල්ලක් නොදක්වන මේ වැරදි ටික හදා ගත්තොත් ඔබට කා අතරත් කැපී පෙනෙන්න පුලුවන්
Do not save your marriage if he is like this
   880
   100

ඔහු ළඟත් මේ ලක්ෂණ තියෙනවා නම් විවාහය රැකගන්න හදන්න එපා

බොහෝ බිරින්ඳෑවරුන් තමන්ගේ ස්වාමිපුරුෂයාගේ වැරදි හැසිරීම තමන්ගේ පිටම පටවා ගෙන ඔහුව සාධාරණීකරණය කිරීමේ වරද සිදු කරනවා. ඔයාත් එහෙම බිරිඳක් නම් ඔයාගේ විවාහය රැකගන්න ඕනේ කියලා මේ වැරදි නම් ගණන් නොගෙන ඉන්න එපා
Are we emotionally available mothers?
   391
   90

අපි ඇත්තටම දරුවන් සමඟ හදවතින්ම බැඳුනු මවුවරුන්ද?

දරුවන්ගේ අනාගතය ලස්සන කරන්න හිතාගෙන මව්වරුන් බොහෝ දෙනෙක් විශාල වගකීම රාශියක හිර වෙලා. මේ මොන දේ කරත්, අපි අපේ දරුවන් එක්ක හදවතින් බැඳිලද ඉන්නේ කියන ප්‍රශ්නය අපෙන්ම අසන්න මේ ලිපිය ඔබට උපකාරී වේවි..
Advice to keep your home beautiful
   840
   87

සිත නිවන ලෙස ඔයාගේ නිවස අලංකාර කර ගැනීමට උපදෙස්

ඔයාගේ නිවස ආකර්ශනීය කිරීමට අවශ්‍යද? ඔයාගේ නිවස තුළ විශ්මයජනක පෙනුමක් ඇති කරන්න උපදෙස් කිහිපයක් මෙන්න. මෙම සරල ටිප්ස් භාවිතා කරලා ඔයාගේ නිවසට සිත් ඇදගන්නා සුළු පෙනුමක් ඇති කර ගන්න පුලුවන්
Reduce reasons for body odour
   3,883
   66

අධික ලෙස දහඩිය දුගද දැනෙනවා නම්, විසදුම් හොයන්නේ මෙහෙමයි

තවත් කෙනෙක් තුළ අප්‍රසන්න බවක් ඇති වෙන්න කලින් දහඩිය දුගදට විසදුම් හොයන්න

Latest Articles

Most Viwed