මොකද්ද මේ නිසරු බව කියන්නේ? ඔබත් අදම දැනුවත් වෙන්න

October 30, 2017
1,298
What is less productivity
දරුවෝ කියන්නේ දෙමවුපියන්ට සම්පතක්. දරුවෙක් ලැබෙන්න පොඩි හරි ප්‍රමාදයක් වුනොත් වෛද්‍ය ප්‍රතිකාර ගන්න වගේම නොසෑහෙන්න බාර හාර වෙන්නෙත් ඒ නිසානේ. විවාහ වුණු යුවලකගේ ඊළඟ බලාපොරොත්තුව කිරි සිහිනය හැබෑ කර ගන්න එක. එත් අවාසනාවකට ඒ සිහිනය සැබෑ වෙන්නේ පිරිසකගේ විතරයි. සුළු පිරිසකට ඒ වාසනාව නැති වෙනවා. ඇයි එහෙම වෙන්නේ?

ඒකට ගොඩාක් හේතු බලපානවා. හේතුව තියෙන්නේ කාන්තාවගේ පැත්තේ විතරක් නෙවෙයි. නිසරු බව කියන එක කාන්තාවන් තුල වගේම පිරිමි පාර්ශවය තුලත් ඇති වෙන්න පුළුවන්.

ඇත්තටම මොකද්ද මේ නිසරු බව කියන්නේ? එහෙම වෙන්න හේතුව මොකද්ද?

නිසරුභාවය කියලා කියන්නේ උපත් පාලන ක්‍රමවේදයක් භාවිතා නොකර සිදු කරන ලිංගික ක්‍රියාවලින් පසුව වසරක් ගතවෙන තුරුත් දරුවන් නොමැති වීමයි. මේ නිසරු බව ඇති විම ප්‍රධාන වශයෙන් ආකාර දෙකක් වශයෙන් හඳුනා ගන්න පුළුවන්. ඒ උපතින්ම නිසරු බව ඇති වීම හා හදිසියේ ඇතිවෙන විවිධ අනතුරු හා ආබාධ, රෝග ආදිය නිසා නිසරු බව ඇති වීම වශයෙන්.

දරුවෙක් පිළිසිඳ ගැනීමට නම් පියවර කිහිපයක්ම සාර්ථකව සම්පුර්ණ වෙන්න ඕන. පිරිමියකුගේ ශුක්‍රාණු කාන්තාවකගේ යෝනි මාර්ගයෙන් ඇතුළු වීමත් කාන්තාව සාමාන්‍ය පරිදි ඩිම්බ මුදාහැරීමත් මුලිකව සිදු විය යුතුයි. තැන්පත් වූ ශුක්‍රාණු ගර්භාෂය හරහා පැලෝපීය නාල වෙත ගමන් කිරීමත්, ඩිම්බ මෝචනය හරහා ඩිම්බ පහළට ගමන් කිරීමත්, අනතුරුව ඩිම්බ සහ ශුක්‍රාණු එක්වී සංසේචනය වීමේ හැකියාව පැවතිය යුතුයි. ඊට පස්සේ සංසේචනය වූ ඩිම්බය ගර්භාෂයට ගොස් ගර්භාෂයේ අභ්‍යන්තර පටලයේ තැන්පත් විය යුතු වෙනවා. ඒ තමයි මුලිකම ක්‍රියාවලිය.

මේ කිව්ව පියවරයන් එකක් හෝ නිසි පරිදි සිදු නොවුනොත් පිළිසිඳ ගැනීම සම්බන්ධ යම් යම් ගැටලූ ඇති වෙනවා.

මේ පියවර නිසියාකාරව සිදු නොවෙන්න කාන්තාවන් තුල ඇති වන තත්ත්වයන් මොනවද?

* හෝමෝන වල බලපෑම නිසා නිසි පරිදි ඩිම්බ නිකුත් නොවීම
* සංසේචනය වූ ඩිම්බය ගර්භාෂය තුල තැම්පත් නොවී ගබ්සා වීම
* ගර්භාෂයේ ගෙඩි හට ගැනීම
* පැලෝපීය නාලයේ ඇති වන යම් යම් අවහිරතා
* ගැබ් ගෙල අසාදන

වැනි හේතුන් කිහිපයක්ම කාන්තාවන් සම්බන්ධයෙන් බලපානවා. පිරිමි පාර්ශවය තුළ,

* වෘෂණ කෝෂ නිසි පරිදි වර්ධනය නොවීම
* දුම්පානය
* මත්ද්‍රව්‍ය සහ මත්පැන් භාවිතය
* දියවැඩියාව, ගොනෝරියා වැනි රෝග නිසා ශුක්‍රානාලවල ඇති වෙන ගැටලූ
* අනතුරු නිසා ලිංගාශ්‍රිත ප්‍රදේශයට සිදු වන හානි

වැනි තත්ත්වයන් බලපෑම් කරනවා.

මේ තත්තයට විවිධ ක්‍රම භාවිතයෙන් ප්‍රතිකාර කිරීමේ හැකියාව දැන් පවතිනවා. මුලින්ම මේ වගේ තත්ත්වයක් හඳුනා ගත් වහාම වෛද්‍ය ප්‍රතිකාර වලට යොමු විය යුතුයි. එහිදී දෙදෙනාම සම්බන්ධයෙන් කරන පර්යේෂණ වලින් ගැටලුව පවතින්නේ කා තුලද කියා හඳුනා ගැනීමෙන් පසුව ප්‍රතිකාර ආරම්භ කල හැකියි.

කාන්තාවකගේ ගර්භාෂය හා ඒ සම්බන්ධ අනෙකුත් ගැටළු සඳහාත් ශුක්‍රානු සම්බන්ධ ගැටළු සඳහාත් වෙන් වූ ඖෂධ ප්‍රතිකාර කිරීම මඟින් මේ තත්ත්වයට විසඳුම් සොයන්න පුළුවන්. ඒ ප්‍රතිකාර ඵලදායී නැත්තන් නළ දරු උපත්, ශුක්‍රාණු , ඩිම්බ පරිත්‍යාග කිරීම් හරහා නවීන තාක්ෂණය සමඟ දරු සම්පත ලබන්න පුළුවන්.

Related Articles

Featured Articles

Trending Articles

අපේ ජනප්‍රියම ලිපි

Make watalappan like this and enjoy the real taste
   4,082
   3,438

මේ දේවල් ටික දැනගත්තොත් නම් නියම රහට රස පදමට වටලප්පන් හදන්න පුළුවන්

වටලප්පන් කන්න කැමති ඔයාලට නියම විදිහට වටලප්පන් එකක් හදාගන්න වැදගත් වෙන දේවල් ටිකක් තමයි අද අපි ඔයාලට කියන්නේ. මේ දේවල් හරියට කරොත් ඔයාටත් පුළුවන් නියම රසට වටලප්පම් හදාගන්න
Say bye to scaled skin
   982
   861

කොරල සහිත සමට සදහටම සමු දෙන්න

විශේෂයෙන් කකුල්වල සහ අත්වල මේ තත්ත්වය දකින්න පුළුවන්. උනන්දුවක් තියෙන කෙනෙක්ට ඉක්මනින්ම සුව කර ගන්නත් පුළුවන්. බලන්නකෝ මොනවද කරන්න පුලුවන් කියලා
think twice about what you eat while pregnant
   1,017
   627

ආහාර පාන ගනිද්දී කුසේ ඉන්න දරුවා ගැනත් හිතන්න කියන්නේ මෙන්න මේ නිසයි

විශේෂයෙන් ආහාර පාන ගනිද්දී. නූපන් ළදරු මරණ සඳහා මවක් විසින් ගනු ලබන ආහාර වලින්ද බලපෑමක් සිදු වෙන බව ඔයා දැන හිටියද?
Stay away from these to avoid stomach gas
   1,756
   393

පාලනය කරගන්න බැරුව නිතරම වාතය පිටවෙනවා නම් මේ දේවල් වලින් පරිස්සම් වෙන්න

සාමාන්‍ය පුද්ගලයෙක් දවසකට 20 වතාවක් විතර වාතය පිට කිරීම සිදු කරනවා. මීට වඩා දිනකට වාතය පිටවීමක් සිදු වෙනවා නම් ඒකට හේතුව මේ කියන ආහාර වෙන්න පුළුවන් මොකද අනෙක් ආහාර වර්ග වලට වඩා මේ ආහාර නිසා ශරීරයේ වාතය එකතු වීම වැඩියි
How to prevent heart attacks by reducing cholesterol
   334
   280

heart attack හදා ගන්නේ නැතුව කොලෙස්ටරෝල් හරි විදියට අඩු කරගන්න

කොලෙස්ටරෝල් මට්ටම අවම කරගන්න වටිනා ආහාර හා කොහොමද ඒ දේවල් ආහාර වේලට එකතු කරගන්න ඕනෙ කියන එක ගැන වගේම රුධිරයේ කොලෙස්ටරෝල් මට්ටම අවම කරගන්නෙ කොහොමද කියන එක ගොඩක් අයට තවමත් තියෙන ගැටලුවක්

Latest Articles

Most Viwed