හැම අම්මා කෙනෙක්ම දරුවාගේ ආහාර වේලට අමතක නොකර එකතු කරන ආහාර

January 17, 2018
9,022
Foods that every mother should feed their children
පෝෂණය කියන දේ අපි හැමෝටම එක වගේ වැදගත් වෙනවා. වැඩිහිටියන්ට වඩා වැඩියෙන් හා අනිවාර්යෙන් ඉතා ඉහල පෝෂණයක් අවශ්‍ය වන කොටසකුත් ඉන්නවා. වැඩිහිටියන්ට වඩා කුඩා දරුවන්ට අනිවාර්යෙන් පෝෂණ අවශ්‍යතා සැපිරිය යුතුයි. මොකද කුඩා කාලයේදී දරුවන්ට ලබා දෙන පෝෂණය දරුවන්ගේ කායික වර්ධනයට වගේම බුද්ධි වර්ධනයටත් අනිවාර්යෙන්ම වැදගත් වෙනවා.

නිසි වයසේදී ලබා දිය යුතු පෝෂණය අහිමි වී යාමෙන් දරුවාගේ වර්ධනය බාල වීම, විවිධ කායික ආබාධ ඇති වීම, විවිධ ලෙඩ රෝග වලට ගොදුරු වීම, ප්‍රතිශක්තිකරණ පද්ධතියේ දුර්වලතා මෙන්ම බුද්ධි වර්ධනයේ දුර්වලතාද ඇති වෙන්න පුළුවන්. කුඩා වයසේදී සම්පුර්ණ කල යුතු පෝෂණ අවශ්‍යතා සඳහා නැතුවම බැරි ආහාර වර්ග කිහිපයක්ම තියෙනවා. ඒ ආහාර අමතක නොකර ඔබ දරුවාගේ ආහාර වේලට එකතු කරන්න. බලන්න ඒ මොනවද කියලා.

1. බතල

වඩාත්ම පෝෂ්‍යදායි ආහාරයක් ලෙස බතල හඳුන්වන්න පුළුවන්. ඇස්වල පෙනීම වර්ධනය කරන බීටා කැරොටින්, කැරොටිනොයිඩ් සහ තවත් පෝෂ්‍ය පදාර්ථ රැසකින් ඉතා පොහොසත්. ඒ වගේම විටමින් A, C හා E, පොටෑසියම්, කැල්සියම්, යකඩ හා කෙඳි වලින් යුතු බතල අනිවාර්යෙන් දරුවාගේ ආහාර වේලට එකතු කරන්න.

2. බිත්තර

වැඩෙන දරුවන්ට බිත්තර වලින් ඉතා ඉහල ප්‍රෝටීන් ප්‍රමාණයක් ලබා දෙනවා. ඒ වගේම එහි අඩංගු විටමින් B මොළයේ වර්ධනය සහ ක්‍රියාකාරිත්වය සඳහා වැදගත් කාර්යභාරයක් ඉටු කරනවා. බිත්තර සතුව ඔමේගා-3 මේද අම්ල, විටමින් D, සින්ක්, යකඩ සහ සෙලනියම් ආදි පෝෂණ කොටස් රැසක් අඩංගුයි. මේ පෝෂ්‍ය පදාර්ථ ඔබේ දරුවා දිගුකාලීනව ශක්තිසම්පන්නව තැබීමට උපකාරී වෙනවා.

3. කිරි

අස්ථි පද්දතිය, නියපොතු, දත් සෞඛ්‍ය සම්පන්නව පවත්වා ගැනීමට අවශ්‍ය කරන ඛනිජ වර්ග දෙකක් වන කැල්සියම් සහ පොස්පරස් බහුල කිරි වල ඊට අමතරව ප්‍රෝටීන්, සින්ක් සහ විටමින් A, විටමින් B2 සහ විටමින් B12 වැනි වර්ධනය සඳහා අත්‍යාවශ්‍ය අනෙකුත් පෝෂ්‍ය පදාර්ථ රාශියක් පවතින නිසා දරුවාගේ පෝෂණ සම්පුර්ණ කරනවා.

4. ඕට්ස්

දරුවන්ට අවශ්‍ය ශක්තිය ලබා දීම සඳහා උදෑසනට දිය හැකි හොඳම ආහාරයක් විදියට ඕට්ස් හඳුන්වන්න පුළුවන්. විටමින් B සහ E, පොටෑසියම් සහ සින්ක් වැනි වැදගත් පෝෂ්‍ය පදාර්ථ මොළයේ වර්ධනය හා ක්‍රියාකාරිත්වය සඳහා උපකාරි වෙනවා. ඒ වගේම සිරුරට අවශ්‍ය කරන තන්තු අවශ්‍යතාව නොඅඩුව සම්පුර්ණ කරන්න ඕට්ස් වලට පුළුවන්.

5. බෝංචි

දරුවන්ට අතිශයින් පෝෂ්‍යදායි ආහාරයක් වන අතර දරුවන්ගේ වර්ධනයට ඉතාමත් ප්‍රයෝජනවත්. ප්‍රතිඔක්සිකාරක, බෝංචි, ප්‍රෝටීන්, කැල්සියම්, කෙඳි, යකඩ හා විටමින් බී වලින් පොහොසත්. ඒ වගේම බෝංචි වල මේදය, කැලරි සහ සෝඩියම් අඩුයි. ඒ නිසා බෝංචි නිතිපතා ආහාරයට ගැනීමෙන් දරුවන්ගේ කායික ශක්තිය, නිරෝගී ලෙස ශරීර බර පවත්වා ගැනීමට සහ හදවත නිරෝගීව තබා ගැනීමට උදවු වෙනවා.

Related Articles

Featured Articles

Trending Articles

අපේ ජනප්‍රියම ලිපි

chore lists for kids
   38,675
   67

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Do you need a happy healthy child?
   20,616
   55

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍යද.. එසේනම් මේ පියවර අනුගමනය කරන්න

සෞඛ්‍ය සම්පන්න සහ සතුටින්ම සිටින දරුවකු ඔබටත් අවශ්‍ය නම් ඔබ අනිවාර්‍යෙන් පිළිපැදිය යුතු පියවර කිහිපයක් හැඩකාරි අපි ඔබවෙත ගෙන එනවා
Protect your baby's soft skin with jasmine and kasthuri kaha
   23,366
   54

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි
How to avoid hair loss from dandruff
   16,392
   51

හිස්සොරි නිසා හිසකෙස් ගැලවී යාම වලක්වා ගන්නේ කෙසේද?

හිස්සොරි නිසා හිසකෙස් ගැල්වීයාම වැඩි නම් ඔබ හිස්සොරි හැදෙන්න හේතුව සොයා ගැනීම ඉතාම වැදගත්. අද හැඩකාරීගෙන් ඒ හේතු සහ කල යුතු දේ ගැනයි මේ සටහන..
Consequences of oversleeping
   5,302
   50

ඔබත් ලොක්ඩවුන් කාලයේ වැඩිපුර නිදාගත්තාද..එසේ නැතිනම් විවේක කාලයේදි අධික ලෙස නිදාගැනීමට හුරුවෙලාද? දන්නවාද එමනිසා ඔබට සිදුවන දේ..

ලොක් ඩවුන් එක මුලදී ඉතා විනෝදජනක වුවත් ක්‍රම ක්‍රමයෙන් ඉතා අලසකාරි බවකින් සියලු දෙනා වෙළාගනු ලැබූවා.. දවසින් වැඩි කාලයක් බොහෝ දෙනා නින්දට හුරුවුනා. එයින් අපිට සිදු වෙන බලපෑම ගැන පර්යේෂකයක් සොයාගත් දේ ගැනයි අද හැඩකාරිගෙන් මේ සටහන..

Latest Articles

Most Viwed