බොම්බෙ ජෙලෙබි - Recipe

ජෙලෙබි හැදීමට අවශ්‍ය දේ :

පාන් පිටි අඬු කෝප්ප 1
බේකින් පවුඩර් තේ හැඳි 1/2
හාල් පිටි තේ හැඳි 1 1/2
මුදවපු කිරි අඬු කෝප්ප 1/2
වතුර අඬු කෝප්ප 1/2
කහ වර්ණකාරක අවශ්‍ය පමණට
තෙල් බැද ගැනීමට අවශ්‍ය පමණට

සීනි පැණි සඳහා අවශ්‍ය දේ :

සීනි අඬු කෝප්ප 1 1/2
වතුර අඬු කෝප්ප 3/4
කහ වර්ණකාරක ස්වල්පයක්
රෝස රසකාරක ස්වල්පයක්

ජෙලෙබි හදමු :

1. පාන් පිටි, බේකින් පවුඩර් සහ හාල් පිටි එකට එක්කර දෙතුන් වරක් හලාගන්න.

2. එයට මුදවපු කිරි සහ වතුර එකතුකර ඝන බැටරයක් සාදාගන්න.

3. ඉන්පසු එයට කහ වර්ණකාරකය එක්කර හොඳින් මිශ්‍රකර විනාඩි 10ක් පසෙකින් තබන්න.

4. දැන් ගැඹුරු තෙල් භාජනයක් හොඳින් රත්කරගන්න.

5. ඉන්පසු සාදාගත් බැටරය පුනීලයකට පුරවා රත් වූ තෙලට රවුම් ආකාරයට දමා ජෙලෙබි බැදගෙන තෙල් බේරාගන්න.

සීනි පැණි හදමු :

1. සීනි සහ වතුර නූල් ඇදෙන පදමට උණු කරගන්න.

2. කහ වර්ණකාරක සහ රෝස රසකාරකයන් මිශ්‍රණයට එක්කර කලවම් කරන්න.

3. බැදගත් ජෙලෙබි සීනි පැණි ද්‍රාවණයේ ගිල්වා පැණියෙන් ඉවත්කර වේලෙන්නට තබන්න.