කුණු කූඩයට විසිකරන පළතුරු පොතුවලින් ලස්සන වෙන්නේ මෙහෙමයි

September 17, 2018
3,564
Be beautiful with fruit peels
ලස්සන වෙන්න කොයි කාටත් තියෙන්නේ උන්මාදයක් වුණත් ගොඩක් දෙනෙක් දන්නේ නෑ තාවකාලීක නොවන දිගු කාලීන පරිපූර්ණ ලස්සනක් ලබා ගන්නේ කොහොමද කියලා. ගොඩක් වේලාවට පාටියකට එහෙමත් නැත්තම් උත්සවයකට යන්න ඕන වුණාම බොහෝ කාන්තාවන් කරන්නේ සැලෝන් එකට ගිහින් තාවකාලික ලස්සනකින් හැඩවැඩ වෙලා අවස්ථව වෙනුවෙන් පෙනී ඉන්නවා. විශේෂයෙන්ම අපේ රටේ යුවතියන් වගේම කාන්තාවන් ගොඩක් වේලාවට විශාල මුදල් වියදම් කරලා රූපලාවණ්‍ය නිෂ්පාදන එක්ක ඔට්ටු වෙනවා ලස්සන වෙන්න. අවසානයේදී තමන්ගේ තියෙන ලස්සනත් නැති කරගෙන තමයි ගොඩක් දෙනෙක් නතර වෙන්නේ. අද Hadakari අපි ඔයාගේ ලස්සන වෙනුවෙන් කළ හැකි සරල පිළියම් ටිකක් කියලා දෙන්න තීරණය කළා. ඔයා සමාන්‍යයෙන් ගුණය දැන හෝ නොදැන පළතුරු ආහාරයට ගන්නවානේ. හැමෝම කරන්නේ පළතුර කාලා පොත්ත කුණු කූඩුයට විසි කරන එක. ඒත් ඔයා හැඩකාරී අද මේ කියන දේවල් ටික ඇහුවට පස්සේ කවදාවත් අපි මේ කියන පළතුරුවල පොතු විසිකරන එකක් නම් නෑ.

කෙසෙල් ගෙඩි පොතු

අපි සමාන්‍යයෙන් කෙසෙල් ගෙඩිය ආහාරයට ගත්තට පස්සේ පොතු විසිකරනවානේ. ඔන්න ඉතිං අද හැඩකාරී අපි කියන මේ කතාව ඇහුවට පස්සේ ආපහු කෙසෙල් ගෙඩිවල පොතු විසි කරන්න ඕන කරන්නේ නෑ. ඔයාගේ මුහුණේ කුරුළෑ සහ කුරුළෑ ලප කැළැල් තියෙනවාද? එහෙමත් තැනිතම් සිරුරේ තැනින් තැන කළු පැහැ වෙලාද? ඉතිං මේ ගැටළුවලට ප්‍රතිකාර කරන්න කුණු කූඩයට විසි කරන කෙසෙල් පොත්ත ප්‍රමාණවත්. ඔයාට කරන්න තියෙන්නේ හරිම පුංචි දෙයක්. මුහුණ සහ සිරුරේ තැනින් තැන අවපැහැ වෙලා තියෙන තැන් හොඳින් පිරිසිදු කරන්න. කොසෙල් ගෙඩියේ පොත්ත අරගෙන දැන් හොඳින් ස්ක්‍රබ් කරන්න. ඉතිං ඔයාගේ සමේ මැරුණු සම ඉවත් වෙලා යනවා. සමේ ගොරෝසු තැන සුමුදු බවට පත් කරනවා. මෙයින් ඔයාගේ මුහුණේ ළප කැළැල්වල වර්ණය ටිකෙන් ටික අඩු වෙලා යන්න පටන් ගන්නවා.

දොඩම් පොතු

ලොකු කඩා කවුරුත් අතර ජනප්‍රි‍ය පළතුරක් තමයි දොඩම් කියන්නේ. දොඩම් යුෂවලින් ඔයාට C‍ විටමින් ලැබෙනවානේ. මේ විටමින් ඔයාගේ සිරුරේ ක්‍රියාකාරීත්වයට ඉතාමත් වැදගත් වෙනවා. දොඩම් කාලා හැබැයි පොතු ඉවත දමන්නේ නැතුව දැන් ලස්නන වෙන්නත් භාවිත කළ හැකියි. දොඩම් ගෙඩියේ කහ පාටට හුරු පොත්ත ඉවත් කළාම සුදු පැහැයෙන් පොත්තක් ඉතිරි වෙනවානේ. ඉතිං මේ සුදුපාට පොත්ත සෙමින් ඉවත් කර ගන්න. පසුව එය බ්ලෙන්ඩර් කර ගන්න. මේ විදිහට සකස් කරගත්ත මිශ්‍රණය ඔයාගේ මුහුණේ කුරුළෑ, ලප කැළැල් තියෙන තැන්වල ආලේප කරන්න. නැවත කුරුළෑ ඒම වළක්වාලමින් සමේ තියෙන ළප කැළැල්ද සුවපත් කරනවා.

දොඩම් ගෙඩියේ විසි කරන කහ පැහැති පොත්ත ඔයා හරියට පාවිච්චි කළොත් දැන් සමේ පැහැපත් බව ලබා ගන්න පුළුවන්. දොඩම් පොතු ටික ඉවත් කරගෙන හොඳින් අව්වේ වියළා ගන්න. පසුව මේ දොඩම් පොතු බ්ලෙන්ඩර් කර ගන්න. බ්ලෙන්ඩර් කර ගත් දොඩම් පොතු කුඩුවලට කිරි ස්වල්පයක් මිශ්‍ර කර මුහුණේ ආලේප කරන්න. ඔයාගේ මුහුණේ අඳුරු පැහැය ඉවත් කරලා නව පෙනුමක් ගෙනවින් දෙනවා ඔයා මේ සත්කාරය කිහිප සැරයක් කළාම.

ගස්ලබු පොතු

ගස්ලබු කියන්නෙත් කා අතරත් ජනප්‍රිය පළතුරක්. ගස්ලබු ආහාරයට නොගන්නා කෙනෙක් අද හොයා ගන්නත් නැති තරම්. දැන් ලස්සන වෙන්න ගස්ලබු පොත්ත ඔයාට භාවිත කළ හැකියි. ගස්ලබු කෑවාට පස්සේ පොත්ත විසි කරන්නේ නැතුව ශීතකරණයේ මද වේලාවක් තියලා තියන්න. ඊට පස්සේ බෙල්ලේ සහ මුහුණේ හොඳින් ආලේප කරන්න. මෙයින් මුහුණේ සහ බෙල්ලේ තියෙන රළු බව ඉවත් වෙලා ගිහින් මුහුණේ සහ බෙල්ලේ සම සුමුදු කරනවා.

අලිගැට පේර පොතු

අලිගැට පේරවල මදය ඉවත් කර ගත්තට පස්සේ අපි පොතු ටික කුණු කූඩුයට විසි කරනවානේ. මේ ඉවත් කරන අලිගැට පේරවල පොත්ත ඔයාට භාවිත කළ හැකියි සමේ පැහැපත් බව ලබා ගන්න. අලි ගැට පේරවල මදය ඉවත් කර ගත්තට පස්සේ ඉතිරිවන පොත්ත හොඳින් බ්ලෙන්ඩර් කර ගන්න. එවිට ඔයාට තළපයක් ආකාරයෙන් මේ මිශ්‍රණය ලබාගත හැකියි. පසුව මුහුණ, බෙල්ල, අත් සහ කකුල්වල ආලේප කරන්න. විනාඩි 30 විතර ගියාට පස්සේ සෝදා ඉවත් කරන්න. ඔයා දින කිහිපයක් මේ සත්කාරය කරනකොට ඔයාටම තේරෙන්න පටන් ගනීවී කොතරම් පැහැයක් ඔයාගේ සමට ලැබිලා තියෙනවාද කියලා.

ඇපල් ගෙඩියේ පොතු

සමාන්‍යයෙන් ගොඩක් දෙනෙක් ඇපල් ගෙඩිය කන්නේ පොතු එක්කමනේ. ඒත් ඔයා ඇපල් ගෙඩියේ පොත්ත ඉවත් කර ගත්තොත් ඔයාගේ සමට පැහැපත් බවක් ලබා ගන්න භාවිත කළ හැකියි. ඔයාට කරන්න තියෙන්නේ පුංචි දෙයක්. ඇපල්වල පොතු ටික ඉවත් කරගෙන පෙර ආකාරයටම හොඳින් බ්ලෙන්ඩර් කර ගන්න. එතකොට තලපයක් විදිහේ මිශ්‍රණයක් සකස් කර ගන්න එක වඩාත් පහසුයි. පසුව මේ මිශ්‍රණය හොඳින් මුහුණේ සහ අත පයවල ආලේප කරන්න. මේ සත්කාරය මගින් ඉතා ඉක්මනින් ඔයාට පැහැපත් සමක් ලබා ගත හැකියි.

Related Articles

Featured Articles

Trending Articles

අපේ ජනප්‍රියම ලිපි

Do you know about the disease in womb?
   18,431
   1,035

කාන්තා ප්‍රජනන පද්ධතිය ආශ්‍රිත රෝගාබාධ ගැන ඔබ දන්නවාද?

බොහෝ දකුණු ආසියාතික රටවල වගේම ලංකාවෙත් මේ ප්‍රජනන පද්ධතියේ රෝග සම්බන්ධව මිත්‍යා විශ්වාස ගොඩක් තිබෙන නිසා බොහෝ ලෙඩ රෝග මුල් අවස්ථාවේදීම ප්‍රතිකාර ගැනීමෙන් වැළකිලා යනවා
Symptoms to say you are pregnant
   23,971
   88

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Don't ever think of marring these 5 men
   33,168
   75

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
How to Lose Weight Naturally
   74,269
   58

මාසෙකින් කිලෝ විස්සක් විතර අඩු කර ගන්න කැමතිද?

ජිම් එකේම පදිංචි වෙලා ඉන්න ඕනේ කියලා ඔබට හිතෙනවා ඇති. ආස කෑමක් නොකා ජිම් යනවා කියන්නේ මහා හිසරදයක්ම තමයි
Indoor plants that cleans air inside your house
   35,298
   42

ගෙදර ලිපෙන් පවා පිට වන විෂ වායු නසන, නිවෙස තුළ තබන පැල (Indoor Plants)

මෙන්න මේ ශාක මගින් වැඩි ඔක්සිජන් වායුවක් පිට කරනවා වගේම නඩත්තු කරන්නත් ඔබට එච්චර වද වෙන්න ඕනේ නෑ

Latest Articles

Most Viwed

 |

x