සෘණාත්මක සිතුවිලි වලින් මිදීමට යතුරු 5 ක්

May 7, 2020
7,337
Five keys to get rid of negative thinking
අපිට ඍණාත්මක සිතුවිලි දැන් දැන් වැඩිපුර දැනෙන්නේ හදිසියේ ඇති වුණු නිරෝධානය කාල සීමාවත් එක්ක නිවෙස් වලට ම වෙලා ජීවත් වෙන්න සිද්ධ වුණු නිසයි. මේ වගේ වාතාවරණයකදී බොහෝ විට ඒ වගේ සිතුවිලි හිතට පැමිණිම සාමාන්‍යයි. සමහර විට ඒක අපගේ ඔලුව ඇතුළේ උපදින එක් සිතුවිල්ලක් පමණක් වෙන්න පුළුවන් අතර සමහර වෙලාවට ඍණාත්මක ශක්තියකට ඇද වැටෙන සිතුවිලි මාලාවක් වුණත් ඇති වෙන්න පුළුවන්. මේ ඍණාත්මක සිතුවිලි සමඟ සටන් කිරීමට නම් ඔබ ඒවා කළමනාකරණය කරගන්න ඕනේ. මේ කාලයේදී විතරක් නෙමෙයි ජීවිතේ ඕනේම අවස්ථාවකදී ඔබට සිද්ධ වෙන්න පුළුවන් ඍණාත්මක දේවල් වලට මුහුණ දෙන්න ඕනේ ආකාරයන් තියනවා. ශක්තිමත් වෙන්න වටින ක්‍රම 5ක් අපි ඔබට කියන්නම්...

1. "අනේ දෙවියනේ, දැන් මේක වෙන්න යන්නේ ..."
සමහර අවස්ථාවලදී අයහපත් තත්ත්වයක් පැනනැඟී නොතිබුණත්, අනාගතයේ දී වෙන්න තියන දෙයින් බොහෝ ඈතකින් තිබ්බත්, තත්වයේ නරකම දේ ගැන සිතන්න අපි පුරුදු වෙලා ඉන්නවා. ඒ නිසා තත්ත්වයන් වල නරකම දේවල් ගැන සිතීම නතර කරගන්න. ඒ වගේම ඔබ අසත්‍ය පුවත් වලට හසු වෙලා වර්තමාන තත්ත්වය ගැන අතිශයෝක්තියෙන් හිතනවා නම්, ඒ වැඩේ නවත්වන්න. හොඳින් හුස්මක් අරන් ඒ වෙලාව​ට මේ විදිහට ඔබටම කියාගන්න, “මේක ඇත්තක් නෙමෙයි. මේක තවම සිදු වෙලා නෑ, මට තවමත් තත්ත්වය පාලනය කරගන්න පුළුවන්. උදවු උපකාර ගන්නත් පුළුවන්.”

2. "මම ආයෙමත් අසමත්!"
ඔබ ජීවිතයේ අසාර්ථකත්වයන්ට පත් වෙලා ඇත්නම්, මතක තබා ගන්න ඒකෙන් ඔබේ මුලු ජීවිතය ගැන ම නිර්වචනය කරන්න බෑ කියලා. බොහෝ විට අප කොතැනක හෝ සිර වෙලා ඉන්නකොට හෝ අසාර්ථකත්වය අත්විඳිනකොට ඒක වුණේ කොහොමද කියලා හිතාගන්න බැරි වෙනවා. හැබැයි ඒක හොඳටයි වුණේ කියලා අමතක කරන්න. ඒ නිසා සෑම විටම ඍණාත්මක තත්ත්වයකට මුහුණ දෙනකොට ඔබ සාර්ථක වූණු සියලුම අවස්ථා මතක් කරගන්න. ඒ මොහොතේ ඔබට හැඟුණු ආකාරය මතක තබා ගන්න. එම ධනාත්මක සතුට හරහා ඔබට දැනෙන ඍණාත්මක අත්දැකීම් ජය ගැනීමට ඉඩ දෙන්න.

3. "මිනිස්සු මොනවා හිතයි ද?"
 “මිනිස්සු මොකක් කියයි ද?” යන වාක්‍ය ඛණ්ඩය බොහෝ විට ඔබේ හිත තුලත් ඇති වෙලා ඇති. 
ඉතින් ඒ ගැටළුව විසඳගන්න විදිහ ගැන ඉගෙන ගන්න හොඳ ක්‍රමයක් කියන්නම්. කාලය ගතවීමත් එක්​ක අපි කරන කියන දේවල් අපි අවට සිටින අයට ඉබේම අමතක වෙනවා. අපගේ මතකයේ විතරයි අපි කරපුවා කියපුවා රැඳී තිබෙන්නේ. ඉතින් ඔබට මිනිස්සු ඉදිරියේ සිදු වූ දෙයක් ගැන සිතනකොට සහ ඒ ගැන ඔබට ලැජ්ජාවක් දැනුනා නම්, ඔබ මතක තබා ගන්න සෑම කෙනෙක්ටම ඒ වගේ දේවල් වෙන අතර එහෙම වෙන එක මනුෂ්‍ය ස්වභාවයක්. ඒකෙන් ඔබව නිර්වචනය කරන්න බෑ. ඔබට තවමත් අපහසුතාවයක් දැනෙනවා නම් ඔබේ තත්ත්වය ගැන සැලකිලිමත් වන මිතුරෙක් සමඟ කතා කරන්න. එදිනෙදා ඔබ කැමති දෙයක් කරන්න. එවිට ඔබ සහ තත්ත්වය අතර මානසික දුරස් බවක් නිර්මාණය වෙයි.

4. "එයා මට කැමති නැ ... කිසි කෙනෙක් මට කැමති නැ"
අපි අවට සිටින සියල්ලන්ගේම හිතන විදිහ අපිට සමාන වෙන්න ඕනේ කියලා කාලයකදී ඔබටත් හිතෙන්න ඇති. නමුත් මුළු සමාජයේම පිළිගැනීමක් අපේක්ෂා කරනකොට, අපට බොහෝ විට අපගේ සීමාවන් පිළිබඳව ඇති වෙන්නේ ඍණාත්මක සිතුවිලියි. මොකද සමහර විට අපි කතා කරන, බලන හෝ සිනාසෙන ආකාරයට අකමැති එක් පුද්ගලයෙක් වුණත් මේ ලෝකේ ඉන්න පුළුවන්. නමුත් සෑම කෙනෙකුම සතුටු කරන්න අපිට බෑ. නමුත් අපට ආදරය කරන අපගේ පවුලේ අය සහ මිතුරන් ගැන සිතීමෙන් අපට සතුටු වෙන්න පුළුවන්. ඒ නිසා ඔබට අකමැති කෙනෙක් ගැන හෝ වෙන්වීමක් ගැන ඔබ අපහසුතාවයක් අත්විඳිනවා නම්, ඔබ ඔබේ ආදරණීයන් සමඟ සිනාසෙමින් එකිනෙකා ගැන සැලකිලිමත් වෙමින් කාලය ගත කරන්න. දැන් ඔබේ මතකයේ ඔවුන්ගේ ආදරණීය සමාගමේ උණුසුම අත්විඳින අතරතුර ධනාත්මක සිතුවිලි වල බුබුලු ඔබ තුළම වර්ධනය වීමට ඉඩ හරින්න.

5. ඔබ ගැනම සෘණාත්මක අදහස් 
බොහෝ විට අපට ටිකක් මානසිකව පසු බෑමක් දැනෙනකොට අපි අපි ගැනම ඍණාත්මකව සිතන්න පෙළඹෙනවා. නමුත් මතක තබා ගන්න ඔබේ අත්දැකීම් වලදී, ඔබේ සාර්ථකත්වයන් වලදී සහ ඔබේ අසාර්ථකත්වයන් තුළදී වුණත් ඔබ වෙනස් කෙනෙක්. ඔබේ ගමන තවමත් ලියාගෙන යමින් පවතින්නේ. ඔබ තවමත් ඔබ මත, ඔබේ වෘත්තිය මත, ඔබේ පෞද්ගලික සම්බන්ධතා මත කටයුතු කරමින් ඉන්නේ. ඒ නිසා ඔබ අධෛර්යයට පත් වෙලා ඇති බවක් දැනෙන සෑම අවස්ථාවකම ඔබටම සහ ඔබ අවට සිටින පුද්ගලයින් වෙනුවෙන් ඔබ කරලා තියන සියලු යහපත් දේවල් මතක් කරගන්න. ඔබේ ජිවිතයේ සියලු දුෂ්කරතා මධ්‍යයේ කටයුතු කළ සියලු ආකාරයන් මතක තබා ගන්න. ඔබේ ඍණාත්මක සිතුවිලි මොනවා කිව්වත් ඒවා සත්‍යයක් නොවන බව ඔබටම මතක් කර දෙන්න. ඔබ සතුව ඇති සියලු ධනාත්මක දේවල් වලට ඔබම ආදරය කරන්න. සියල්ලට පසුව ඔබට ඔබව ම නැවත හොයාගන්න පුළුවන් වෙන අතර ඔබ ඔබටම රාජකීයත්වයෙන් සලකන්න පටන් ගනියි.

Related Articles

Featured Articles

Trending Articles

අපේ ජනප්‍රියම ලිපි

Food to regulate your menstrual circle
   41,658
   30

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න
10 symptoms shows you are pregnant
   44,768
   27

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
Changes in your body if you consume cod-liver oil daily
   91,644
   26

ඔබ දිනපතා මෝර තෙල් ගැනීමෙන් ඔයාගේ ශරීරයට සිදුවන වෙනස්කම් කිහිපයක්

ස්වභාවික මෝර තෙල් ඔයාගේ සමට, අස්ථිවලට, හදවතට වගේම ඔයාගේ වයසටත් පුදුම හිතෙන තරම් හොඳ ප්‍රතිඵල ලබාදෙන බව අමතක කරන්න බැහැ. අද හැඩකාරී මේ සටහන මෝර තෙල් භාවිතයට ගැනීමෙන් සෞඛ්‍යයට ලැබෙන හිතකර ප්‍රතිඑල රාශියක් ගැනයි
5 skin care tips for your neck
   28,123
   24

ඔබත් බෙල්ලේ සම අඳුරු වීම නිසා කණස්සල්ලෙන්ද? එසේ නම් මේ පියවර 5 අනුගමනය කර බලන්න

ඔබගේ මුහුණ තරම් ගෙල පෙදෙස ආශ්‍රිත සම දුර්වර්ණ ස්වභාවයක් ගන්නවා නම් බෙල්ල ආශ්‍රිත සමෙහි රැකවරණය සඳහා ඔබ අනුගමනය කළයුතු පියවර 5ක්
Dress patterns for flower prints
   60,919
   23

මල් ගවුම් අඳින්න කැමති රුවැත්තියන්ට ගවුම් පැට්න්

විශේෂයෙන් මේ කාලෙට මල් ප්‍රින්ට් එක තියෙන රෙද්දෙන් නිමැවුනු ගවුම් අඳින්න ගැහැනු අපි ලොකු කැමැත්තක් දක්වනවා. ඉතින් මේ ගවුම් මෝස්තර ටික බලන්න ඔයා කැමති පැට්න් තියෙනවද කියලා

Latest Articles

Most Viwed